Asuransi


DÍLI----Iha situsaun loron rua nia-laran, deputadu sira iha Parlamentu Nasional “Hurlele Malu” atu halo destituisaun ba meza Presidente Parlamentu Nasional nu fim, Aniceto Guterres husi Bankada FRETILIN sai vensedór ba assume kargu nudar PPN foun.

Bankada Parlamentar kompostu husi bankada Frente Revolusionaria Timor-Leste Independensia (FRETILIN), Partidu Libertasaun Popular (PLP), Kmanek Haburas Unidade Nasional Timoroan (KHUNTO) inklui Partidu Demokratiku (PD) apoiu hodi vota afavor-40, kontra-0, abstensaun-0 hodi hili Aniceto Guterres troka Arão Noé de Jesus Amaral nia fatin, sai prezidente Parlamentu Nasionál.

Vice-Prezidente Parlamentu Nasionál Maria Angelina Sarmento Lopes, informa katak, atu konvida prezidente Parlamentu Nasionál atu eleitu ba meza. “Ha’u konvida Prezidente Parlamentu Nasionál eleitu ba meza,” Hateten Vice-Prezidente Parlamentu Nasionál Deputada Maria Angelina Sarmento Lopes, ba jornalista hafoin remata eleitu ba PPN foun, iha uma Fukun Parlamentu Nasional, Tersa (19/05).

Iha fatin hanesan deputada Bankada Partidu Libertasaun Popular (PLP) Rezina Freitas, akresenta katak, votus afovor-40 ne’e konsidera katak Aniceto Guterres Eleito foun ba Meza Prezidente Parlamentu Nasionál. “Rezultadu votasuan afavor-40 ba pedidu Arão Noé de Jesus Amaral aprovadu no deputadu Aniceto Guterres sai Prezidente Parlamentu Nasionál,” Informa Deputada Rezina.

Relasiona konflitu ne’ebé akontese iha uma fukun Paralamentu Nasionál durante loron rua horseik no ohin José Virgilio husi deputadu Consellu Nasional da Rekonstrusaun Timorense (CNRT) la fó fatin ba vice-presidente Parlamentu Nasionál atu lidera meza parlamentu. “Maibe ohin konsege bankada tolu konspotu husi PLP, KHUNTO, FRETILIN, Apoiu Mós husi bankada PD Na’in-4, vota afavor hamutuk 40 votus,” Katak nia.

Situasaun iha uma fukun Parlamentu Nasionál maske kankada CNRT la fó dalan no la fó ba vice-presidente Maria Angelina maibe ho seguransa mantein no fim hotu kontroladu no konsege lidera meza hodi votus hodi hili PPN foun. Maske Bankada ho animasaun baku meza kontinua halo barullu, maibe Bankada Partidu Demokratiku apoiu Votus ha’at (4). (BT)