Asuransi


DÍLI----Situasaun Timor-Leste fó implika tebés ba Funsionariu Kontratadu iha Ministériu Transporte no Komunikasaun (MTK) tanbá laiha Órsamentu Jeral Estadu no lao ho ambiente Órsamentu Duodésimu hodi Ministeriu Transporte Komunikasaun hapara Funsionáriu Kontratadu hamutuk 23, tambá Órsamentu duadesima la sufisiente selu Funsionáriu Kontratadu sira.

Tuir Ministru Transporte no Komunikasaun (MTK) José Agostinho da Silva hateten MTK la extende ba funsionáriu kontratadu sira hamutuk 23, tanbá agora dada’uk Timor-Leste ho Órsamentu duadesimal, ne’ebé mak ladun sufisiente hodi responde ba sira nia diretu.

“Tanbasá mak la extende sira nia kontratu, ita hotu hatene dau-daun ne’e la’o ho Órsamentu duadesimál, tanbá kapasidade finansia hosi Ministériu nian, situasaun aktual no faktual iha Timor-Leste liga ba politika,” dehan MTK ba Jornalista sira hafoin enkontru remata iha Parlamentu Nasional, Kinta (06/02).

Governante ne’e hatutan, fulan rua ona makina Estadu sustenta deit ho Órsamentu duadesimal, tanbá ne’e mak Ministeriu la extende funsionariu hamutuk 23, tanbá Órsamentu la sufisiente atu responde sira nia diretu. “Órsamentu ne’ebé mak iha la sufisiente, atu responde ba asegura sira nia direitu ita nia ajenti kontratadu sira, ohin iha diversu balun, ne’ebé mak iha Ministériu bele konsidera.

Nia dehan, Funsionáriu sira balun mos nia kontratu remata ona hodi MTK lakonsege hanaruk. Nia hatutan, nesesidade servisu iha diresaun ne’ebé mak durante ne’e sira presta servisu, iha ne’ebá seí presiza sira nia prezensa iha ne’ebá kala’e, karik nesesidade la presiza ona, mesmu sira nia rezultadu avaliasaun valor ne’e sufisiente.

Tanbá ne’e mak, ita esforsu parte destintu Deputadu sira no parte Governu, la’os ema ida nia preokupasaun, maibé ita hotu nia preokupasanu, oinsá mak bele buka ninia solusaun. MTK José ne’e argumenta, Funsionáriu sira nia durasaun servisu balun kleur, balun naton no balun foin mak tama, iha balun ne’ebé mak prinese rekezitu mós atu bele avalia, iha mós balun ne’ebé mak foin tama ita labele avalia.

Nia dehan, Fusionáriu kontratadu hamutuk 23 ne’ebé mak ita lakonsge extende, tanbá nain hat mak saí rasik, balun ninia rezultadu sufisiente, iha balun mós nia priense rekezitu. (BT)