Asuransi


DÍLI----Iha situasaun Pandemia global iha Mundu inklui Timor-Leste, ho ida ne’e estadu dekreta estadu emerjénsia durante fulan rua ona ema labele halo movimentu ba mai, Prezidente Autoridade-Rejiaun Administrativa Espesial Oe-Cusse Ambeno no Zona Espesial Ekonomia Sosial Merkadu (PA-RAEOA-ZEESM), tur hamutuk ho Gabinete Apoiu servisu RAEOA-ZEESM buka meus oinsa par bele hatan ba nesesidade komunidade nian liliu Kbi’it-la’ek sira, Defisiente sira iha Oe-Cusse ne’eba tanba ne’e konsege apoiu úmanitáriu ba kbi’it-la’ek suku-8 ona.

Xefe Gabinete PA-RAEOA-ZEESM Agostinho Caet hatete relasiona ho prezensa surtu Corona Virus (COVID-19) no estadu dekreta estadu emerjènsia ema hotu labele movimentu buka aihan ka ba bazar, populasaun iha Timor-Leste liliu iha Oe-Cusse kbi’it-la’ek, aleizadus (Defisientes) sira menus aihan ba saude iha ne’eba, Gabinete PA-RAEOA-ZEESM konsege fó no distribui apoiu úmanitáriu ba kbi’it-la’ek sira iha suku-8 ona.

“Ita iha suku sanulu resin ualu (18) no aldeia ne’en nulu resin tolu (63), ita agora dadauk kobra ona suku 8 mak hetan ona ajudus úmanitáriu husi ita maibe ida ne’e ba kbi’it-la’ek sira no defisiente sira iha suku ualu ne’e deit no foin dahuluk nian,” Hatete Xefe Gabinete PA-RAEOA-ZEESM Agostinho Caet ba jornalista BT iha Bidau Lecidere, Sabadu (16/05).

Nia hateten, Apoiu ba suku-8 mak hanesan, hahu suku Bobokase, Cuinha, Naimeko, Bobometo ho Pasabe I tama ona Bene-Ufe, Suni-Ufe ho Lifau ne’ebé ita bele dehan katak suku-8 hotu ona. Nia dehan, Falta suku seluk hanesan Bana-Afi, Lela-Ufe ho Nipani no seluk tan mak ita seidauk fó maibe konserteza sei fó apoiu hotu ba sira tanba apoiu ba ema kbi’it-laek sira ne’ebé laiha duni alternativu hodi sustenta sira-nia moris, hanesan feto-faluk sira hela mesak, katuas sira balun no difisiente sira.

Ho nune’e Gabinete PA-RAEOA-ZEESM fó hatene xefe suku sira orienta foti lista bazeia ba ida ne’e iha terenu, depois ba iha ne’eba Verifika ba ekipa gabinete dehan katak los duni prense kriteria ida ne’e, foin ita bele fahe. Nia hatutan, ba oin ita hein deit suku sira hatama lista, iha ne’eba sentru operasaun alfandega iha Palaban, depois suku sira lori lista ba iha ne’eba sira mai ho prosposta. Tanba komunikasaun ho Prezidente Autoridade aprova hotu ona.

“Ita komunika ho prezidente aprova hotu, ita ba to’o ne’eba ita verifika ba dadus, ne’ebe ohin hau komunika ho sira, ne’ebè suku seluk komesa hatama ona, ho dekretu ida primeiru ne’e ita lao tama iha aldeia sira hotu, depois iha tan fali segundu tuir mai. Ida ne’e mak ami mai iha ne’e para tenta hela proposta iha Ministeriu Komersiu Industria, tanba hatama proposta sira promete atu fó apoiu mos, no ita nia prezidente dehan preve osan oituan para aumenta. Tanba iha numeru barak tebes ne’ebè ita bo’ot sira hatene kuaze ema rihun hitu nulu (70.000 mil pesoas), no uma-kain rihun 10.000 hanesan ne’e. ita hanoin para uma-kain hetan hotu, i pakote hanesan masin midar, kafe tenke aranja hotu, para bele fahe ba ema hotu,” Informa nia. (BT)