Asuransi

DÍLI----Koordenadór Tékniku Bodybuilding João Dos Reis relata, tinan ida ne'e jinastika hamutuk 15 no altleta hamutuk 66 hodi kompete kategória hat ne'ebé Bodybuilding iha Timor-Leste. Objetivu husi kompetisaun ba tinan ida ne'e ho nia tema Bodybuilding Timor nian, ne'ebé mak mai ho kategória hamutuk 4, ne'ebé kompostu husi kategória Mister Fisik, Fisik Figuran, Mister Masker no Mister Body Build.

“Eventu ida ne'e mai husi jinástiku ne'ebé mak iha Díli, mai husi fátin 15 ho total atleta ba tinan ida ne'e hamutuk 66, atleta ne'ebé mak kompete iha kategória 4 ne'e,” Hateten Koordenadór Tékniku Bodybuilding João Dos Reis, hafoin remata eventu ba Jornalista Jornal Semanál Business Timor (BT) iha resintu Timor-Plaza (TP), Sabadu (24/10).

Nia hatutan, Tanbá ida ne'e mak ohin bele anusia hotu ninia rezultadu ba sira, no manan na'in sira mai hosi Gym fátin-fátin ne'ebé mak hatudu sira nia talentu. Nune’e hanesan, Koordenadór Tékniku nia hare kompetisaun ida ne'e furak los, no partisipante sira barak mak mai akompañia talentu ida ne'e, no sira mós maiória hanesan anima ema hotu no komunidade sira. Nia argumenta, eventu no talentu ida ne'e tuir strom Gym halo planu Díli body konteks mai ho kategória 4 nafátin, maibé iha diferensia ona ba talentu ida ne'e, utiliza fali ona kalsa naruk, espera ba tinan ida ne'e, iha hanoin esponsor hodi nune'e bele tinan oin presu bele sa'e aumenta, ho ida ne'e ita tenki dignifika ita nia atleta sira nian.

Nia esplika, tinan ida ne'e mos halo proposta ba Sekretáriu Estadu Juventude no Desportu (SEJD), no Federasaun maibé laiha responde to'o agora. “La signifika sira lakoi suporta, maibé ita tenki hanoin tanbá ita-nia nasaun no Governu infrenta hela ho DOT no pandemia Covid-19 hahú husi Janeiru to'o agora. Nune’e, espera tinan oin, Iha Orsamentu ita seí esforsu ita-nia an, no husu tulun no apoiu husi Governu hodi bele fó ajuda ba eventu ho modalidade ida ho di'ak no ita nia nasaun,” Informa nia.

Iha fatin seluk, Manan Na’in Talentu Gym Train Aquilis Leopoldo haktuir katak senti kontenti tanbá nee saí primeiru iha talentu ida ne'e. "Ha'u senti konteti tanbá ha'u bele saí primeiru lugar, tanbá hetan sponsor husi kolega sira ba hau hosi Gym Train Moris, tuir talentu ida ne'e ba dala hitu heta Primeiru lugar, terseíru lugar, terseíru hat no terseíra lima,” Hateten nia. Nune’e, senti konteti ba eventu ida ne'e, fó motiva ba maluk sira depende ba sira nia an rasik, tanbá ami hatudu ona iha eventu ida ne'e, buat barak mak sira bele halo maibé ba sira hakarak ba iha atleta ida ne'e, la presiza ami fó motiva ba sira, atleta ida ne'e depende ba ema ida-idak nia hakarak mós kategória ba atleta hotu.

Nia dehan, Senior no Junior hanoin ne'ebé mak hanesan, primeiru hakarak manan, segundu hakarak halo diverti no kontenti ba ami-nia an no fó kontenti mós ba ema seluk. “Ho nune'e hanesan ohin sira koompete ba hau, ba oin atu troka ha'u ne'e depende ba sira talentu, sira hakarak no fó an duni ba talentu ida ne'e ida bele mai iha ha'u nia fátin, tanbá hahú husi tinan 2014 ha'u la kompete, maibé ha'u kontinua nafátin treinu hafoin sira bolu ha'u mai involve sira nia programa,” Salienta nia.

Iha oportunidade ne'e Ausiladora Gonsalves, senti kontenti ba talentu ida ne'e, tanbá durante kompetisaun ida ne’e prepara kuaze fulan rua, hodi mai kompete ba talentu ida ne'e. “Ha’u esperansa ba oin bele saí atleta ida ne'ebe mak di'ak liu tan, no fó ha'u nia maluk feto sira katak, feto mós bele la'os atu hetan de'it ba mane, tanbá dala barak feto sira atu hetan, maibé ita hanoin ne'ebé mak barak los,” Hateten nia. Ho nune'e mak husu ba maluk feto sira katak, feto mós bele, la'os oportunidade ba mane sira de'it, maibé feto mós bele involve hotu iha talentu ida ne'e.

Iha talenta ida ne'e mos Reprezenta F-FDTL Cleto Suzano Afonso, haktuir tan katak, hanesan kompetitor agradesde ba Komisaun organizadora tanba konsege hala'o eventu Bodybuilding ba tinan ida ne'e. “Primeira vez ha'u agradese ba komisaun organizadora ba talentu ida ne'e, ne'ebé mak bele konsege hala'o eventu ba tinan ida ne'e, no agradese mós ba ha'u nia komandante unidade ne'ebé autoriza hodi mobiliza ha'u mai involve iha talentu ida ne'e, ne'ebé mak durante tempu ne'ebé mak limitadu.

Nune’e senti kontenti tebés tanbá bele konsege manan tan primeiru lugar ba talentu ida ne'e, tinan kotuk mós ha'u primeiru lugar, tinan 2019 no 2020 ha'u primeiru lugar nafátin ba talentu ida ne'e,” Dehan nia. Nia dehan tan, maske ha'u nia tempu ne'ebé mak iha limitadu, maibé ha'u bele segundu kampion, eventu ida ne'e depende ba komisaun organizadora, sira konsidera ha'u hanesan atleta ne'ebé kampion ha'u prontu atu kompete. “Tanbá ne'e, hanesan Timoroan no hanesan atleta ne'ebé kampion bebeik ha'u prontu hodi oferese ha'u nia an tomák hodi treinu nafátin hodi bele kompete iha rai liur,” Informa nia. (BT)