Asuransi

DÍLI----Sekretáriu Estadu Kooperativa (SEKoop) Elizário Ferreira relata iha ona polítika hodi koordena ho Ministériu Turizmu Komérsiu no Indústria (MTKI) no Ministériu Interiór (MI) hodi bele harí merkadu frontéira atu konsentra prodtudu lokál hodi bele fó negósiu ba komunidade sira, ne'ebé hela iha fronteira.

Tuir Sekretáriu Estadu Kooperativa (SEKoop) Elizário Ferreira iha ona polítika no planu seí koordena ho Ministériu relevante sira, atu bele harí merkadu fronteíra, atu bele konsentra produtu lokál ne'ebé mak mai husi nasaun viziñu Indonézia no komunidade rasik prodús hodi nune'e bele fó negósiu ba komunidade sira. "Programa fronteíra, SEKoop iha polítika ida hodi koordena ho MTKI ho Ministru Interiór atu promove programa fronteíra, faze diskusaun la'o hela, situasaun ida ne'e hala'o dau-daun nia servisu, ba oin servisu ne'e seí aselera," Dehan SEKoop Elizário ba Ekipa Jornalista BT iha nia kn'ar fátin Akait, Tersa (08/09).

Governante ne'e esplika, programa merkadu fronteíra fó mós ekonómia ba komunidade sira ne'ebé dau-daun ne'e hela iha ne'ebá, tanbá komunidade sira haki'ak animál hanesan Bibi, Manu, Karau no Fahi nia na'an bele oferese ba merkadu fronteíra. "Tanbá programa merkadu ba fronteira ida ne'e, seí fó liu ekonómiku ba komunidade sira ne'ebé mak hela iha fronteíra, no ema sira ne'ebé prodús haki'ak animál Bibi, Fahi, Manu no Karau, hodi bele ninia na'an bele oferese ba merkadu fronteíra, inklui produtu sira seluk," Dehan Governante

Nia esplika, parte ida ne'ebé mak merkadu hanesan ita loke, bele mobiliza produtu hot-hotu mai husi ne'ebé de'it, hodi konsentra iha área fronteíra atu bele fó ba negósiu ba komunidade sira ne'ebé mak hela iha fronteíra, atu asesu husi nasaun rua ne'e nian. Elizário klarifika, Óras ne'e dau-daun programa formasaun hahú ona, programa kriasaun ba kooperativa mós la'o hela, tanbá iha ha'u nia mandatu loron 73 ne'e iha ona kooperativa 8 mak hahú, no seluk kontinua hahú iha tinan 2021, nune'e mós merkadu fronteíra la'o ona.

Nia admiti, Joven mós iha ona faze harmonizasaun hodi buka rona úniversitáriu sira, atu bele hala'o ona servisu ne'ebé di'ak, fó kontinuasaun ba tinan 2021, 2022 no 2023, to'o mandatu remata, ho ideia ida ha'u nia mandatu hotu mós servisu ne'ebé halo ne'e sustentavel ona. Orsamentu Milioens $11.8 ne'e 26 nian no restu lahatama ba dadús, tanbá tuir relatóriu "Azian Kooperations no Azian Konfederension Younein" ne'e orientasaun husi Top-Ten, kooperativa kréditu 10 "Besar" iha 10 ne'e iha Díli, Oe-Cusse, Maliana no Vikeke ne'e Top-Ten, kapitál ne'ebé mak liu ona 500, no sira funsionáriu másimu 10 ho saláriu kooperativa fó ba sira no asegura duni servisu kooperativa. (BT)