Asuransi


DÍLI----Relasiona ho pandemia global iha mundu Inklui Timor-Leste Nasaun Vizinus ka Governu Australia no Populasaun Xina apoiu ekipamentus Medikús liu-liu ai-moruk atu prevene Corona virus (COVID-19), Minisitériu da Saúde (MS) hato’o agradese ba doasaun sira ne’e tanba husi doasaun sira ne’e Timor-Leste konsege livre husi COVID-19.

Ministru da Saúde Interinu Bonifacio Maucoli Dos Reis Hatete esforsu ema hot-hotu nian liu-liu profisonál saúde sira no tulun ne’ebé mai husi parseiru sira, no liu-liu ita-nia vijinu Australia, Xina, Japaun apoiu ekipamentus no ai-moruk sira, ohin loron Timor-Leste rekoperadu ona husi moras surtu COVID-19 tanba Agradese tebes.

“Ha’u-nia agradese teb-tebes ba tulun ida ne’e, mensiona tiha ona katak ajuda ida ne’e ba dala tolu ona, liu-liu ekipamentus mediku no mós ekipamentus individual ita hanaran PPE ne’ebé mak ho ekipamentus mai husi ita-nia duodor sira, mai husi Governu Australia mak ohin loron ita konsege redus moras iha ita-nia rai laran, mezmu akontese duni maibe kazu konfirmadu na’in-24, ohin ita laiha tan kazu ida baixa iha Centru Izolamentu Vera-Cruz,” Hateten Ministru da Saúde Interinu Bonifacio Maucoli Dos Reis liu husi nia diskursu iha Salaun SAMES, Kampung-Alor, Sexta (15/05).

“Ha’u lori minsteriu saúde nia naran agradese ba governu Australia ho Xina, tulun tomak ne’ebé mai husi governu Australia, ne’ebé mak ita nia Nasaun infrenta situasaun pamdemia COVID-19, ne’eb’e mak ita seidauk iha ekipamentus protesaun individual no ekipamentus sira seluk tulun primeiro ne’ebé mak ita hetan mai husi Governu Australia,” informa nia

Alende ida ne’e ministeiru saúde husu nafatin tulun mai husi Governu Australia atu fó apoiu Kareta Ambulansia Atu fasilita iha sentru saúde no iha Hospitais Refelal iha munisipiu. “Ha’u hakarak aproveita oportunidade ida ne’e, atu husu nafatin tulun husi Governu Australia, liu-liu halo estudu estabelesimentu supplay, sistema ida ne’e kapas tebe-tebes no ita bele instala iha munisipiu sira ba centru saúde sira atu nune’e fasilita SAMES hodi halo kontrolu no update nafain ai-moruk sira ne’ebé mak iha fasilidade saúde sira,” Dehan nia.

Ne’e dunik, Ministériu da Saude mós sei iha nesesidade lubuk ida ne’ebé mak hanoin liu-liu ba iha raak ne’ebé mak iha armajem rejionál sira laiha raak. “Ami mos hanoin hato’o mós proposta tan tanba iha semana kotuk liuba enkontru ida iha Ministeriu da Saúde ne’ebá Governu Australia sira prontu atu apoiu tan ita ho orsamentu $2.3 milloens no inklui mós sasan sira ne’ebé mak ita ohin foti ona ,” Esplika nia.

Nia informa, Governu Australia mós iha disponivel atu apoiu ambulansia ne’e rezulta husi enkontru ida foin liuba ne’e. “Ita hein katak bele realiza duni ambulansia ne’e atu bele halo distribuisaun ba iha sentru saúde sira no mós Hospital Referal sira,” Informa nia. (BT)