Asuransi


DÍLI----Bazeia ba Governu da Ualu halo revizaun ba Orsamentu, Ministériu Negόsius Estranjeiru no Kooperasaun (MNEK) nian, mantein nafatin Orsamentu 2020.

Tuir Ministru MNEK Deonisio Babo Soares hatete Ministeriu Negosius Estranjeiru nia orasamentu tinan 2020 nian la reduz kontinua mantein nafatin orsamentu ne’ebé mak antes ne’e propoin tiha ona tanba Orsamentu tuan MNEK nian konsidera rihun $25 ho balun atu hare ba nivel diplomasia no diplomasia balun sa'e ona ba nivel ida a'as ne’e entaun presiza orsamentu ba Bens no Servisus nomos Salary ba tinan lima (5) mai.

“Orsamentu ida uluk MNEK nian konsidera rihun $25 ho balun mais intermus bens no Servisus nomos Salario mantein nafatin, porque diplomata foun foin iha it-oan deit I orsamentu ne’e atu hare ba nivel diplomasia sira deit tanba nemak ita mantein ho orsamentu ne’ebé mak antes ne’e iha ona,”hatete Ministru Deonisio Babo ba jornalista sira, hafoin Reuniaun Konsellu Ministu hotu, Kinta-Feira (19/12/2019).

Nia dehan, Orsamentu MNEK kontinua nafatin mantein tuir proposta ne’ebe haruka ba iha Komisaun Revisaun Orsamentu tanba atu hare ba nivel Diplomata sira ne’ebe Timor-Leste iha. “Ita-nia diplomata tuan sira barak mak iha neba, ne’ebé hanesan ha'u hatete katak orsamentu MNEK nian Bens no servisus nomos Salario mantein tanba diplomata tuan sira balun sai ona no balun sa'e ona ba nivel ida a'as ne’e. Entaun ita presiza orsamentu ba Bens no Servisus nomos Salario ba tinan lima (5) mai,” Esplika nia.

Nia haktuir, depois orsamentu barak liuba halo programa ne'ebé mak infelizmente iha ona nomos iha prinsipal Ministru Estranjeiru mak impaktu maka'as iha misaun Estranjeiru. “Imi hare ita atu ba arenas Embaixada ne'e, iha neba tinan-tinan sa'e, Ema-nia folin tinan-tinan sa'e, depois kuandu (troka osan) ne'e iha neba deit mak sa'e, sasan iha rai sira ne'e tenke folin sa'e, ne’ebé sei ita-nia osan la ajustu ita la promove liutan,” katak nia.

Nia hateten, Ministeriu Estranjeiru agora Servisu maka’as liu tan tanba Ohin mόs Primeiru Ministru fό orientasaun atu oinsa bele hadia Timor-Leste sai Vizivél iha mundu Internasional. “Agora ami serbisu maka'as liutan tanba ita-nia Primeiru Ministru Fo orientasaun katak depois de ajusta orsamentu ita sei hare, Tanba ne'e ita laiha planu barak hanesan uluk ita halo loke ajensia balun tenke konstrui tanba ita planu atu reforsa ita-nia diplomata balun no misaun balun tenke halo mos desizaun balun atu nune'e ita bele ajusta osan,” hateten nia.

Ita halo diplomasia laos baratu tanba Nasaun ida hakarak halo nia politika vizivel iha mundu internsional nia tenke investe osan ne'e maka'as i nia Kampaña deit mos bele hatun osan. Ita iha ne'e mos bele halo Kampaña deit mos gasta tiha ona osan, tan ne'e ita-nia Kampaña mos sei lao nafatin ho Ministeriu sel-seluk.

“Nune'e ami tenke kesi kabun par bele halo Timor nia politika vizivel iha mundu internsional liliu ba politika ita-nia atinji Objektivu g7+, porezemplu tinan ida ne'e ita hasoru tanba iha orsamentu foun ne'e iha doasaun mai hosi ajensia internasional balun tama ona iha orsamentu Jeral tanba ne'e ita hare ona ba katak Servisu sira ne'e halo tanba ema hare tanba ita halo vizivel Timor nian tanba ita Agora orsamentu ne'ebe ema apoiu-apoiu tau hamutuk atu hare ita-nia numeru diplomata tanba ita-nia numeru diplomata ita iha 250 pessoas i depois diplomata hamutuk 70 ital iha rai liur,” Informa Ministru Deonisio Babo. (BT)