Asuransi


DÍLI----Ministériu Negosius Estranjéiru no Kooperasaun (MNEK), Dionisio Babo Soares hatete katak, Primeiru Ministru Sei lahasai membru Governu husi Partidu CNRT bazeia ba Ema ida-idak hodi diside-an iha sira nia kargu tanba ne’e antes atu husik kargu mós sei tur hamutuk koalia depois mak bele rai kargu ne’ebé mak assume iha Governu da Ualu.

“Ami hanesan membru Partidu Construsaun Nasional Timorense (CNRT) hanoin hela, no Primeiru Ministru Taur Matan Ruak mos hatete katak nia la pretende atu hasai membru governu sira mai husi partidu CNRT, ne'e livre ba ita bo'ot sira mak deside,” Hatete Ministru MNEK Dionisio Babo Soares ba Jornalista sira hafoin partisipa reuniaun Konsellu Ministru hotu, iha Ministériu Fianansas Ai-Tarak Laran, Kuarta (13/05).

Nia hateten, Membru CNRT livre diside individual tanba hala'o servisu hanesan bai-bain, maske CPN-CNRT presta ona deklarasaun atu Membru Governu sira deside atu husik sira-nia kargu maibé tenke simu lai karta formal ida depois tur hamutuk koalia lai mak foin bele deside atu husik ka lahusik. “Tanba Primeiru Ministru Deside katak komforme ema Individual nian,” Hateten Babo.

Nia dehan, Ami (Membru CNRT), sei podeia hela para hare'e, nukazu iha desizaun ruma tamba ne'e tenke komunika halo didi'ak para depois iha intendementu ida ne'e mak ita bele fó desizaun. Pur-enkuantu ami servisu hanesan normal. Governante ne’e informa katak, Primeiru Ministru kontinua tau fi'ar nafatin ba ami atu Mantein hodi hala'o nia Kna'ar hanesan Ministériu Negosius Estranjeiru. “Primieru Ministru fó hela fi'ar mai ami halo servisu ida ne'e, tamba ita koalia kestaun de estadu, Partidu troka, Governu troka ne'e normal, iha prosesu demokratiku, naran katak priense rekejitus no kumpri rekejitus hotu,” Salienta Nia. 

Nia hatete, hanesan membru governu ne'ebé fi'ar husi Primieru Ministru ami hala'o Nafatin Kna’ar bainhira karta formal ruma seidauk mai. Tanba hanesan mós membru partidu ne'ebé hetan ona imformasaun maske sedauk simu notifikasaun individual ba ami ida-idak maibe informasaun ne'ebé liu husi media hatetet katak partidu nia pozisaun hanesan instituisaun latan ona iha koligasaun. “Maibe hanesan membru governu individual sei halao servisu tuir mandatu ne'ebé primeiru ministru fó,” Hateten nia.

“Iha komunikadu impresensa ne'ebé partidi CNRT hasai katak membru sira livre vontade atu deside, se sira hakarak deside atu mantein mak sei desvinkula durante sira-nia mandadtu labele koalia em nome do partidu, ladehan tenke sai ka lasai, entaun kestaun ida ne'e primeiru ministru nian,” ,” Informa nia. (BT)