Asuransi


DÍLI----Vise Ministru Saúde (V-MS) Bonifásiu Maukoli Dos Reis hafoin partisipa reuniaun kona-ba implementasaun Estadu Emerjensia ba Liña Fronteira informa, Postu Saúde Iliomar seí fó prioridade hodi distribui ba ambulansia ida, tanbá antes ne’e ambulansia Multifunsaun distribui fali ba Postu Saúde Luro.

Tuir Vise Ministru Saúde (V-MS) Bonifásiu Maukoli Dos Reis hateten, seí fó prioridade ba Munisipiu Lautém hodi distribui tan Ambulansia Unidade hamutuk Rua, seí haruka ba Postu Saúde Iliomar hodi nunne’e bele fó atende ba pasiente sira ne’ebé mak durante ne’e sira infrenta.

Governante ne’e esplika ba Jornalista Jornal Semanal Business Timor (BT) katak, deklarasaun antes ne’e klaru ona katak, Munisipiu Lautém nian seí haruka ba Postu Saúde Iliomar, maibé realidade ne’ebé mak ita hotu hatene, Diresaun Ambulansia Lautém haruka fali ba Postu Saúde Luro.

Maibé oras ne’e dada’uk Ambulansia no Unidade hamutuk 16 ne’ebé mak iha hela Portu Díli, tempu badak ba diresaun ambulansia Munuisipiu Dili hodi distribui ona ba Munisipiu Lautém nian rua ida haruka ba Postu Saúde Iliomar hodi nune’e bele atende preokupasaun ba Komunidade sira.

“Maibé ita haree fila-fali agora dadaun nian, iha dentru semana ida ne’e, tanbá ita iha tan ona 16 unidades, ne’ebé mak ha’u fó ona prioridade ba Munisipiu Lautém seí hetan rua ida ba Postu Saúde Iliomar, atu nune’e bele hetan responde ba preokupasaun ita nia komunidade sira iha Postu Saúde Postu Iliomar nian,” dehan Vise Ministru Saúde (V-MS) Bonifásiu Maukoli Dos Reis hafoin partisipa reuniaun kona-ba implementasaun Estadu Emerjensia ba Liña Fronteira ba Jornalista Jornal Semaná Business Timor, iha Palásiu Governu, Segunda (10/08).

Governante ne’e hatutan, Unidade 16 ne’ebé mak dadauk ne’e iha hela Portu Díli tempu badak sei Distribui ba Munisípiu Lautém Unidade 2, Munisipiu Emera unidade 2, Munisipiu Baukau Unidade 2, RAEOA unidade 1, no Munisipiu sira seluk aloka unidade 1. “Munisipiu Lautém aloka 2, Munisipiu Ermera seí aloka tan 2, Baukau seí aloka tan 2, RAEOA ida, no Munisipiu sira seluk seí hetan ida-idak, atu nune’e bele atende preokupasaun sira ne’ebé mak durante ne’e ita nia komunidade sira infrenta iha Munsipiu no Postu sira,” dehan V-MS

V-MS ne’e akresenta, Munisipiu Lautém nian seí haruka tan 2, tanbá 16 unidades ne’ebé mak dadauk ne’e iha hela Portu Díli, saí agora Parte MS seí haruka tan rua ba Munisipiu Lautém, hodi bele atende preokupasuan komunidade sira. Bonifásio ne’e haktui tan, prinsipiu hau nia deklarasaun antes ne’e klaru ona, maibé ba fali Munusipiu Lautém nian mak haruka fali ambulansia ba Postu Saude Luro, tanbá ne’e mak agora dadauk ita iha Unidade hamutuk 16 seí iha Portu Dili seí haruka unidade 2 ba Munispiu Lautém no ida ba haruka ba Postu Saúde Iliomar. (BT)