Asuransi


BAUKAU----Prezidente interinu Camara Comersiu Industri Timor-Leste (CCI-TL) Munisipiu Baukau Estanislao Maria Quintas hateten prezensa loja W-Four iha munisipiu sadik loja antigu sira atu hadia nia jestaun intermus hadia kondisaun loja no atendimentu ba kliente sira oinsa atrai sosa na’in sira mai sosa sira nia sasan.

Prezidente CCI-TL interinu Baukau senti haksolok teb-tebes tanba ho prezensa loja W-Four ne’e hanesan forsa ida tanba bele fasilita maluk sosa na’in sira ne’ebé ke lolos ne’e tenke halai to’o Dili maibe komesa hakbesik ona sasan sira mai sosa na’in sira, ida ne’e hanesan orgullu bo’ot ida mai CCI-TL Baukau tanba ne’e hanesan CCI so mete asigura atu ajuda sira birokrasia ruma ba governu atu ba iha NGO ka parte ruma.

Maibe CCI-TL Baukau nafatin hateten ksolok tanba nia kbi’it forsa ida tan mai hakbesik liu sasan sira ba sosa na’in tanba durante ne’e sosa na’in mak ba buka sasan ki’ikoan ida mos tenke ba Dili, maibe ida ne’e besik ona mai, I presu mos ho Dili la dun do’ok malu, ida ne’e mak sai hanesan buat diak ida mai Baukau oan hotu.

Nia afirma prezensa loja ida ne’e mos automatikamente kria tan ona kampu servisu ba Baukau oan sira balun, sai mos hanesan kompetisaun ida saudabel ba loja sira ne’ebé antes ne’e ejisti uluk ona iha Baukau atu bele hadia nia a’an, se’e lae loja hanesan ne’e la mosu tan hotu-hotu senti a’an hanesan bai-bain deit tanba deit seidauk hetan kompetisaun ida, entaun ida ne’e hanesan kompetisaun ida mai Baukau atu nune’e loja maluk sira ne’ebé iha ne’e mos hadia nia a’an oinsa bele hetan kliente diak.

“Hau bele dehan prezensa loja W-Four nia objetivu prinsipal mak primeiru habesik sasan ba kliente sira, segundu hafanu maluk emprezariu sira ne’ebé ke fa’an sasan hanesan atu bele hadia nia a’an, hadia kondisaun loja atu bele hatudu loja nia bonito tanba iha Baukau ne’e iha loja balun ke ninia omset bo’ot liu ida ne’e maibe ladun iha hadia kondisaun loja no nia atendimentu ne’e mak hatudu hanesan bai-bain maibe tuir lolos loja sira seluk ne’ebé durante ne’e iha hanesan mos ho loja W-Four maibe ho prezensa loja ne’e fanu ita nia maluk sira seluk halo diak liutan” dehan prezidente interinu CCI-TL Baukau, Tersa (11/08) ba jornalista Business Timor (BT) hafoin remata partisipa seremonia inagurasaun ba loja W-Four iha Baukau Vila-Antiga Hotel Pouzada nia oin.

Iha tempu hanesan prezidente autoridade munisipiu Baukau António Augusto Guterres iha nia diskursu, inagurasaun supermarket W-Four hateten setór kooperativa, setór privadu no publiku sai pilar importante hodi asegura implementasaun politika desentralizasaun munisipal liuhusi politika governu nasional hodi instituisaun estadu atu loke liras serbisu hamutuk ho setór privadu sira iha nivel munisipal.

Nia afírma, agradese ba diretor Tato Toti tanba esforsu ona servisu hamutuk ho W-Four hodi hari’i supermarket hodi sai sasukat ida atu responde ba nesesidade komunidade munisipiu Baukau. “Kondisaun minimu ne’ebé iha la’ós tutela deit ba orgaun governu deit maibe setór privadu, setór publiku ho setór kooperativa sai pilar importante atu asegura ba implementasaun politika desentralizasaun iha ita nia munisipiu” dehan PAM António

Iha fatin hanesan diretor Tato Toti Abilio Ximenes ne’ebé loke loja W-Four refere hateten hanesan Baukau oan lakohi atu lakon ho emprezariu sira seluk tanba ne’e hakarak servisu hamutuk supermarket W-Four Dili hodi loke nia liras iha Baukau atu halo kompetisaun ho emprezariu sira seluk hodi alkansa ba dezenvolvimentu munisipiu. “Fundus loke supermarket W-Four iha ne’e fundus mai husi hau rasik tanba hau na’in rasik hakarak halo dezenvolvimentu iha Baukau hanesan Baukau oan lakohi lakon ho ema seluk atu nune’e ami kompete ne’e bele lao ba oin tanba ita kompete ona dezenvolvimentu ba ita Baukau oan tomak atu nune’e oinsa ita alkansa ita nia mehi” dehan Abilio

Entertantu reprezentante komunidade Baukau Gregorio da Silva sente kontente tanba emprezariu ne’e bele hari’i ona supermarket ida iha munisipiu Baukau hodi responde ba nesesidade konsumidor sira nia presiza. “Ho prezensa supermarket W-Four ne’e senti kontenti teb-tebes tanba hanesan buat foun ida mai ami para bele responde nesesidade bazika loja nian ba area teritoriu munisipiu Baukau” dehan Gregorio. Sasan nesesidade baziku ne’ebé fa’an iha supermarket W-Four Baukau Vila-Antiga iha hotel Pouzada oin ninia presu tuir standar supermarket W-Four Dili nian, i trabalador ne’ebé oras ne’e dadauk servisu kuaze ema nain hitu (7). (BT)