Asuransi


DILI----Sekretáriu Estado Joventude no Desporto (SEJD) Abrão Nokosiku Saldanha sai orador ba seminariu loron ida ne’ebé organiza husi Action for Change Fundation (ACF) Informa katak joven forsa no bele kria solusaun ba-nia problema rasik.

Iha ambitu Seminariu selebrasaun loron mundial joventude ne’e Sekretáriu Estadu mós introdus programa no polítika VIII Governu nian ba partisipantes sira, katak Governu kompromete mandatu governu da ualu SEJD sei implementa vizaun governu nian iha area joventude nian, iha nivel lokal mak hatur vizaun joven milenial forsa kriativu, desporto iha sosiedade no prestasaun enkuantu, iha nivel nasional sei halo advokasia ho guvernu atu dinamiza komisaun nasional dezenvolvimentu joventude.

“Ohin loron globalizasaun nee konsidera mundu nee responsabilidade ema hotu nian, se ita ajuda mudansa klimatika iha ita nia rain, ita nia aldeia, ita kontribui ba global nia susesu, ita ajuda ita nia inan aman, ita nia alin sira husi mal nutrisaun ita kontribui ona ba asaun global ka mudansa iha global ne'e katak hanoin ho global kontribu ho lokal,” Hatete Sekretariu Estadu Joventude no Desportu Abrão Nokosiku Saldanha liuhusi nia diskursu, iha sentru treinamentu Fundasaun Mahon Ai-Tarak Laran Dili, Sexta (14/08).

Nia hatutan, Relasiona ho tema joventude nia involvimentu ba asaun global hodi selebra loron joventude internasional Hanesan reprezenta Governante apela katak asaun global ne’e laos hanoin atu serbisu iha rai liur no husu atu joven sira hanoin ho global kontribui ho lokal. Sekretáriu Estadu agradese ba ACF ne’ebé organiza ona seminariu ne’e no halo ona serbisu ba joven sira iha munisipiu hodi hatutan liman-ain Estado nian.

“Komisaun ne’e tuir lei Primeiru Ministru mak lidera atu oinsa mak koordena ministeriu hotu-hotu ne’ebé mak serbisu liga ho joven sira, Edukasaun prinsipal, Agrikultura, Saude, Turizmu, Komersiu, SEFOPE ba joven sira tamba SEJD mesak deit labele halo buat ida ho joven sira,” Informa nia.

Nia Sublina katak, 75% populasaun joven iha ita rain Timor-Leste konsidera nasaun joven sira nian. Ne’e fó opsaun rua dala ida ba joven sira mak dezafiu no kompetensia. Dezafiu oinsa mak transforma joven nia a’an engajamentu ka enkuadra iha sosiedade nia laran no kompetensia mak Joven forsa kriador no bele kria solusaun ba nia problema rasik, tenik Abão Nokosiku hodi konklui nia intervensaun iha seminariu refere. (BT)