Asuransi


DÍLI----Padaria Paun no Dose hamosu hanoin foun promove produtu lokál sai modelu Dose no Paun ne’ebé furak ijenia ba konsumidór Atu dezenvolve produtu lokál oras nee padaria Paun no Dose hahú hamosu ona idea inovativu hodi utiliza produtu lokál ba prosesu sai Paun no Dose ne’ebé oras nee disponivel iha sidade Dili laran.

Koordenadór Padaria Bread Bakery Imakulada Noronha hateten idea nee mosu atu promove produtu lokál ne’ebé mak oras nee ladún folin iha merkadu atu hasa’e kontribui ba ekonomia sustentavel hamosu inisiativa atu sosa produtu iha merkadu hodi mai produs sai Paun no Dose.

“Ema barak laiha hanoin atu promove produtu lokál hodi promove sai produtu seluk ne’ebé mak bele halo konsumidór sira gosta liu-liu halo sai Paun no Dose ho modelu furak. Bainhira ema han babeik produtu lokál hanesan Hudi ou Lakeru ema baruk maibé bainhira produs sai Dose ho modelu furak bele duni atrai ema atu hakarak koko hafoin gosta hodi sosa nafatin.’’ Dehan Imakulada.

Nia haktuir promove produtu lokál sai produtu furak tenke hamosu idea ida ne’ebé furak, oinsá atu halo Dose no Paun sai kapás tenke iha kriatividade ne’ebé natoon. “Produtu lokál ne’ebé mak sempre uza mak hanesan, Foos Rai Metan, Mean no Mutin, Lakeru, Hudi, Liis Mutin, Fehuk, Koto, Nu’u no Forerai.” Dehan Koordenadór Loja Cake Bread Imakulada Noronha ba jornalista Business Timor iha Loja Cake Bread Loro Mata, Kinta (30/01/20)

Iha fatin hanesan nia salienta tan produtu lokál hirak nee transforma tiha ba Paun, Dose, Bolinhos, Donat, Pizza, Jus no seluk tan, hafoin tau kedan naran ho lian Ingles atu konsumidór estranjeiru sira bele hatene. “Produtu hirak ne’e ho naran hanesan Pumpkin Toast, Garlic Roll, Coconut Bun, Red Been, Peanut Bun, Banana Cake. Alende husi produtu hirak ne’e asegura tebes nia kualidade tanba valor ijenia no seguru ba konsumidór sira bele konsume tannba produsaun ba Paun no Dose la uza pewarna.’’ Dehan Nia.

“Atualmente produtu hirak ne’e distribui ona iha supermerkadu no loja sira iha sidade Dili laran hanesan supermerkadu Leader, Lita Store, Jacinto, W4, Dili Mart, Mei Mart, Timor Plaza no loja seluk tan. Oras nee Padaria Cake Bread fó ona servisu ba Timoroan hamutuk 11 laiha traballadór estranjeiru, tanba inisiativa estabelese atividade negósiu iha area padaria nian hodi loke kampu traballu ba Timor-Leste. Koordenadór Cake Bread Bakery husu ba komunidade hotu tenke konsume produtu lokál tanba seguru ba saúde no mós bele kontribui ba ekonomia sustentavel iha Timor-Leste. (BT)