Asuransi


DÍLI----Sentru Saúde Iradarate husi Postu Administrativu Iliomar Munisipiu Lautém, ne’ebé mak dadauk ne’e seí utiliza provizoriu Veteranu Domingos Da Costa nia uma, hodi simu pasiente sira semana ida dala Rua.

Oras ne’e dadauk aktividade Obra Konstrusaun Edifisiu Sentru Saúde Iradarate hala’o hela ne’ebé mak responsabliza husi Kompaña Timoroan LALETEK, hodi konstrui Sentru Saúde Foun, tanbá ne’e mak Veteranu Domingos oferese nia uma ida ba Médiku Pesoal sira, hodi nune’e bele atende pasiente sira.

Ho nune’e Vereranu Domingos da Costa iha interese ba Povu ne’ebé di’ak, bele oferese nia uma ida provizoriu Pesoal Saúde sira, hodi nune’e pesoal Saude sira bele servisu iha laran hodi atende pasiente sira bainhira sira presiza Ai-Moruk. Tuir Infermeiru Monico Jerónimo Responsavel husi Postu Saúde Iradarate liu husi Via Telefone ba Jornalista Business Timor (BT) hateten, Postu Saúde Iradarate dada’uk ne’e seí utiliza provizóriu Veteranu Domingos da Costa nia uma, hodi atende Pasiente sira wainhira sira presiza Ai-Moruk.

“Postu Saúde Iradarate dada’uk ne’e muda fali mai iha Veteranu Dimingos nia uma, ho nune’e bele atende Pasiente sira, tanbá Ex Sede Suku Iliomar I komesa nia kakuluk dodok no parede sira mos komesa avaria ona,” dehan Infermeiru Monico Jerónimo Responsavel husi Postu Saúde Iradarate liu husi Via Telefone ba Jornalista Business Timor (BT), Segunda, kalan tuku 9.00 oras TL, (27/01).

Nia hatutan, Veteranu Domingos Oferese nia uma ba Pessoal Saúde sira hodi nune’e bele sira servisu iha laran hodi atende pasiente sira. “Tanbá ne’e mak Veteranu Domingos Da Costa Oferese nia uma ida ba Pesoal Saúde sira ultiliza provizoriu hodi nune’e servisu iha laran hodi atende pasiente sira, wainhira sira mai husu Ai-Moruk,” dehan nia

Nia esplika liu husi Via Telefone ba Jornalista BT, hahú harí Sentru Saúde Iradarate iha tempu Indonézia, ne’ebé mak lokaliza iha Aldeia Akara, iha tempu ukun an tinan 2013, hafoin Sentru Saúde muda fali mai iha Ex Sede Suku Iliomar I.

Responsavel Pessoal Saude ne’e haktuir tan, Sede Suku ne’ebé mak hala’o iha tinan 1992, agora dadauk nia kakuluk komesa kuak no parede sira mos avaria ona, komesa iha tinan 2019, Postu Saúde refere seí muda tan fali ba Veteranu ida ho naran Domingos Da Costa nia uma, ne’ebé oferese nia uma ida ba Pessoal Saúde sira.

Monico esplika, dadauk ne’e Veteranu Domingos da Costa husi Aldeia Maadaria Suku Iliomar II, ne’ebé mak oferese tan nia rai ba Governu liu husi Ministériu Saúde ho kilometru 20 kuadradu, hodi nune’e Kompaña LALETEK Konstrui Postu Saúde foun ba komunidade sira.

Nia hateten, Postu Saúde iha Postu Administrativu menus Pessoal Saúde sira, ne’ebé mak Atendimentu iha Postu Saúde Iradarate semana ida dala rua, iha loron Segunda to’o Sexta, loron seluk Pesoal Saúde servisu iha Centru Saúde Iliomar Vila, no númeru Telefone Pesoal Saúde taka, iha Postu Saúde no fó uma nain atu atende kazu emerjensia sira.

Responsavel Sentru Saúde Iradarate Monico Jerónimo ne’e haktuira tan, distansia husi Postu Saúde Iliomar kuaze 8 Km ba Postu Saúde Iradarate iha infermeiru ida, ne’ebé naran Monico Jerónimo, distansia emfermeiru nia uma ba Postu Saúde Iradarate Kuaze 8 Km.

Tanbé ne’e observasaun ne’nebé Jornalista Timor Post Florindo Colunha fó saí iha Jornal Diário Timor Post (TP) ne’e lalos, tanbá Jornalista Florindo la’os husu ba Pessaol Saúde ne’ebe mak lor-loron atende pasienti sira iha Sentru Saúde Iradarate, maibé husu fali Xefi Aldeia Lihina Filomeno Baptista ne’e uma do’ok husi Sentru Saúde refere kuaze 8 Km, Xefi Aldeia ne’e mós nunka konsulta an iha Sentru Saúde refere. (BT)