Asuransi


DÍLI----Ministeriu Turizmu Komersiu Industriál (MTKI) fó apoiu nafátin ba organizasaun Assosiasaun Empresarial Mulheres de Timor-Leste (AEMTL), nia website ne’e mak kria ona atu bele habelar informasuan ba publiku iha area Turizmu. Diretor Jeral Ministeriu Turizmu Komersiu no Industrial, José Quintas hatete, governu presiza atu apoiu no kapasita nafatin setór privadu sira.

“Sira ne’e ita nia parseiru dezenvolvementu nian, servisu hamutuk ho governu, atu fó apoiu no mós kapasitasaun iha setór privadu,” dehan José Quintas ba jornalista BT iha Sentru Kultura Embaixada Portugal, Kuarta (04/03)

MTKI kontinua servisu hamutuk ho organizasaun hotu hodi hala’o nia kna’ar komersiu industriál, liu-liu kona-ba Assosiasaun feto maluk sira ne’eb’e loke hela sira nia empreza. “Ami servisu hamutuk hela, atu bele sentru informsaun ne’e bele mós utiliza, no fahe sira nia informasaun, ita hotu hatene, sentru informasaun ne’e hanesan atividade atu habelar informasaun kona-ba area turizmu nian, sira mós iha area tolu, ne’ebé mak fasilita asosiasaun halo” dehan nia

MTKI nafatin kapasita setór Turizmu atu hasa’e nia kualidade no hadi’a kualidade Turizmu nian, ne’e la’os resposavel Governu nian de’it maibe presiza servisu hamutuk. “Ita presisa hakbi’it nafatin sira nia kapasitasaun oinsa atu setór turizmu bele mós ajuda atu setór turizmu hodi hadi’a kualidade, tanba ita hadi’a kualidade iha setór turizmu liu-liu kona-ba atendimentu kona-ba (foot liveries) ne’e laos responsabel governu nian maibe preisisa servisu hamutuk, entaun governu mós iha knaar, atu kontinua reforsa rekursu humanu iha area turizmu nian” afirma nia

Rekursu humanu ba feto maluk sira iha emprezariu no enprezarial sira ne’e ho total ne’ebé mak Turizmu kover por volta 200 ital no kada tinan preve osan presiza hasa’e nia kapasidade.

“Kapasitasaun rekursu humanu ne’e lubuk ida, por volta de 200 ital hanesna ne’e, ne’e laos foka de’it iha Díli, maibe iha munisipiu tomak, ne’ebé ami iha diresaun de emprendimentu ne’e kada tinan sempre preve osan liu-liu ba hasa’e kapasidade iha setór privadu nian liga ba turizmu nian, kona-ba jestaun negosiu nian, liga mós ba hospitalidade no liga mós ba atendimentu liga mós ba negosiu Tour Guide ninian sai matadalan ba turista sira,” esplika nia

Lansamentu website ne’e hanesan passu importante ida ba asosiasaun atu kontinua Website ne’e atu promove sira nia existensia, liu-liu konpañia sira, entaun Ministeriu Turizmu kontinua apoiu liu-liu kona-ba kapasitsaun, tanba kapasitasaun ne’e iha area lubuk ida kapsitasaun Jestaun Negosiu nian, kapasitasaun Hotelaria nian, Foot Liberei no liga mós Oteis sira. (BT)