Asuransi


DÍLI----Autoridade Inspesaun no Fiskalizasaun Atividade Ekonómika Sanitária no Alimentár (AIFAESA), Amiasa Vendedor katak bainhira AIFAESA Kaer kona fa’an Tabaku illegál ilizitu iha Loja, sei selu multa Dollar $20.000. Rajaun sei hetan multa tanba iha lei hakerek klaru ona no kontra kódiku Penál Timor-Leste sei hetan sansaun.

Tuir Koordenadór Autoridade Inspesaun no Fiskalizasaun Atividade Ekonómika Sanitária no Alimentár (AIFAESA) Abílio Oliveira Sereno husu ba komunidade sira ne’ebé mak dadauk ne’e, sei kontinua fa’an Tabaku Ilizitu iha Loja no Merkadu, bainhira AIFAESA halo inspesaun hetan sei selu multa $20 Mill, la’os kontra deit Lei maibé Kontra mós Kódiku Penál Timor-Leste.

“AIFAESA husu komunidade sira ne’ebé mak dadauk ne’e fa’an Tabaku Ilizitu latuir Lei, la’os viola deit ba dekretu Lei, maibé agora implementa ba kontrolu Tabaku ne’e, viola mós Kódiku Penál Timor-Leste,” dehan AIFAESA Abílio Oliveira Sereno ba Jornalista sira iha Salaun MSSI, Tersa-Feira (17/12/2019).

Koordenadór ne’e haktuir tan katak, kontra Kódiku Penál Timor-Leste, bele tama kadeia Tinan Tolu no sei selu menus liu $20 Mill. “Kódiku Penál sira ne’e bele tama kadeia tinan Tolu, maibé lakoi kadeia seí multa menus liu mak $20 Mill, tanba ne’e komunidade sira haré didi’ak ba sitausaun sira ne’e,” dehan nia

Tanbá ne’e atu halo kontrolu diak liutan tuir planu katak iha tinan oin, Instituisaun AIFAESA sei halo koordena ho Xefí Suku sira, liu-liu ba Eskola estudante sira iha Sekundáriu, Primária no Úniversidade, hodi kombate hahalok refere nune’e bele redus Tabaku ne’ebé ema fuma iha Timor-Leste. Nia dehan, oras ne’e dadaun Komunidade barak mak fa’an, tanbá ema laharée, dalaruma ema harée AIFAESA komesa subar ona Tabaku ne’ebé mak bandu atu fa’an.

Koordenadór AIFAESA haforsa liutan, agora AIFAESA konsege prende sigaru konsege rekoilla ona koima sa’e ba $85 Mill, tinan kotuk $145 Mill, tinan 2017 127 Mill.
Nia hatutan, segundu koima ne’e ema barak mak laselu, maibé prosesu agora ne’e iha Ministériu Públiku 95 prosesu, karik 95 ne’e mak selu hotu, liu $200.000 resin. Kordenador mós dehan katak AIFAESA kontinua serbisu fó garantia ba konsumidór sira, no komunidade sira katak, posiblidade ne’ebé AIFAESA iha, hanesan inspektór sira nia kapasidade, posiblidade hosi transporte no posiblidade hosi Órsamentu ba aktividade sira ne’e hotu.

Nia dehan, Koima ne’ebé mak AIFAESA rekolla ne’e, mai hosi Tabaku, Expaer, Estragadu, Falta Ijiene, Falta Lisensa, halo aktividade ne’ebé mak latuir lisensa, ba aktividade sira ne’e hamutuk $85 Mill no 97, ne’ebé sei prosesu iha Ministériu Públiku mak seí kobre ba buat sira ne’e.
Tanbá ne’e, sosializasaun ba dekretu Lei ne’e AIFAESA hala’o ona iha Munisípiu Sanulu Resin Rua inklui RAEOA, hala’o liu hosi borjuras ne’ebé halo ba lian tolu kompostu hosi lian Tetun, Portugés no Ingles. (BT)