Asuransi


DÍLI----Bazeia ba Teknologia Modernizasaun iha Mundu ohin loron, hafasil liu tan, kreatividade Sosiedade nian oinsa bele halo negosiu ida ne’ebe bele utilize Teknojia sira hodi halo atividade Komersiu nomos atividade seluk. Hosi mudansa hirak ne’e Lori Empreza balun hodi hahú halo negosiu Online mak hanesan Empreza Loja Online Shopping ne’ebe ho naran Halo-Dili. www.halodili.com

Tan ne’e, mezmu loja ne’e hari iha Tinan kotuk maibe tinan kotuk sei prepara hela kondisaun hanesan Sistema oinsa bele publiku asesu no foin loke iha fulan Janeiru tinan 2020 ne’e. Tuir Maneger Loja Online Shopping Winnie Lu hatete agora Halo-Dili loke ona loja Online Shopping iha Timor-Leste, loja Online Shopping fa’an sasan oi-oin no Halo-Dili hanesan Online Shopping Primeiru iha Timor-Leste.

“Agora ita loke loja Online Shopping iha Timor-Leste loja online shopping ne’e kompletu, saida mak ita presiza, Porezemplu hanesan presiza kona-ba Senbako, Presiza kona-ba Eletronika, presiza kona-ba sasan uma laran nian loja online shopping prepara tiha ona, i sasan sira ne’e kompletu no sasan sira ne’e agora iha ona Timor hakarak presiza saida kontaktu mai Loja Halo-Dili pois hein antar ba deit,” hateten Maneger Loja Online Shopping Winnie Lu ba Jornalista BT, iha nia kna’ar fatin Fatuhada-Dili, Tersa (07/01).

Nia dehan, Loja Online shopping Prepara sasan mak hanesan necesidade Baziku. Sasan Elektroniku inklui mos sasan sira ne’ebe bele uza iha uma laran. Hosi Sasan sira ne’ebé mak temi iha leten Halo-Dili Prepara ona no hein deit vendedor sira ne’ebe mak hakarak hola bele kontaktu direitamente ba iha Sira no sira prontu atu lori konsumidor sira nia hela fatin. 

Alende faan sasan sira ne’e Halo-Dili mos faan mos pulsa Eletrisidade, Pulsa Telefone ba iha publiku sira. “Ita presiza saida deit buat hotu iha ne’e iha, tanbá objetivu online shopping ne’e atu muda ita-nia moris tuir teknologia modernizasaun maibe iha Timor foin primeira vez maibe hanoin iha nasaun seluk online shopping ne’e moderniza tiha ona,” Salienta nia.

Nia mos kompara katak ohin loron iha mundu nasaun barak mak loke negosiu uza sistema Online maibé iha Timor-Leste foin mak hahú negosiu refere. “Iha Timor foin mak atu hahu loke no loja ne’e foin primeiru loke iha Timor tanbá nemak online shoping ne’e loke iha Indonesia nomós iha China no rai seluk iha tiha ona, maibe haré iha Timor seidauk iha entaun agora mak foin hahu loke, mezmu loja Online Shopping hari iha Tinan kotuk,” katak nia.

Nune’e mos iha online shoping refere ho nia sistema ne’ebe fasil tebes tanbá uza kartu visa ka iha kartu Paid Roul, uza Cart on delivery (Kartaun deliveri) nian hodi selu. Nune’e mos nia esplika katak kona-ba pagamentu sasan laos selu uluk hafoin lori ba maibé funsionariu sira sei lori sasan ba kliente sira hafoin halo pagamentu. Hosi negosiu refere kompaña fό servisu ba timoroan na’in neen (6) mak hanesan feto na’in 2 no mane na’in 4.

“Tanbá online shoping ne’e hanesan buat ida bolu hahu ne’e sempre liu hosi kiik maibe ba oin ne’e sei fό servisu ba ema barak tanbá iha delivery nian ne’e, porezemplu hanesan liliu ba iha ema hola sasan entaun ami presiza ema barak par bele ajuda antar,” Salienta nia. Nia mos informa katak nudar dalan ida hodi hafasil liu tan konsumidor sira hodi bele hetan sasan ne’ebe mak sira hakarak inklui bele hamenus tempu ba konsumidor sira buka sasan ne’ebe sira hakarak. (BT)