Asuransi


DÍLI----Assosiação Empresariál Mulheres de Timor-Leste (AEMTL), lansa ona website www.aemtl.com hodi promove feto timoroan sira iha munisipiu atu sai menbru ba AEMTL atu bele promove sira nia negosoiu no produtu sira ne’ebé sira produz. Prezidente AEMTL, Hergui Luina Fernandes Alves, hatete, lansa Website ne’e atu grupu negosiu bele fahe informasaun ba produtu sira iha.

“Lansa website ne’e ami hetan asistensia husi grupu voluntariu MOP, maibe la’os sira mesak mak atu hala’o, iha ne’e mós setór AICIL, rasik atu servisu no mantein, ninia kontinuasaun ba oin formasaun ne’ebé iha website ne’e nia laran, no mós fó treinamentu ba ami nia membru sira ne’e atu haree oinsa atu jere website ne’e no update infomasaun no lansa informasaun ne’ebé presiza update ba publiku,” dehan Hergui Luina Fernandes Alves ba jornlista sira iha Centro Cultural Embaixada Portugal, Kuarta (04/03).

AEMTL nia Website ne’e bele fasilita ona atu divulga informasaun sira ba públiku, tanba durante ne’e AEMTL halo programa barak maibe difisil atu fosai ba publiku ne’e difisil. “Ida ne’e hanesan plata forma atu bele fasilita, tanba ida ne’e mak ami fasilita, durante ne’e no dala barak ami hato’o informasaun ba públiku, no liu-liu iha area global, difisil teb-tebes tanba ne’e ami kria website, no dadaun ne’e plata forma ne’e iha ona, entaun oinsa AEMTL utiliza plata forma ida ne’e ho efetivamente” esplika nia

AEMTL sente iha dezafiu mak entermus rekursu umanus, no mós finaseira atu bele garantia implementasaun ba programa hotu ne’ebé AEMTL halo. “Ami nia organizasaun non lukrutivu, servisu ne’ebé mak ami halo hanesan komitmentu voluntarizmu, no ami ida-ida iha kompañia rasik atu bele jere, entaun ida ne’e mós impata ami atu aplay ami nia programa sira ne’ebé mak ami iha, tanba komitmentu ami iha se ami la halo buat ruma ba ami nia maluk feto sira, entaun se mak atu halo entaun ida ne’e ami esforsu mak’as, atu bele kontribui atu halo buat ruma” katak nia

AEMTL nia apelu ba feto maluk sira hotu, ba emprezariu no emprendedor no setór privadu sira atu bele hola parte no hamahon an iha AEMTL no sai membru ba AEMTL. “Ha’u hanoin ho lansamentu website ne’e, iha mós link ba member siit AEMTL nia, bele rejistu sai menbru AEMTL, bele hamahan-an iha organizasaun ida ne’e nia laran, tanba liu husi hamahon Organisaun ida ne’e mak ita fó forsa ba malu, ita bele kontribui ba dezevolvimentu ekonomia nasaun ne’e nia,”deklara nia

Website ida ne’e sei fahe informasaun kona-ba AEMTL nia atividade sira hotu, atu ema koñese di’ak liutan kona-ba AEMTL no programa saida mak AEMTL halo, no atividade iha area ekonomia, no atu promove negosiu tantu sira nia kompañia no produtu ne’ebé mak sira rasik iha hanesan dalan ida atu asesu ba merkadu. Programa AEMTL nian ba futuru mak atu kria ask galeri center atu menbru sira bele fasilita wanhira turista sira mia atu ba pasiar iha ne’ebé sira bele fahe informasuan distinasaun turistika ne’ebé mak turista hakarak ba.

AEMTL dadaun ne’e komesa identifka fatin sira atu bele kapasita, maibe AEMTL mós kolabora ho ministeriu tuirsmu bele utiliza ba formasaun turistika. “Agora prosesu de explorasaun, no ami sei identifika fatin, no ami atu to’o ona iha fatin, no ami mós husu no kapasita ho ministeriu Turizmu rasik atu bele utiliza sentru informasuan tuiristiku ne’ebé mak governu iha, atu kolabora hamutuk atu turista sira ne’ebé mai iha Timor bele hatene atu ba iha ne’ebé” informa nia

AEMTL mós iha tranporte rasik wainhira liga ho turista sira bele ami fasilita no distinasaun turista sira iha Díli laran, fatin ne’ebé mak prioridade iha ne’eba ami iha pakote tolu, pakote mak fatin sira ne’ebé mak fatin istóriku ba Nasaun Timor-Leste nian, tanba turista sira dala barak mak buka atu explora, no mós fatin sira ne’ebé mak atraitivu liu.

Iha fatin hanesan, Sekretariu Estadu Kooperativa Arsenio Pereira hatete, Website hanesn teknolojia informatika ida ne’ebé, atu halo sensiblidade ba informasaun ba AEMTL ninian rasik no ba ema seluk, hakarak hatenen ninia atividade ga programa rasik, liu husi Website bele divulga informsaun no mós simu informasaun iha fatin seluk karik ema fó sujesatun direita.

“Teknolojia ne’e fasilita tebes, atu menbru sira no ema seluk iha fatin no nasaun seluk, atu bele asesu ba atividade sira liu-liu AEMTL nian, iha Timor-Leste, no iha Timor maibe iha fatin seluk bele asesu ba informasaun AEMTL nian,” Nia informa nia presensa ne’e atu fó apoiu nafatin ba feto maluk nia esforsu ida ne’e no fó korajen nafatin atu sai parseiru importante ida iha setór privadu.

Tuir sekretariu estadu koperativa nia haree, katak progresu ne’e lao ona iha tinan barak ona, no governu nafatin apoiu AEMTL hanesan organizasaun no sai parseiru ida. Nia afrima iha pais ne’ebé ekonomia ne’e lao tenke envolvementu ho ema hotu-hotu, satan feto Timor sira mak organiza malu iha AEMTL, no mós bele sai membru iha CCI-TL, ne’e di’ak tebes, mezmu ohin sira nia rerlatoriu no peskiza, halo diagnostika ne’e hatudu buat barak, no sira mós sira iha dezafiu balun. (BT)