Asuransi


DÍLI----Bainhira re-ativa hikas fali eskola atu oinsa bele estudante sira halo atividade apredizajen hanesan bai-bain tenke tuir Regras no Kriteria. Tuir Vise Minstru Edukasaun Joventude no Desportu João Zacarias Freitas, hatete, ohin loron iha ona matadalan, kriteriu no regras ne’ebe sei fó sai ba publiku atu oinsa bele implementa bainhira re-ativa fali eskola sira.

“Ohin hau mai aprezenta iha KM kona-ba ami nia padraun ga matadalan ne’ebé mak ami hato’o ba iha ministeriu saúde, ohin ministra saúde resposta mai katak iha ona aprovasaun kona-ba matadalan ne’e, kriteriu no regras sira ne’e iha ona matadalan nia laran hein deit iha tempu badak iha loron ida to’o rua ami sei fó sai ba publiku sa data mak altera pronunsia kona-ba re-ativasaun no loke hikas fila-fali eskola sira ne’e‘’. hatete Vise MEJD João Zacarias Freitas ba jornalista sira iha Palasiu Governu, Dili, Kuarta (03/06).

Nia hatutan, Kona-ba medidas sira oinsa atu halo prevensaun ba moras COVID-19, kontinua tuir kriteria sira ne’ebe fó sai husi WHO nomos Ministeriu Saude. Tan ne’e eskola sira ne’ebe sei re-ativa kontinua tuir Padraun ne’ebe mak hatur ona husi Ministeriu Saude. (BT)