Asuransi

DÍLI----Estudante Universidade Oriental Timor Lorosa’e (UNITAL) hamutuk 765 halo preparasaun atu simu graduasaun iha tinan ida ne’e, husi graduasaun ida ne’e iha fakuldade Ekonómia, Saúde, Agrikultura, Enjinaria no Sispol. Tuir Magnifiku Reitor Universidade Oriental Timor Lorosa’e (UNTL) Florindo Pereira hatete, estudante ne’ebé atu simu graduasaun total hamutuk 765, mai husi fakuldade ida-ida mak hanesan, fakuldade Saúde, Ekónomia, Agrikultura, Enginaria no Sispol ne’ebé mak atu simu graduasaun iha semana oin.

“Hahu graduasaun ne’e iha dia 21 semana oin tamba estudante iha 765 entaun sira labele halo loron ida, tamba Covid-19 entaun distansia ne’e ami hare’e ba sira ne’e hotu, bele mais ou menus loron ha’at (4) hanesan ne’e, fakuldade hotu-hotu, mai husi Ekonómia, Saúde, Agrikultura, Enjinaria, Sispol, depois mos direitu ho edukasaun, sira edisium simu hotu ona agora hein atu graduasaun de’it ona, ami sei iha edisium tuir mai ne’e depois de graduasaun ami prepara ba iha Dezembru,” Dehan Reitor (UNITAL) Florindo Pereira ba Jornalista BT iha nia kna’ar Fatin Kampus UNITAL Bekora, Segunda (14/09).

Nia Hatutan, sira iha ezame monografia hotu ona maibé balun sei hein iha fulan Dezembru, tamba iha estudante balun seidauk halo ezame monografia. “Sim ami iha planu ne’e iha tinan ida dala rua, balu ezame monografia hotu, tamba sira iha apelidu ida ne’e graduasaun hotu mak edisium ba sira atu preparasaun ba gradusaun tuir mai, tamba ida ne’e mak balu sei hein ba Dezembru, tamba balun dadaun tempu laiha atu halo ezame teje no balun mai ikus, entaun tenke tama ba preparasaun graduasaun agora ne’e sira seluk ne’e hein fali faze tuir mai,” Dehan Nia.

Dadus sertu mais, barak mak hetan ona servisu balun mos husu para loke kampu de traballu ba sira seluk mak ne’e ida rua, barak mak la servisu no balu seidauk hetan servisu, balu kontinua balu la tuir graduasaun, balu mos ba hela iha Israel, sira sei ba pratek iha Israel espesialmente ba iha fakuldade agrikultura. “Ne’ebé balu labele tuir graduasaun tamba sira iha livre hela, agora sira ida ne’ebé hanesan servisu mak hanesan ohin hau laiha dadus kompletu lolos ba iha ida mak servisu ona,uluk ami haruka ba ne’e sanulu resin, maibé etapa uluk balu fila ona, balu foin ba seidauk fila, sira foin dadaun fila ona ne’e sira halo grupu, depois sira iha usaha undam Jakarta nian, ne’ebé Bali agora mós servisu hamutuk ho loja agrikultor nian,” Nia Informa.

Estudante ne’ebé mak hala’o sira nia estudu iha rai liur hanesan Israel, iha ona servisu iha area agrikultura iha total 30 ital, maibé laos ba estudante UNITAL de’it inklui mos estudante UNTL. “Balu buka hela fatin atu implementa matenek sira ne’ebé hetan husi Israel ne’ebé hala’o servisu iha, area agrikultura ne’e sira iha 30 ital ona, maibé seluk laiha, tamba tinan tolu ona tuir malu ami haruka ona ema na’in sanulu (10), ne’ebé husi ekipa ida ne’e mak partisipa iha ne’ebá, laos husi UNITAL de’it maibe balu mos husi UNTL,” Tenik Nia.

Iha rai liur mos la’os husi Timor laran de’it, maibé iha mos nasaun sira seluk iha hotu,agora estudante balun seidauk hetan servisu tamba ne’e mak sira halo hela grupu atu buka fatin oinsa mak atu aplika matenek ne’ebé sira iha, koko hela rai iha metinaru ne’e estagiu ida ne’e mak sira ba iha fatin bele hala’o prátika. “Rai ne’e UNITAL nian, grupu UNITAL mak sosa maibé seidauk uza, entaun tinan ida ne’e ami hakarak atu uza, komesa horibainrua ne’e estudante sira mos lao ba fatin ne’ebá, tamba iha fatin ne’e tolu iha Hera ne’e durante ami uza, sira ba halo lisensia iha ne’ebá, peskija iha ne’ebá depois iha Metinaru ne’e mak hektares ida, ho ne’e ema seidauk loke maibe ami agora hadia ida ne’e atu sira bele halo aktividade iha ne’ebá, rai ida ne’ebá ne’e prepra ba estudante halo peskija ba, espesialmente agora ne’e ami uja ba agrikultura nian,”Nia Salienta

Iha fatin hanesan Dekanu Ekonómia Universidade Oriental Timor Lorosa’e(UNITAL), Casmiru Soares hatete, universidade halo ona preparasaun ba graduasasun iha semana oin ne’e, husi fakuldade Ekonómia departamentu Gestaun koperativa no gestaun bankaria. “Tinan ida ne’e hanesan estudante ekonómia hamutuk 102 kompostu husi Gestaun Geral, Gestaun Geral mos fahe ba mini kursu rua gestaun Koperativa no gestaun Bankaria, iha seluk mos hanesaun tutela ba gestaun hanesan Turizmu, ne’ebé konsentrasaun ne’e iha gestaun geral, hau hanoin ida ne’e mos iha departamentu Akontansi, no departamentu Estudu Dezenvolvimentu,”Dehan Dekanu Ekonómia (UNITAL) Casmiru Soares ba jornalista BT iha nia kna’ar fatin kampus UNITAL Bekora, Segunda (14/09).

Nia hatete, edisiun ba primeira parte mak agora publika ba jornal ona, maibé hein de’it ba 2021, dadus konkretu iha ne’e 65% mak atu graduasaun ba Universidade Oriental Timor Lorosa’e (UNITAL), espesifiku ba ekonómia. “Ami hanoin depende ba sira nia vaga ne’ebé loke ne’e balu oms hanorin hela iha universidade foun foin loke iha Same, alende ne’e mos balu iha nivel sekundaria sira, iha teknofera mos iha alumi ekonómo barak, iha akademi teknofera mos alumi ekonómi iha, alumi ne’ebé mak graduasaun husi ne’e Unital geralmente fakuldade ekonómia ne’e,” Dehan Nia.

Nia Informa,estudante departamentu espésifiku Turizmu avalia liuhusi sira nia Templeit ba Tasmen katak taka tiha departamentu gestaun Turizmu. “Ami nia estudante ne’ebé konsentrasaun iha turizmu ne’e ita bo’ot sira foin hatene lolos foin mak akonpaña media, 2019 ne’e ita nia departamentu espesifiku turizmu, maibé avaliasaun anal mai avalia liu husi ita nia templeit ba tasmen sira ne’e hotu avalia katak departamentu ne’e taka tiha, entaun ami muda ninia konsentrasaun ba nia gestaun turizmu, konsentrasaun ne’e fatin iha turizmu,” Nia Hatutan. Nia Informa, engeralmente estudante sira ne’ebé mak graduasaun liu ona, sira balu servisu seidauk iha dadus konkretu, maibé atu hatete de’it ita nia seitores ne’ebé mak sai hanesan faktores ida atu apoiu ekonómia iha Timor-Leste iha setór prinsipal ne’e turizmu iha rekursu alternativu ida. (BT)