Asuransi


DÍLI----Liu-husi enkontru Konsellu Ministru iha loron 21 fulan Maiu tinan ne’e, iha Salaun Auditoriu Xanana Gusmão, Aitarak-Laran, Kinta (21/05) konsege aprova ona kalendáriu ba Debate Órsamentu Jerál do Estadu tinan 2020. Kalendariu Debate ne’ebe Konsellu Ministru Aprova sei haruka ba iha Parlamentu Nasional hodi deskute tuir liu konsellu Ministru ne’ebe iha.

Tuir Ministru Koordenadór Asuntu Ekonómiku Fidelis Manuel Leite Magalhães hatete, kalendáriu ne’ebé aprova sei presiza konserta ho ajenda PN nian, no proposta lei sei análiza iha Komsellu Minístru iha loron 22 fulan Jullu tinan ne’e.

“Komsellu Ministru aprova kalendáriu, atu prepara Órsamentu Jerál do Estadu ba tinan 2020, tuir kalendariu ne’ebé aprova, proposta lei sei análiza iha komsellu Minístru iha loron 22 fulan Jullu 2020, no sei submete iha Parlamentu Nasionál, entaun ohin komsellu Minístru aprova tiha ona, no kalendáriu hirak ne’e ami sei komserta iha Parlamentu Nasionál,” informa Fidelis Manuel Leite Magalhães ba jornalista sira hafoin remata enkontru KM, Salaun Auditoriu Xanana Gusmão, Aitarak-Laran, Kinta (21/05)

“Lei Orsamentu foun ne’e presiza konserta iha Parlamentu Nasionál, tanba hanesan bain-bain ona tenke hare’e ajedamentu parlementu nian tomak, komisaun sira nian, no banhira mak halo plenaria ne’e sei konsenta iha Parlamentu,”katak nia. Alende ida ne’e Ministru Fidelis Esplika mos katak montante OJE ba Tinan 2020 ne’ebé apresneta ona, Iha loron 15 fulan Outubru 2019, liu husi Minístru Finansas, depois loron 3 fulan Dezembru 2019, no iha 17 fulan Janeiru 2020, maibe lakonsege aprova.

“Iha loron 15 Outubru, Governu liu-husi Ministra Finansa ezerxísiu, Sara Lobo Brites, hamutuk ho Ministru Fidelis submete ona Proposta Lei OJE 2020 iha Parlamentu hodi diskute, Proposta dahuluk ne’ebé Governu submete ho montante Billaun $1.950 Dollar Amerikanu, Inklui mós imprestimu $73, bainhira inklui imprestimu hamutuk biliaun $1.887, no bainhira fahe tuir kategória saláriu no vensimentu millaun $241.271, bensestar millaun $738.428, transferensia públika millaun $457.773, kapital menor millaun $53.267 no kapital dezenvolvimentu millaun $459.260,” akresenta Fidelis

Ministru Koordenadór Asuntu Ekonómiku Informa katak Orsamentu Jerál Estadu 2020 nian ne’ebé la pasa ikus liu iha iha loron 17 Janeiru 2020 ho montante Billaun $1,668. “Proposta foun OJE 2020 ne’ebé lapasa ne’e ho montante Billaun $1,668, kompostu hosi sálariu no vensimentu millaun $235,6, bens no serbisu millaun $561,8, transferensia públika millaun $329,706, kapital menor millaun $31,548 no kapital dezenvolvimentu millaun $488,837,” Nia informa, Governu lori hikas proposta ba dalarua hodi diskute maibe iha loron 17 Janeiru 2020, Proposta OJE 2020 lapasa iha diskusaun jeneralidade ho rezultadu Deputadu sira vota kontra. (BT)