Asuransi


DÍLI----Iha situasaun Estadu Dekreta Estadu Emerjénsia durante fulan rua nia laran Hospital Nasional Guido Valadares (HNGV), konsege rekolla dadus ema halo operasaun ba isin hamutuk na’in-340. Xefe Unidade Operasaun HNGV, Ernesto Da Silva Pacheco Hatete durante implementasaun Estadu Emerjnsia HNGV rekolla dadus kona-ba pasiente ne’ebé halo operasaun ba isin hahu husi fulan Marsu no Abril hamutuk na’in-340. Alende tama ona ba fulan Maiu nia-klaran maibe dadus pasiente iha ona na’in-86.

“Ita halo deit mak pasiente ida ne’ebé mak emerjénsia katak ida ne’ebé mak ita tenke halo ho trata lalais, maibe durante Estadu emerjensia iha fulan Marsu ami iha sala operasaun ami opera hamutuk na’in-187 depois iha fulan Abril pasiente ne’ebé mak ami opera hamutuk na’in-153 depois iha fulan Maiu nia klaran pasiente ne’ebé mak ami opera hamutuk na’in-86, I seidauk to’o fin de Maiu ita seidauk hatene lolos tanba sei iha fulan Maiu nia klaran,” Hatete Xefe Unidade operasaun HNGV Ernesto Da Silva Pacheco ba Jornalista sira iha salaun Guido-Valadares, Kinta (14/05).

Nia hateten, durante estadu emerjensia ne’e moras ne’ebé mak infermeiru sira rekolla grave liu mak apetitis kabu laran, laporatomia, no dezastre naturais no Inan isin-rua. “Tipu ba moras ne’ebé mak mai ho grave pasiente ne’ebé mak presiza tebes-tebes hodi ita bele trata lalais nian, hanesan moras apetitis hanesan pasiente ne’ebé mak presiza tratamentu lalais, depois ida mak hanesan moras laporatomia ne’e hanesan moras ne’ebé mak iha ita-nia kabun laran, hanesan dezastre ruma ita tenke halo lalais ne’e ita labele tunda, hanesan Inan isin-rua ne’e persiza duni atu nune’e ita bele tulun Oan ho nia Inan,” Informa nia

Nia informa tan katak durante Estadu emerjénsia nian laiha ema ida mak mate iha sala de operasaun nian, fasilidade iha sala de operasaun durante ne’e lao ho di’ak no kapas. “Ita bele dehan menus maibe sufisiente para ita bele atende ba ita-nia moras ne’ebé mak ita atu opera iha sala de operasaun nian, no laiha ema ida mak mate iha sala de operasaun nian, hotu-hotu la’o ho di’ak ho kapas,” Salienta nia

Nia dehan, Kazu ne’e laos APP nomós laos sejariana ka laos sira kanek de’it, maibe dala barak sira mós tohar faktora sira maibé moras sira ne’e kahur malu mak mai tanba moras ne’e mai laos ida deit. “Durante kazu barak liu mak sejariana hanesan inan partus sira ne’e mak barak liu, totál pesoál saúde iha sala de operasaun hamutuk 52 pesoas, ne’e Timoroan de’it mak ne’e,” Informa Nia. (BT)