Asuransi

ERMERA----Prezidente Lalenok-FC, Pedro Belo hatete Hato’o votus Parabens ba Jogadores sira hotu, no treinador sira nia esforsu tomak tanba Klubu Lalenok-FC sai Primeiru lugar ba Jogu Kopa Federasaun Futebool Timor-Leste (FFTL) iha tinan 2020. Husi Primeiru Lugar Ne’e jogu iha loron Domingo (25/10/2020, Oras 16:00), iha Estadiu Kafe Glenu, Munisipiu Ermera ho score, Lalenok United FC (2) - (1) AD. SLB nomos hetan Osan $15.000, Medailia, Tasa Ba Jogu FFTL Tinan 2020 nian inklui simu hadia husi PATEO, HENEIKEN No osan TELKOMCEL $300.

“Ha'u nia votus parabens ba jogadores no ofisiais hotu-hotu, no agradesimentu ba treinador sira tanba durante Jogu Kopa ne'e hahu sira nunka sente kolen,” Hatete nia. Iha fatin Hanesan reprezentante Jogadores Klubu Lalenok-FC Yohanes Hato’o nia agradesimentu Ba ekipa tomak. "Ha'u Agradese tebes ba estrutura tomak no Jogadores sira tomak, durante ami treinu hamutuk ohin loron ami sai Primeiru lugar," Dehan Yohanes.

Entretantu antes ne'e, Klubu Boavista sai Terseiru Lugar Ba jogu Kopa FFTL tinan 2020, Hetan osan $7.500, no hetan Premiu husi Telkomcell $300 Inklui Simu premiu husi Pateo. Jogu entre Klubu Boavista ho Assalam, iha full time Boavista Hatama golu-08 ba Assalam, ASsalam-01. Treinador Miro Baldo Bento Klubu Boavista informa, kontente tanba sira joga di'ak, tanba jogador sira deskansa full.

“Parabens ba Jogador Boavista ohin sira joga di'ak, tanba Jogador sira deskansa Ho di'ak no Rejultadu ho di'ak," Dehan Miro Bento ba jornalista hafoin remata Jogu, iha Stadiung Dili, Sabadu (24/10). Jogador Edit Savio hatutan, Hatama golu-13 ba jogu Kopa FFTL Nian bele lori ekipa tomak ba terseiru Lugar. “Ha'u sente orgullu tanba lori ekipa ba Terseiru lugar, maske failansu barak maibe ida hanesan forsa ami nia hodi lao ba oin," Nia Salienta. (BT)