Asuransi


DÍLI----Dau-dauk ne’e Kompañia Pelican Paradise, komesa hahú hala’o ona atividade ba faze da- uluk nian, ba rai mamuk ne’ebé komunidade sira la okupa hodi harii uma iha leten, kompañia refere lansa ofisial iha loron 28 Fevereiru ba konstrusaun faze da-uluk, ba apartamentu Ótel no residensia hamutuk unidade 287 ho Nivel Fitun Lima, ho kustu Orsamentu Miliaun $100 iha área entre Tasi-Tolu no Tibar.

Tuir Ministru Koordenadór Asuntu Ekonómiku Interinu, Fidelis Manuel Leite Mangalhães, hateten, fátin ne’ebé komunidade sira la okupa, atividade ba Projetu Pelican Paradise komesa hala’o ona, ba fátin sira ne’ebé mak dau-dauk ne’e komunidade seí okupa ne’e seí buka tempu Governu seí konversa ba komunidade sira hodi aranka ba fátin seluk.

“Ida ne’ebé mak ita nia komunidade sira la okupa ona, ne’e obra bele hala’o aktividade dadauk ona, no ida ne’ebé mak ita nia komunidade sira seí okupa hela, seí iha tempu atu bele konversa ba ita nia komunidade sira, bele lori sira hodi aranka ba fátin seluk,” dehan Ministru Koordenadór Asuntu Ekonómiku Interinu, Fidelis Manuel Leite Mangalhães, hafoin remata enkontru KM, iha Palásiu Governu, Kuarta (04/03).

Governante ne’e haktuir tan, komunidade sira ne’ebé mak dada’uk ne’e seí okupa fátin iha area Tasi-Tolu seí tuir proposta ne’ebé mak komunidade sira iha, no seí tuir faze tuir mai. “Okupanta sira ne’ebé mak dadauk ne’e seí iha hela iha Tasi-Tolu ne’ebá, tuir proposta ne’ebé mak iha, diskusaun kona-ba ita nia maluk sidadaun sira ne’ebé mak seí hela, ida ne’e iha faze, ne’ebé mak Governu seí fó,” dehan nia

Tanbá ne’e, Pelican Paradise, desde ami asumi kargu hanesan Ministru Koordenador Interinu ba Asuntu Ekonómiku, ha’u rasik mak hasoru dala lima no dala nen ona, ami rasik mak orienta ba iha elaborasaun akordu investimentu sira. Fidelis esplika, agora Pelican Paradise halo ona sira nia atividade iha slot primeiru iha area Tasi-Tolu, no sira seluk sei avansa ba futuru, wainhira ita kompleta akordu investimentu.

Ministru interinu ne’e realsa tan, faze ne’e la’os katak, ita atu avansa karik ita avansa kedas dala ida, maibé ba fátin sira ne’ebé mak mamuk ona bele avansa dau-da’uk ona, ninia akordu ne’e nia hanoin no nia espiritu intensaun ba futuru mak hanesan ne’e.

Maibé seí iha tempu ne’e nia laran, seida’uk iha hafoin ita halo mamuk tia fátin, mak obra laiha, iha ne’ebá mós seí estumula tempu hira mak Governu nia esperansa atu nune’e kompañia bele hala’o hahú obra, agora obra atu hahú uluk aktividade ba fátin ne’ebé mak mamuk iha area Tasi Tolu. (BT)