Asuransi

DÍLI----Reitór Universdiade da Paz (UNPAZ) Adolmando Amaral hatete, Orsamentu Jerál Estadu (OJE) ba tinan 2020 ho montante hamutuk $1.4 billaun, husi orsamentu ne’e metade, bele dehan 75% mak governu ezekuta ona liu husi dotasaun Orsamentu Temporariu (DOT) ho fundu COVID-19 nian no Governu atu lori ba Paralamentu Nasional ne’e hodi hetan de’it esplikasaun ba ezekusaun.

“Kona-ba $1.4 billaun ba tinan 2020 osan ne’e metade bele dehan 75% ne’e governu uza tiha ona iha DOT, COVID-19 no buat sira seluk ne’ebé agora lori de’it nia numeru $1.4 billaun hodi diskute de’it iha parlamentu hodi hetan deit esplikasaun ezekusaun osan sira ne’e ba ida ne’e,” hatete Reitor UNPAZ Adolmando Amaral ba jornalista BT iha salaun UNPAZ Díli, Kinta (27/08) bainhira husu ninia pontu devista.

Nia informa, Orsamentu $1.5 billaun governu uza tiha ona no bele dehan agora ne’e 75% maibé falta 25% husi $1.5 billaun ne’e tau tiha ona no sira ba diskuti de’it iha parlamentu hodi esplika ba reprezentante povu nian. “Orsamentu ne’e governu uza tiha ona metade no ita bele dehan agora ne’e 75%, maibé falta tan 25% husi $1.4 billaun ne’e tau tiha ona no sira atu ba diskuti deit iha parlamentu hodi halo deit esplikasaun ba reprezentate povu nian tanba governu ezekuta tiha ona.” Informa nia.

Nia esplika, tanba ne’e $1.4 billaun laos Orsamentu foun ba tinan 2020, se nia Orsamentu foun ba tinan 2020 mak ita bele dehan governu laiha kapasidade atu ezekuta osan ne’e hotu iha tinan 2020, maibé osan ne’e tanba sira uza tiha ona, entaun sira ba esklarese deit no sira uza ne’e atinji porsentu hira ona, karik ha’u la sala 75% sira uza ona osan husi $1.4 billaun.

Nia dehan tan, maibé sira la esplika ho diak kona-ba $1.4 billaun mak otomatikamente iha ameasa seluk ba Orsamentu tinan 2021, tanba ne’e mak governu tenki hanoin no prepara a’an halo didiak hodi halo esplikasaun diak kona-ba $1.4 billaun ne’e, atu nune’e bele gaiña konfiansa husi deputadu sira, nune’e sira bele aprova tiha $1.4 billaun ne’e depois sira bele diskuti fali $1.6 billaun ba tinan 2021. Nia haktuir, orsamentu $1.4 billaun agora ne’e laiha ninia impaktu ba rendimentu sustentavel ne’e, tanba osan ne’e tau deit ba DOT, fokus deit ba salariu bensimentu, laiha kapital dezemvolvimentu, laiha projetu bobót sira ne’e, entaun $1.4 billaun ne’e ita bele dehan katak laiha garante.

Nia salenta, hare to’ok osan $1.6 billaun iha tinan 2021, karik iha estimasaun bele garante, maibé ne’e estimasaun, tanba garante no la garante ne’e hein to’ok sira nia implementasaun no programa ne’ebé sira lori ba aprezenta iha plenarai agora no prioridade ne’ebé mak seidauk tau ne’e saida-saida para atu lori husi osan $1.6 billaun hodi aloka iha ne’eba.

“Ita hare to’ok $1.6 billaun iha tinan 2021, karik ida ne’e iha estimasaun bele garante maibé ne’e estimasaun, tanba atu garante no la garante ne’e ita hein to’ok sira nia implementsaun no programa ne’ebé sira lori ba aprezenta iha plenaria agora ita bele hare took prioridade ne’ebé mak seidauk tau ne’e saida-saida para atu bele foti husi $1.6 billaun ne’e para atu aloka iha ne’eba,” salenta nia (BT)