Asuransi


DÍLI----Bazeia ba politika governu hodi fahe subsidiu ba iha populasaun iha Timor laran tomak, tuir planu sei fahe iha semana oin iha loron 08-09 fulan ne’e, data refere determina ona husi Ministeriu Solidadaridade Sosiál no Inkluzaun (MSSI).

Tuir Vise-Primeira Ministra no Ministra MSSI Armanda Berta Dos Santos hateten subsidiu ne’ebe governu planu sei realiza iha loron 08-09 fulan Juñu no total uma-kain ne’ebé merese hetan subsidiu hamutuk 298.119 uma-kain iha munsipiu sanulu resin rua (12) ne’ebe la inklui RAEOA no total osan hamutuk millaun $59,623,800.00.

“Kona-ba apoiu monetáriu governu hamutuk ho BNCTL deside ona data fixu iha loron 08-09 fulan Juñu semana oin ba benefisiaria uma-kain hamutuk 298.119 iha munisipiu 12 la inklui RAEOA. Nune'e tranferensia ho total hamutuk montantante $59,623,800.00 koresponde ba pagamentu apoiu monetariu uma-kain ba fulan rua hamutuk dollar amerikanu $200,” Hateten Vise-Primeira Ministra no atual Ministra MSSI Armanda Berta Dos Santos ba Jornalista sira iha salaun MSSI, Kaikoli, Kuarta (03/06).

Nia hatutan, Kalendariu no prosesu pagamentu ne’ebe sei hala’o uluk iha 12 munisfplu sei hahu iha tersa-feira, loron 09 de Juñu de 2020, sei realiza iha sukus tuir horariu pagamentu ne’ebe mak fixu ona husi Banku BNCTL nian. apoiu monetariu refere oinsa bele garante sustenta familia sira no apoia lakuna despezas tanba situasaun COVID-19. “Husu ba uma-kain sira atu kolabora ho ekipa pagamentu to'o iha momentu ekipa tun ba lta bo'ot sira nia suku no aldeia ba realizasaun pagamentu” Katak Nia.

Ho planu no data ne’ebe iha nia husu ba parte hotu-hotu atu kolabora no senbisu hamutuk hodi mantein paz, estabilidade no kumprimentu ba rekezitus no lei ne'ebé vigora durante prosesu ne’e, nune’e nia husu mós ba Xefe uma-kain sira atu marka prezensa iha sentru pagamentu tuir orariu pagamentu no kumpri ba orientsauan husi Ministeriu Saude no ODS kona-ba distansia fiziku no distansia sosiál.

“Ministeriu solidariedade sosiál no inkluzaun sei hamutuk ho ita bo’ot sira atu hasoru problema no difikuldade ne’ebe uma-kain sira infrenta. Governu Timor-Leste liuhusi Ministeriu Solidariedáde Sosiál no inkluzaun foti medidas intervensaun ho programa apoiu monetariu ba uma-kain sira ne’ebé presiza liu iha territóriu tomak,” Informa nia.

Alende ne’e mos Tuir Diretor Exekutivo/CEO Konsellu de Administrasaun BNCTL Brigido De Sousa hatete BNCTL prontu atu kontinua apoiu serbisu Governu nia-programa ne’ebé planeadu inklui mos oinsa apoiu implementasaun monetariu ba familias agregados iha teritoriu Timor-Leste.

“Atu viabiliza serbisu BNCTL selebra akordu ho MSSI iha 22 Maiu 2020 ne’ebé estabelese prosedimentu, obrigasaun sira husi parte rua atu realiza pagamentu konforme protokolu, mekanizmu no iha data ne’ebé determinadu, ho lalais no iha loron 01 Juñu 2020, Ministeriu das Finansas realiza transferensia osan purvolta millaun $59.6 dirijida ba konta bankaria sukos 434 (esklui RAEOA) ne’ebé establesidu ona iha BNCTL,” Hateten Konsellu de Administrasaun BNCTL Brigido De Sousa ba jornalista sira iha Salaun MSSI Kaikoli, Kuarta (03/06).

Nia hatutan, Iha loron ne’e kedan, BNCTL kredita konta kada suco no halo aproximasaun no koordenasaun intensivu ho MSSI kona-ba ajenda no orariu pagamentu, mobiliza banku nia-rekursus sira no hahu prepara no transporta ba kada sukursais BNCTL atu oinsa antisipa pagamentu refere.

Nia dehan, Konforme akordu no orariu nebe aprovadu, BNCTL sei hala’o pagamentu ba ekipa pagamentu husi kada suku iha Postu Administrativus sira hahu husi Segunda, 08 Juñu 2020 simultaniamente iha 12 municipius ho durasaun loron 3 no sei konklui iha 10 Juñu 2020. Ekipa pagamentu Sukus mak responsabiliza halo pagamentu ba kada benefisiarius iha sukus no aldeias komfirmadu Matadalan husi Governu MSSI.

BNCTL kompremetidu atu kontinua fasilita programa ne’e no programa Seluk husi Governu iha relasaun ho apoiu ba ne’ebé nesessáriu iha ambitu pandémia COVID-19 no Estadu Emerjensia, hodi ajuda partes sira infrenta no ultrapasa situasaun difisil ne’e. (BT)