Asuransi


DÍLI----Bazeia ba Dezastre Naturais ne’ebé mak akontese iha fulan Marsu liuba kotuk katak ai monu hanesan uma ida. Nune’e, Sekretariu Estadu Protesaun Sivil (SEPS) kordena ona ho Autoridade lokal (Xefe Suku) hodi fó apoiu direita sasan baziku ba vitima ne’ebé hetan dezastre naturais iha suku Dare, Aldeia Suka-Lau.

Dezastre ne’e akontese iha fulan Marsu maibe depois hasoru situasaun estadu emerjénsia dahuluk, ema hotu labele halo movimentu, entaun ohin mak foin mai kofirma hodi fó apoiu netik. Sekretariu Estadu Protesaun Sivil (SEPS) Alexandrino Xavier Araújo informa, Governu kontinua fó apoiu ba familia sira ne’ebé mak hetan Dezastre Naturais iha fulan kotuk liuba ne’ebé serteza udan bo’ot afeita mota sobu uma no ai hanehan uma tanba ne’e ohin iha ne’e mai koordena hodi fó apoiu ba vitima dezastre ne’e.

“Ohin ami ho ekipa ida mai iha ne’e koordena ho xefe suku no xefe aldeia ho familia sira atu kontinua apoiu ba Tiu Luis no nia kaben Tia Teresa, ne’ebé mak hetan dezastre, ai monu hanehan tiha sira nia uma,” hatete Alexandrino Xavier Araújo ba Jornalista sira iha suku Dare, Aldeia Suka-Lau, kinta (04/06).

Nia hatutan, Governu fó apoiu nesesidade baziku mak hanesan, fós, supermie, Minyak Goreng no sasan nesesidade baziku nian balun tan. Tanba governu lataka matan ba familia kbi’it-la’ek sira ne’ebé mak hetan dezastre naturais. Nia dehan, Ekipa Protesaun Sivil dadaun ne’e kontinua rekolla dadus ba komunidade sira ne’ebé mak hetan dezastre naturais mezmu antes ne’e fó apoiu balun ona maibe depois mosu tan dezastre naturais entaun dadaun ne’e foin mak hahu kobre hela dadus hodi fó apoiu netik fós no sasan basiku sira balun ba.

Nia kontinua hatutan, Kronolojia vitima uma na’in Tiu Luis no Tia Teresa mai husi familia kbi’it-la’ek, ho sira na’in nia esforsu ho osan idosus nian hodi halo uma, maibe hetan dezastre ai hanehan tiha uma ne’ebé sira halo iha loron 22 fulan Maiu, mak sekretariu estadu koordena ho xefe suku no xefe aldeia hodi fó apoiu emerjensia ho material uma nian kalen 50, sumenti 25, besi ho pregu.

Iha fatin hanesan Xefe suku Dare, Aldeia Suka-Lau, Gil de Araújo hatutan hanesan autoridade lokal sente kontente tanba Governu liuhusi Sekretáriu Estadu Protesaun Sivil bele mai apoiu direita material ba ninia komunidade sira ne’ebé mak hetan dezastre naturais.

“Ha’u núdar xefe suku ha’u sente kontente tanba Sekretariu Estadu marka prezensa iha fatin ida ne’e, tanba komunidade sira nia uma hetan estragus, fó apoiu ida ne’e ha’u sente kontente, ha’u nia komunidade rasik bele hetan duni material direita sira ne’ebé mak entrega ho ida ne’e bele kontinua hadi’a fila-fali uma. Tanba apoiu saida mak ita hetan depois sei konstrui ikas fila-fali uma ida hodi fó kontribuisaun. Ha’u hanoin ida ne’e hanesan liña koordenasaun ho xefe aldeia sira karik iha tempu ami buka oinsa bele fó netik apoiu liliu ba serbisu ne’ebé hanesan material iha,” Informa nia. (BT)