Asuransi


DÍLI----Embaixada Japaun iha Timor-Leste realiza serimonia asina kontratu ba projetu haat iha setór edukasaun liu-liu iha munisiupiu 4 hanesan Munisipiu Likisa, Kovalima, Lautem, Manatuto, programa fundu ba komunidade sira programa ne’e liu husi GGP ba ONG lokál sira.

Tuir Reprezentante Embaixada Japaun SHINGO HIGASHIMOTO sente kontente ho asina kontratu ba programa GGP ho Projetu haat atu hadi’a komunidade sira nia moris iha area remota sira. “Ha’u kontente tebes hodi partisipa iha serimonia asina kontratu ba projetu haat, programa GGP ne’e atu hadi’a komunidade sira nia moris iha tinan 2020 nian, durante tinan 20 halo koperasaun entre governu Japaun no Timor-Leste” dehan ba jornalista iha salaun Embaixada Japaun, Pantai Kelapa, Tersa (10/03).

Nia esplika, Programa GGP nia papel mak implementa ona projetu iha munisipiu ne’e kuaze 115 ona, lista projetu ne’e haré liuba nesesidade baziku komunidade sira nian, halo rehabilitasaun fasilidade povu nia preokupasaun ba fura bee-moos, Saúde no Eskola.

“Programa GGP papel importante ne’ebé implementa ona projetu hamutuk 115 iha munisipiu 13 desde tinan 2000, lista projetu anterior nian bele haré ba fundu GGP fó asistensia ba konstrusaun infraestrutura baziku hanesan konstrusaun no rehabilitasaun ba fasilidade Eskola, Postu Saude, konstrusaun sistema bee-moos no nesesidade baziku seluk hodi hatan ba komunidade nia ejizensia iha baze” esplika nia

Fundu GGP nian kontribuisaun ne’e la’os de’it ba asistensia sosiál maibé mós planu atu dezenvolve estratejiku nasionál husi tinan 2011-2030. “Kontribuisaun fundu GGP laos de’it ba melhoramentu asistenisa sosiál no moris komunidade nian, maibe mós kontribui hodi atinje Timor-Leste nia metas ba planu dezenvolvimentu estratejiku Nasionál (PDEN) 2011-2030 nian” relata nia

Entre organizasaun naun Govermental (ONG) haat ne’e govenru Japaun aloka fundus ne’ebé mak la hanesan, projetu ne’e mesak ba komuidade sira iha munisipiu haat. “Organizasaun ida hetan fundu $90,909 ba ONG Asosiasaun Foisa’e Dezenvolvimentu Rural (AFDR), komunidade Klarentian iha Timor-Leste, hetan fundu $90,699, Fundasaun Amizade Tamba Amor (FUNDAMOR), no Sentru Treinamentu Vokasionál Juventude (STVJ) ho fundu $90, 699” detallu nia

Projetu sira ne’e ho objetivu atu melhora asistensia aditasaun no ambiente platasaun importasaun atu hadi’a komunidade iha area edukasaun ba estudante no ba professor sira iha Timor-Leste. “Aproveita oportunidade ida ne’e ha’u hakarak hato’o ha’u nia agradesimentu ba ONG lokál sira ne’ebé esforsu makas, hodi fasilita jerasaun hanesan asosiasaun foinsa’e ba dezenvolvimentu rural, no missionariu karatian iha Timor-Leste” informa nia

Iha fatin hanesan Ministeriu Administrasaun Estatal (MAE) José Abilio Kaitano informa, governu Japaun nia ajuda ne’e desde husi ukun-an to’o ohin loron, sira nia apoiu dezenvolvimentu ba Nasaun ne’ebé mak sei joven ne’e tanba Timor-Leste sei infrenta bens estar iha area rural. “Govenru Japaun fó apoiu ba Timor-Leste, desde ukun-an Governu Japaun fó apoiu ba dezenvolvimentu ba ita nia rai nudar nasaun foun Timor-Leste” katak nia

GGP nia Programa ne’e fokus liuba nesesidade povu nian iha area rurais, ne’ebé mak povu infrenta, projetu ne’e atu bele halo populasaun bele asesu liuba dezenvolvimentu bens estar. “Programa GGP ne’e programa ida ne’ebé fokus liuba diretamente ba ita nia populasuan, projetu sira ne’ebé iha relasaun ho bens estar ho ita nia populasaun no nesesidade ita nia povu nian, ba eskola, saúde bee-moos, tanba ida ne’e mak povu infrenta iha area rural iha baze ne’ebá, buat sira ne’e iha ona mak ita bele dehan ita nia povu iha ona bens estar, bele moris hakmatek, tan ida ne’e iha oportunidade ida ne’e ita hotu espera katak” esplika nia

MAE fó kongratula ba governu Japaun tanba sira hanesan Duador iha mundu no Japaun hanesan nasaun ne’ebé servisu makas, no iha disiplina. “Ita kongratula Governu Japaun tanba aktualmente nia hanesan Nasaun ida ne’ebé duador iha mundu no duador ba nasaun sira seluk, tanba povu nasaun servisu makas iha dissiplina no povu ida ne’ebé servisu nain” relata nia

Nia husu ba Timoroan atu bele bananti tuir povu Japaun nia badinas no implementa Programa GGP nia ne’ebé mak projetu sira ne’ebé mak atu halo rehabilitasaun povu nia moris iha area rurais. “Ha’u hanoin ita presiza tuir mós, saida mak ita nia maluk sira povu nasaun Japaun halo, tan ida ne’e mak oportunidade ida ne’e ami hotu apresia ita boot sira nia ajuda mai Govenru Timor no povu Timor ne’ebé liuhusi programa GGP, ami nia povu iha area rural ne’e saida mak sira sente saida mak sira presiza” informa nia

Ministeriu Administrasaun husu ba Inan-Aman atu bele responsabel no kontribuisaun ba programa ne’ebé govenru Japaun ajuda ona, no tau matan ba fasilidade sira atu bele jere to’o tinan naruk. “Ha’u representante nudar Inan-Aman ne’ebé marka prezensa iha ne’e, ha’u husu ba ita hotu, atu ita mós bele fó ita nia kontribuisau ba programa ne’ebé ita nia povu Japaun fó ba ita, atu oinsa tau matan ba fasilidade ne’ebé lori tempu naruk, liu-liu eskola, Saude, bee-moos”

Serimonia asina akordu ba fundus GGP entre Embaixada Japaun ho ONG haat, serimonia asina kontratu ba fundu GGP entre Embaixada Japaun iha Timor-Leste no organizasaun Naun Govermental ONG haat, mak hanesan: (1) komunidade klarentian sei implementa projetu konstrusaun sala eskola no Dormitorio estudante ba sentru treinamentu vokasionál klarte, iha suku Maudemo, Tilomar, Kovalima. (2) FUNDAMOR Lautem sei implementa projetu konstrusuan sala eskola iha suku Daudere, postu administrasaun Lautem, munisipiu Lautem. (3) Asosiasaun foinsa’e Dezenvolvimentu Rurál (AFDR) sei implementa projetu konstrusaun sala eskola iha suku LisaDILA Maubara, Likisa. (4) Sentru Treinamnetu Vokasionál Juventude Manatuto mak sei responsavel ba projetu kontrusaun sala eskola primaria suku Orlalan, Laklubar, Manatuto, liuhusi Fundu Asistensia seguransa umanu ba komunidade (GGP). (BT)