Asuransi

DÍLI----Sekretáriu Estadu Kooperativa (SEKoop) Elizário Ferreira husu koopertiva sira, tenki nakloke hodi simu auditória formasaun no opiniaun husi sosiedade sira tomák, atu nune'e bele asegura servisu tuir prinsípiu kooperativa hodi bele aselera bens estar ba povu nian.

Tuir Sekretáriu Estadu Kooperativa (SEKoop) Elizário Ferreira husu kooperativa tenki nakloke hodi simu auditória formasaun no opiniaun husi sosiedade sira, hodi bele asegura kooperativa tuir prinsípiu hodi implementa tuir kapitalizasaun atu asegura finanseíra no bens estar povu nian. "SEKoop husu ba kooperativa tenki nakloke, simu auditória simu formasaun nakloke ba opiniaun husi sosiedade sira, hodi bele asegura servisu liu-liu asegura bens estar, no kooperativa tenki hala'o nia kn'ar ho nia funsaun tuir prinsípiu kooperativa," Dehan SEKoop Elizário ba Ekipa Jornalista BT iha nia kn'ar fátin Akait, Tersa (08/09).

Governante ne'e esplika, dau-daun ne'e SEKoop iha ona programa kooperativa kréditu saí hanesan sentru kapitalizasaun kooperativa ho produtu mikro no pekenas, hodi bele asegura kooperativa hotu. "SEKoop iha programa ida dau-daun ne'e kooperativa kréditu mak saí hanesan sentru kapitalizasaun ba kooperativa produtivu Mikro no Pekenas sira, kooperativa kréditu tenki nakloke atu simu auditória parte SEKoop hanesan auditória externa," Dehan nia

Elizário haktuir, kooperativa sira ne'ebé hetan auditória sira mak seí implementa uluk kapitalizasaun atu bele asegura sustentabilidade finanseíra iha kooperativa hot-hotu. SEKoop afrima, identifika ona produtu lokál Koto 3 no 6 Mill toneladas, husi Baukau, Lospalos no Ainaro, iha mós Fehuk Ropa besik toneladas 4000, iha mós Hare toneladas 3000 husi Lospalos, Vikeke, Baukau, Same no Maliana no Fore Mungu ho kuantidade ne'ebé mak bo’ot, identifika mós batar Sorghum no Batar Ain Naruk ne'e besik toneladas 5000 kooperativa alistadu ona, oinsá atu oferese fila-fali ba membru.

Governante ne'e esplika, dau-daun ne'e rejistradu ona koopertiva hamutuk 90 kooperativa kréditu, 90 ne'e fahe ba kategória 3, kategória klas A iha kooperativa 26, klase B 40 no restante ne'e klase C, kooperativa 26 ne'e sede kompletu, iha funsionáriu sira iha kapitál mínimu liu 500 ba leten, agora sira ne'ebé klase B kooperativa 200 mai kraik, klase C mak foin hahú fátin mós laiha kapitál mak 6 Mill no 7 Mill ida ne'e mak klasifikasaun ba sira.

Nia dehan, MKAE hatama inklui setór kooperativa hanesan parseria ida, atu halo komprás no halo distribuisaun, identifika ona baze ne'ebé inklui ona baze dadús, kooperativa 214 mak kontribui produtu ba kooperativa, ne'ebé mak seí konsentra iha armajen Centru Lojistiku Nasionál (CLN) iha Munisípiu no identifika Postu iha armajen bele tau, hodi distribui fali ba populasaun iha fulan rua nia laran Novembru no Dezembru bele meius ida hodi labele infunsiona inflasaun ne'ebé mak bo’ot, tanbá referensia kotuk distribuisaun $200 infunsiona inflasaun ida ne'ebé porsentu 2 (2%).

Tanbá ne'e, SEKoop iha hanoin ida, hodi harí kooperativa sustentavel labele mandatu remata kooperativa mós mate hotu, mandatu hotu kooperativa mantein no sustentavel nafátin, atu bele fó vida sosiedade no komunidade sira tomák. (BT)