Asuransi


DĺLI----Organizasaun Internasional ho naran UNDP apoiu orsamentu hamutuk millaun $22.4 hodi halo rehabilitasaun ba bee-moos iha Timor-Leste. Tuir UNDP Resident Representative Tuya Altangerel hatete, UNDP servisu ho projetu kona-ba oinsa asegura servisu ba iha povu sira liliu iha area rural.

“UNDP servisu ho ninia projetu kona-ba oinsa asegura servisu ba iha povu sira liliu ba iha ambiente nian oinsa povu sira bele asesu ba bee-moos no haris fatin buat sira ne’e hotu entaun servisu UNDP ida ne’e atu asegura ba povu buat ne’ebé sira nia direitu” dehan Tuya Altangerel ba jornalista Business Timor iha UN House Kaikoli Dili, Tersa (10/03/20).

Nia hatutan, orsamentu millaun $22.4 ne’e ba rehabilitasaun liliu hare kona-ba bee-moos, tanba bainhira udan mai osan ne’e aloka hotu ba rehabilitasaun bee-moos nian hodi asegura povu hotu-hotu. “Osan millaun $22.4 ne’e ba rehabilitasaun liliu hare kona-ba bee-moos, tanba bee ne’e bainhira udan mai osan ida ne’e sei aloka hotu ba rehabilitasaun liliu ba bee-moos nian atu asegura povu hotu-hotu ne’ebé hela iha area rural bele hetan asesu ba bee-moos nian, tanba ne’e mak osan millaun $22.4 ne’e sei taka ba buat sira ne’e hotu” dehan Tuya

Nia afirma, fasilidade bee-moos ba povu , estrada rural nomos irigasaun, konstrusaun sira ne’e sei la halo konvinasaun ho rehabilitasaun ba rai liu husi reflorestasaun nian no osan millaun $10 kada tinan ne’ebé kona-ba projetu importante sira. “Fasilidade bee-moos, estrada rural nomos irigasaun, depois konstrusaun sira ne’e sei halo konvinasaun ho rehabiliatasaun ba ita nia rai liu husi reflorestasaun nian liu husi kuda ai-oan sira liliu espesifiku ne’ebé mak bele proteje, osan millaun $10 kada tinan ne’ebé kona-ba projetu importante tebes” afirma nia

Nia haktuir, Serivsu mos ho partidu politiku hotu atu ense ona katak buat ne’ebé halo no halo tuir konstituisaun nomos kona-ba mudansa klimatika ida ne’e iso global ne’ebé ita hato’o, UNDP nia projetu balun atu asegura povu sira ne’ebé hela iha area rural no bele prevene sira husi udan boot sira ne’ebé sei mai wainhira sira hetan inudasaun nomos dalaruma estraga sira nia uma. Nia salenta, UNDP mos servisu ho governu kona-ba projetu eletoral atu oinsa prosesu elisaun iha timor laran liliu tinan hirak nia laran konsege ona servisu hamutuk ho sira. (BT)