Asuransi


DÍLI----Prezidente Parlamentu Nasional foun Aniceto Guterres promete prontu atu lidera meza no ajenda ba Plenaria segunda, tersa, tanba Bankada parlamentar maioria konkorda hodi hili nia (Aniceto) ba Prezidente PN.

“Hotu-hotu konkorda husi bankada parlamentu nasional funsiona hahu husi ohin bankada paralamentar Konkorda tenke halo normalizasaun ba funsionamentu parlamentu nian, Segunda no tersa sei iha plenaria, sekretaria parlamentu nasionál garanti katak segunda sei iha ajenda plenaria,” hatete PPN Aniceto Longuinhos Guterres ba Jornalista sira hafoin remata enkontru iha Salaun enkontru PN, Kinta (21/05)

Entretantu prezidente eleitu foun ba Parlamentu Nasionál sei halo kna’ar nudar prezidente parlamentu nasionál atu lidera plenaria iha semana oin maibe sei labele realiza tanba Meza PPN hetan estragus husi bankada. “Iha sala prenaria ne’ebé hetan estragus ne’e parte husi polisia investigasaun sei mai hare meza plenaria PPN temporariamente tur iha kraik enkuantu prosesu ne’e laos bankada hotu-hotu konkorda katak meza ne’ebé sobu tiha ona ne’e tenke hari’i foun, sei hatur ho lisan Timor nian, sei halo ritual ne’ebe sei lao ho fulan,”

Tuir prezidente foun ne’e haktuir katak atu hari’i fali meza foun prezidente parlamentu nasionál, presiza tuir kultura Timor-Leste nian lia-na’in husi munisipiu sanulu resin tolu atu hari’i fali hanesan uluk hari’i fukun ida tamba mai husi uma lisan no kultura ida. Nia afirma, katak meja ne’ebe hetan estragus, no bankada parlamentar kompostu husi Bankada Frente Revolusionaria Timor-Leste Indepedensia (FRETILIN), Partidu Libertasaun Popular (PLP), Kmanek Haburas Unidade Nasional Timoroan (KHUNTO) inklui Partidu Demokratiku (PD) hotu-hotu konkorda atu hari’i fali meza Prezidente Parlamentu Nasionál presiza halo ritual. (BT)