Asuransi


DĮLI----Prezidente Parlamentu Nasional (PPN), Arão Noé De Jesus Amaral, Hatete relasiona ho segunda-feira ba kotuk deputadu balun Partidus Polikus tolu ne’ebé mak kompostu husi Partidu KHUNTO (Kmanek Haburas Unidade Nasional Timor-Oan), Partidu PLP (Partidu Libertasaun Popular) no Partidu FRETILIN sira hatama destituisaun Ba meza Parlamentu Nasional.

Maibe hanesan Prezidente Parlamentu hare katak bainhira atu halo destituisaun ba meza Parlamentu Nasional so hetan disolve husi Prezidente da Repúblika mak bele halo mudansa ba meza tanba KRDTL la fó dalan. Nune’e laiha dalan ba destituisaun Meza Parlamentu Nasional. “Prezidente Parlamentu Nasional Konsidera katak Laiha Ona Dalan ba Deputadu sira atu Rekere Distituisaun ba Prezidente Parlamentu Nasional ao mezmu tempu laiha ona fatin ba Plenaria,” Hateten PPN Arão Noé de Jesus ba Jornalista sira iha nia kna'ar fatin PN, Kinta (14/05).

Nia Hateten, Laiha dalan ba destituisaun ba Meza PN tanba KRDTL Artigu 86 (f) kona-ba kompetensia Prezidente Republika nian, deskreve, katak, Hakotu ka Disolve Parlamentu Nasional, iha kazu krize bo’ot institusional nian ne’ebe labele iha formasaun governu ka aprovasaun orsamentu jeral estadu nian. Ne’e dunik, Iha tempu naruk liu loron neen-nulu (60 dias), wainhira rona tiha ona partidu politiku sira ne’ebe hetan kadeira iha Parlamentu Nasional, no rona husi Konsellu Estadu tanba Prazu loron neen-nulu (60 dias) tuir KRDTL Artigu 86 (f) sura husi loron 17 fulan Janeiru 2020 to’o loron 17 fulan Marsu 2020.

Aleinde ne’e, Karta rekerimentu distituisaun ba Prezidente Parlamentu Nasionál ne’ebé emvezde dirije ba Prezidente Parlamentu Nasional, rekerente sira dirije fali ba Vise-Prezidente Parlamentu Nasional, ida ne’e Kontra Rejimentu Parlamentu Nasional Artigu l7, nune’e konsidera ilegal no la tuir regra administartivu Parlamentu Nasional nian. Nia hatutan, Prezidente Parlamentu Nasional Kompremetidu atu kumpre KRDTL Artigu 2 (2) katak Estadu Hakru’uk ba Lei Inan no Lei Oan sira. Tanba ne’e nia husu ba orgaun estadu, atu hotu-hotu hakru’uk de'it ba Lei Inan ka Konstituisaun.

Nune’e, Bazeia ba Konstituisaun Republika Demokratika Timor-Leste Artigu 86 (t) iha loron 10 Fevereiru 2020 Sua Exelensia Prezidente Republika Konvoka Reuniaun Meja Redonda hodi hamosu opsaun 3, inklui opsaun ida ba partidu politiku sira hodi halo movimentu politika atu forma governu foun. “Maibe situasaun atual hatudu katak iha ona loron 14 Maiu 2020 Laiha Partidu ka Koligasaun ne’ebe Forma Govemu Foun ka Aprova Orsamentu Jeral Estadu tuir rekizitu KRDTL Artigu 86 (f),” Informa nia. (BT)