Asuransi


DÍLI----Iha Situasaun Surtu Corona Virus (COVID-19), no Estadu dekreta Estadu emerjénsia ema hotu labele movimenta ba mai, Gabinete Prezidente Autoridade-Rejiaun Administrativa Espesial Oe-Cusse Ambeno no Zona Espesial Ekonomia Soaial Merkadu (PA-RAEOA-ZEESM) iha inisiativa fo apoiu humanitáriu ba estudantes atoni Oe-Cusse oan iha Dili hamutuk ema na’in-250 ona.

Xefe Gabinete PA-RAEOA-ZEESM Agostinho Caet hatete ohin loron ekipa Gabinete PA-RAEOA-ZEEMS kontinua distribui apoiu humanitarian ba estudantes Atoni-Oan sira iha Dili hamutuk ema na’in-250 estudante ona. Husi apoiu ne’e atu estudantes sira iha Dili durante estadu emerjénsia lafila ba Oe-Cusse infrenta menus aihan, apoiu ba sira par sustenta sira-nia moris atu labele afeita ba saude sira ida-idak nian.

“Ami iha Dili ita apoiu ona fos ba atoni Oe-Cusse oan purvolta hamutuk ema na’in-250 estudantes, ne’ebé agora dadauk sira hela iha Dili, ami iha hotu dadus kompletu bazeia ba lista ne’ebé sira hatama iha porta-voz kada bairo iha Dili laran, ita bele hatene,” Hateten Xefe Gabinete PA-RAEOA-ZEESM Agostinho Caet ba Jornalista BT, iha Bidau Lecidere, Sabadu (16/05).

Nia Hateten, Depois Gabinete PA-RAEOA-ZEESM fila-fali mai rona husi estudante sira halerik kona-ba menus aihan, Gabinete PA-RAEOA-ZEESM túr hamutuk koalia ho prezidente oinsa ita bele responde ba iha preokupasaun Estudantes sira ne’e, no dadaun estadu emerjensia liliu estudante sira labele fila ba Oe-Cusse tanba transporte i sira fila ba Oe-Cusse mos inan-aman sira labele sustenta tanba inan-aman sira mos laba merkadu lori sira-nia produtu para bele fa’an.

“Hau hanoin autoridade RAEOA-ZEESM mak iha inisiativa no hamosu ida ne’e tanba fofoun kuandu ita iha Oe-Cusse Ita vizita suku sira sempre simu deklarasaun husi suku sira katak, sira sei menus aihan tanba fulan ne’e udan ladun diak, fulan ida fali regras estadu emerjensia sira labele sai, entaun difikulta buka sira-nia moris,” Hateten nia.

Entaun ho ida ne’e mak Gabinete PA-RAEOA-ZEESM dehan katak, presiza bele responde direitamente ita-nia estudante sira, atu sustenta sira-nia moris tanba sira laiha meius aihan, sira labele Konsentra sira-nia estudu. sira mak hanoin loron kalan atu han saida entaun estuda ladiak. “Ho hanoin ida ne’e mak ita foti desizaun katak tenke responde ba sira ne’ebe mak lafila ba Oe-Cusse, tenke atende sira para kontinua estudu. Mesmu sira estudu tuir prosesu online, maibe tenke iha meus ida para bele apoiu sira,” Tenik nia.

Nia dehan, Iha inisiu apoiu nesesidade bazika hanesan fos, dala ruma ho Supermie, Bimoli tanba ita hetan apoiu husi emprezariu sira, iha Oe-Cusse hanesan iha Dili. Nune’e iha semana kotuk ne’e emprezariu Kefi-Oel apoiu fos, Supermie ho Bimoli. “Apoiu hahu iha semana kotuk, ami-nia denmitoriu iha Komoro purvolta 16 mill sakus husi ne’eba, foti distribui ona ba estudante balun 20, balun 30 no barak tebes. Ne’ebe ami seidauk kalkula los tanba etsudante sira ne’e balun hela iha Asarama Ambenu, balun hela iha Tasi-Tolu, Balun Iha Bebonuk, Kampung-Baru, Manleu-Ana no sel-seluk tan.

Husi apoiu hirak ne’e kuaze kobre ona estudantes hamutuk ema na’in-250 ona mak hetan ona apoiu humanitarian. Depois fila-fali ba iha governu sentral liliu iha sentru lojistika nasional, husu tan apoiu fos saku rihun ida, fahe kuaze atus rua lima nulu iha Dili laran, lori fila atus hitu lima nulu ne’ebé distribui ba iha suku sira iha Oe-Cusse. “Agora dadauk ita kontinua apoiu no ami tenta para pelus menus bele hetan fos, maske item seluk laiha maibe ita aguenta netik estudante sira. Ami sei tenta nafatin maluk emprezariu sira balun hakarak apoiu, ohin hau kontaktu Sr. Damião Lelan ho Sr. António Oqui sira mos prontu bele apoiu ita nia estudante sira,” Esplika nia.

Nia haktuir, Ami (Gabinete) lapreve orsamentu foin atu hanoin, maibe hanoin ona antes, hau koalia ho xefi prezidente para ita bele preve orsamentu, atu nunee bele fahe ba ema hotu tanba ida ne’e ita fahe deit ba Estudante sira no kbi’it-laek maibe kbi’it-laek sira Gabinete PA-RAEOA-ZEESM fahe iha Oe-Cusse. Tanba ne’e mak planu fali par preve orsamentu. “Ita Apoiu ne’e foin dadauk ita lapreve orsamentu sasan sira ne’e mai husi emprezariu sira nia apoiu,” Dehan nia.

Nia dehan, Apoiu sira ne’e, husi emprezariu Kefi-Oel apoiu fos saku atus ida lima nulu (150), Supermie mos hanesan 150 dos ho Bimoli no emprezariu loja Vinte Um apoiu fos saku 20, ho supermie 20 dos depois Bimoli mos hanesan, ho kompañia Nabilan apoiu masin midar saku ida ho kafe dos 1, masin moruk ho rinso. “Sira apoiu ba Oe-Cusse ita distribui tanba apoiu Oe-Cusse ne’e alende fos mos ita tau mos pakote ida hanesan plastik ense kafe, masin midar, susuben tanba apoiu ba feto-faluk sira,” Hateten nia

Ikus liu, “Lia menon ba estudante sira, tanba ho situasaun ida ne’e kontinua mantein regras, tanba ita la hatene katak depois estadu emerjensia ida ne’e remata seidauk hatene katak sei extende, maibe la espera katak moras ne’e iha ka laiha, i bele kontinua estuda online ho diak mesmu ho situasaun ne’e maibe ita bo’ot sira-nia susesu ho aprendizajen ne’e lao ho diak, para bele hetan susesu,” Informa nia. (BT)