Asuransi


DILI----Primeiru-MInistru Taur Matan Ruak, kongratula esforsu Parlamentu Nasional nian hodi ultrapasa problema, embora hasoru probelma oituan iha distitisaun meja, maibe importante Parlamentu Nasionál tenke funsiona normal fila-fali nune’e Governu bele lori fila-fali Orsamentu Jeral Estadu (OJE) 2020 no 2021 nian atu reativa fila-fali ekonomia nasaun nian.

Tuir Komunidadu Imprensa ne’ebe BT Asesu husi Pajina Ofisial Facebook Primeiru Ministru nian iha loron kinta (21/05) katak PM hakarak Funsiona fila-fali Parlamentu atu governu bele lori fali Orsamentu Jeral Estadu hodi halo deskusaun tanba Timor-Leste labele moris deit ho Orsamentu duodesimal. “Hanesan Governu hakarak kongartula esforsu Parlamentu nian, ultrapasa diverzensia, ultrapasa problema, infelizmente iha problena oituan, mas ne’e hanesan baibain ita dehan bee kuandu fakar ona ita labele tanis tuir bee ida fakar ne’e, haree mak aban no ba oin.

Tanba ne’e ha’u nia apelu hanesan lider orgaun soberania ida ezekutivu parake Parlamentu restabelese fila-fali normalidade, ha’u hakarak lori Orsamentu ba, porke ita labele ita-nia nasaun funsiona na baze de duodesimu, ita presiza reativa fali ita-nia ekonomia, para populasaun sira nia moris bele la’o normal fila-fali, ida ne’e mak ha’u-nia preokupasaun”, dehan Xefe Ezekutivu ba jornalista sira hafoin remata reuniaun semanal ho Prezidente Repúblika, Dr. Francisco Guterres Lú Olo iha Palasiu Prezidente Nicolau Lobato, Kinta-Feira semana ne’e. Entretantu Xefe Ezeutivu esplika, iha reuniaun Konsellu Ministru extraordinaria kinta-feira lokraik ne’e sei deside kalendariu orsamental ba 2020 no 2021. (BT)