Asuransi


DÍLI----Liu hosi Autoridade Nasionál Petróleum Minarai (ANPM) konsege fó ona lisensa ba Kompaña Operadór sira hamutuk 17, ne’ebe mak priense ona rekejitu inklui mos hetan ona lisensa ambiental ho duransaun tempu tinan (10).

Kompaña ne’ebé mak hetan ona lisensa hamutuk 17 ne’ebé iha ona diretu, hodi hetan lisensa ho durasaun tinan 10 hahu hosi tinan 2019 to’o iha tinan 2029 liu-liu iha lisensa ambientál. Tuir Diretór Downstream Autoridade Nasionál Petróleum Minarai (ANPM) Nelson de Jesus hatete, ANPN fó lisensa ba kompaña operadór sira ne’ebe hamutuk (17), ne’ebé mak kumpri hotu ona, ho duransaun tinan 2029 mak foin renova fila-fali.

“To’o iha fulan Novembru ba tinan ida ne’e, inspektór sira hatama relatóriu katak, iha sanulu resin hitu (17), mak kumpri hotu ona, inklui hetan mós lisensa ambiental, ba funsionáriu sira hetan ona formasaun ba kombate inséndiu no formasaun ba primeiru eskoru,” dehan Diretór Downstream ANPM Nelson de Jesus, ba Jornalista sira iha salaun ministeriu Finansas (MF) Ai-Tarak Laran Díli, Kuarta-Feira (18/12/2019).

Diretór Downstream ANPM ne’e hatutan, komesa hahú ba oin, sira iha ona diretu hetan lisensa ho duransaun tinan 2029, ne’ebé mak sira hetan ona lisensa hosi ANPM. “Tanbá ne’e sira iha diretu hetan duransaun ba lisensa tinan sanulu (10), hahú hosi sira nia lisensa ne’ebe ami emiti uluk nian, no balun seí remata ba tinan ida ne’e, komesa hosi tinan ida ne’e ba oin, kontinua lisensa ne’e to’o tinan 2029 mak foin renova fila-fali,” haktuir nia

Nia dehan, lisensa sira agora ANPM emiti, agora kompaña sira priense ona rekejitu ba atividade harii no opera ba Postu ba kombustivel nia durasaun tinan sanulu, signifika katak, sira priense hotu ona ba rekejitu hotu. Tanbá ne’e mak sira iha direitu tomák, tuir regulamentu no Lei ba durasaun tinan sanulu (10), hafoin tinan sanulu too 2029 mak foin bele halo renova fila-fali, maibé nia diferente mak sira ne’ebé harii foun, ne’e laiha lisensa kondisaun, sira tenki priense hotu rekezitu sira mak foin bele halo operasaun, signifika sira bele faan.

Nia esplika, kriteria ne’e iha regulamentu tékniku ba konstrusaun, iha ne’ebá komponenti fahe ba rua, ida mak ba konstrusaun no ida mak operasaun, iha konstrusaun ne’e iha sia (9) ne’ebé kompostu hosi oinsá mak atu hakoi tanki, instala pipa, oinsá atu instala bomba, oinsá distánsia entre ida ba ida, oinsa sinais sira atu tau ne’e kualia kona-bá instalasaun.

Diretór informa, uluk fó lisensa ba sira ho kondisaun, lisensa kondisaun katak, sira seidauk priense hotu ba rekejitu sira ne’ebé hakerek iha regulamentu tékniku, harii no opera ba postu aliasaun kombustivél, inklui mós dokumentu legál sira, balun no lisensa ambientál. Nia mos dehan, fó lisensa sira ho kondisaun, no tinan ne’ebé badak, balun tinan lima mai kraik, ba tinan hat ne’ebé mak ami fó, ba liu-liu sira ne’ebé tanki seí iha rai leten tanki tenki hakoi, durasaun sira ne’e refere ba indisiu sira ne’ebé mak ami hetan tuir sira nia difikuldade atu hadia.

Tanbá ne’e, balun dokumentu ki’ik, ami fó tinan ida hodi hadia, to’o durasaun too fulan nen, tinan ida no tinan rua, maibé depende ba indisiu ne’ebé ami hetan. Diretór Downstream Autoridade Nasionál Petróleum Minarai (ANPM) Nelson de Jesus esplika, durante ne’e halo monitorizasaun ba dala tolu too tinan 2019, tanbá programasaun no extensaun ne’e atu remata iha loron 24 Outubru ba tinan ida ne’e, ami hala’o aproximasaun ba sira ba fulan tolu, sira konsege duni kumpri harii no instala ba buat sira ne’e tuir duni regras sira ne’ebé hakerek iha regulamentu.

Nia dehan, tenki husu katak funsionáriu sira tenki tuir formasaun ba hamate ahi eletrisidade nian, no formasaun atu atende bainhira dezastre ruma akontese kona iha eskoru, no sira tenki hetan ona lisensa ambiental, molok atu hala’o operasaun. ANPM inspesaun ba Munisípiu sira seí kontinua nafátin, tinan ida dala ida, harée mós ba iha postu konbustivél barak hafoin mak hetan indisiu fila-fali mai bolu sira mai fó hatene, maibé normalmente fó hatene kedas iha lapangan, halo relatóriu mak koalia ho sira aseita.

“Tanbá ne’e, fó lisensa fin atu emiti lisensa sira tenki selu taxa ba lisensa, selu taxa ne’ebé mak diferente, tanbá depende ba sira nia kapasidade no insfraestrutra sira, estandar hakerek iha regulamentu oinsá atu halo kalkulasaun, selu taxa minimu liu Mill $200 ba tinan ida,” informa nia. (BT)