Timor-Leste nudar nasaun ida ne’ebéoras ne’e dadaun hakas an hela iha prosesu desemvolvimento nasional. Sidadaun nasaun ne’e, maioria moris ihazonas rurais, depende sira nia moris ba servisus agrikultura nian. Ho kondisaun ne’e, halo populasaun barak mak sei moris iha ekonomia nebe’e kiik nomukit nia laran, ida-idak karik servisu mesak-mesak la-iha kbi’it atu hasa’e sira nia nivel vida morisekonómiku hodi sai hosi situasaun ne’e.

Nasaun ida nebe iha prosperidade, seguru no iha kualifikasaun ba asesu generalidade ba sasan no prestasaun nebe importante, produtividade nebe aas hosi empregos iha setor produsaun hotu nebe iha koneksaun ho dezemvolvimentu ekonomia ita nia nasaun. Kria oportunidade ba ema hotu, ho forma justisa nebe lolos no luan, hodi nune bele hetan kresimentu ekonomiku nebe dinamiku no inovativu. 

VI Governu Constitusional mai hosi IV ho V Governo Constitusional, simu misaun atu kontinua implementa programas ho reformas nebe halo ona ho susesu. Kontinuidade implika ka ezije koreksaun permanente ba mekanismu aktuasaun ho sistema trabalho no, klaru katak, hadia liu tan metodolojias no operasionalidade iha administrasaun no jestaun. Kontinuidade reflekta mos ba nesesidade atu forma ho konteudu ba programas nebe estabelese iha Planu Estratejiku Dezemvolvimentu Nasional. 

TL sei construi ekonomia moderna no diversificada ho baze iha setor agrikultura, turismu, no industria petroliferu ho desemvolve setor privado no fo oportunidade ba povo tomak. Iha 2011 ekonomia TL sa’e liu 10%, tamba hatudu desempenhu nebe diak hosi setores hoto -hotu, ho ida ne’e konsege hatun numeru ema kiak nebe uluk tinan 2007 kuaze 49%, maibe iha tinan 2011 tun to 41%. Kontribusaun hosi setor naun petroliferu 21% ba receitas estado.

Criasaun setor produtivu hametin ekonomia baze; Criasaun auto-empregu, emprega mos ema seluk; Utilizasaun potensia lokal (rekursu naturais); Criasaun rendimentu Hanorin ema atu moris organizadu (halo jestaun ba an rasik); Hasae kualidade moris; Criasaun kompetisaun nebe saudavel 

Total populasaun TL tuir Rezultadu Sensu 2010 = 1,066,409

Total populasaun nebe absorpsiu (terserap) iha setor produtivu  = 311,316

Total trabalhadores iha setor produtivu primaria (agrikultura, Floresta, peskas, industria ekstrativas) = 204,355 

Total trabalhadores setor produtivu sekundariu (fabrika, elektrisidade, suplai AC, suplai bee, konstrusaun) = 15,554

Total trabalhadores setor produtivu tersiariu (komersiu no retailho hanesan lojas boot, kios, reparasaun kareta no motorizada, akomodasaun, servisu publiku, etc) = 91,407 

Dezemvolvimentu ekonomia sei la sai dezemvolvimentu ne’ebé real no sustentavel kuandu laiha partisipasaun no involvimentu povo nian.Nune, sei la fasil atu kompriende oinsa hala’o dezemvolvimentu ekonomia iha movimentasaun partisipasaun komunidade. Iha lia fuan seluk, partisipasaun real, laos partisipasaun “mobilizasaun”. Komprensaun ne’e importante nudar inisiu ida, tamba durante ne’e ita hatene deit modelu ida, maka oinsa atu movimenta, signifika halo mobilizasaun ba komunidade, nune seidauk to’o ba oinsa dezemvolve partisipasaun komunidade nian.

Abut pensamentu dezemvolvimentu partisipativu hahu hosi konsiensia foun (novo conciencia) katak kna’ar governu laos atu halo “bisnis”, maibe cria ambiente ne’ebé kondusivu ba dezemvolvimentu ekonómiku. Iha tempu pasadu, ita hare katak dezemvolvimentu ekonomia domina hosi governu, tan ne’e politika ne’ebé atu regularize atividades ekonomia ladun hetan atensaun sériu wainhira ita kompara ho situasaun ohin loron. Impaktu hosi ne’e, mundu emprezaria ladun moris tamba obstaklu ne’ebé mosu no halo iklima bisnis ladun kondusivu.

Kresimentu ekonómiku ho suporta hosi setor produtivu presija tebtebes atu aselera dezemvolvimentu ekonomia ne’ebé populasaun sira espera.Tamba ho kresimentu ne’e bele kriaoportunidade servisu ba povo tomak ne’ebé sei fó impaktu mós ba hatun númeru ema kiak iha Timor-Leste.

Ho ida ne’e, maka VI Governo Constitucional ne’ebé simu mandatu atu hatutan no hadia programas ne’ebé iha IV Governo Constitucional, espesialmente iha programas dezemvolvimentu ekonómiku. Governo hakarak dezemvolve ekonomia merkadu ida ke dinâmika, ho setor privadu ne’ebé sólidu, nune bele garante empregu ba povo tomak.Ita mós rekoñese katak labele depende deit ba rezervas ne’ebé bot hosi petróleum, tan ne’e presija atu diversifika ita nia ekonomia liu hosi promove setor ekonómiku produtivu hanesan indústriais, cooperativas no dudu emprezas ki’ik ho mikro-emprezas .

Komitmentu dezemvolvimentu ekonómiku hosi V to VI GovernoConstitucional  bot tebtebes, tamba ne’e liu hosi Ministério Interligadus, dala ida tan governu hakarak fortifika ninia intensaun ida ne’e hodi hametin linhas de trabalho. Ministério ida ne’ebé mós sei kontribui hodi hametin pasu governu nian iha aréia ekonómiku maka Minitériu Comércio, Indústria e Ambiente (MCIA). Ministério ida ne’e ninia papél nudar orgaun central governu nian ne’ebé responsabiliza ba konsepsaun, ezekusaun, kordenasaun no avaliasaun ba polítika ne’ebé aprova iha Concelho de Ministros iha areas atividades ekonomikus comérciais, indústriais no setor cooperativas, inklui ambiente .

MCIA sei responsabiliza ba konsepsaun, ezekusaun, kordenasaun no avaliasaun atividades indústriais no cooperativas intermos de fo apresiasaun, licensas no fiskalizasaun tuir planu no programa ne’ebé estabelesidu.

Deskripsaun Badak iha Dezemvolvimentu Indústria no Cooperativas

Aliserse ba dezemvolvimentu indústriais no cooperativas hahu kedas hosi I Governo Constitucional to’o VI  Governo Constitucional. Hosi nebá hatudu momós oinsa komitmentu governo Timor-Leste ba kriasaun ekonómiku produtivo no partisipativo. Komitmentu ida ne’e hatudu hosi kriasaun kuadrus legais (leis no regulamento) no apoia tékniku (material, treinamentu-rai laran no liur, fundus) hodi bele garante funsionamentu operacionalidade atividades indústriais no cooperativas.

Kondisoins seluk hatudu mós mak rikusoin natureza ne’ebé potensial tebtebes. Rikusoin sira ne’e nudar instrumentu ne’ebé ho ita nia matenek bele explora ho kreatividade no inovativu, nune bele fó benefísiu ekonómiku.

Iha parte rekursus humanu, ohin loron Timoroan bele hetan oportunidade oioin hodi tuir kapasitasaun no formasaun.Kapasitasaun no formasaun nudar dalan hodi bele eleva koñesimentu ema nian tuir estandarizasaun ba areas especializadas.Matenek nudar rikeza ne’ebé kuandu aplika tuir ninia dalan, mós sei fó benefisius ekonómiku tantu ba an rasik no mós ba ema seluk.

Dezemvolvimentu rekursus humanu mós sei la ses hosi dominasaun iha area teknolojia. Ohin loron ho apoia teknikus ba fornesimentu ekipamentus balun hatudu ona rezultadu ne’ebé diak, maibe balun mós sei hamosu problemas. Dominasaun ba teknolojia nudar meius ida ne’ebé mak bele ajuda Timor-oan sira hodi bele produs produtus indústriais no cooperativas ho kualidade.

Parte importante ida mós, nudar indikador ba dezemvolvimentu setor rua ne’e mak investimentu doméstiku no estranjeirus. Ho investimentu ne’e mak sei loke dalan ba emprezarius sira atu halo transformasaun ne’ebé “radikal” hodi aselera prosesu indústrializasaun. Tamba ho capital (modal) ne’ebé bot, tranformasaun teknolojia, rekursus humanu, sira bele halo investimentu ne’ebé qualifikadu hodi bele hasa’e produsaun, nune bele garante dezemvolvimentu ekonomia ne’ebé mak estável. Governo Timor-Leste, aprezenta ona Lei Investimentu Privadu atu bele promove (hamoris) investimentu rai laran hodi nune bele fó mós receitas ba estadu.

Importansia Setor Indústria no Cooperativas

Timor-Leste sei construi ekonomia moderna no diversificada ho baze iha setor agrikultura, turismu, no indústria petrolíferu ho desemvolve setor privado no fó oportunidade ba povo tomak.Iha 2011 ekonomia TL sa’e liu 10%, tamba hatudu desempenhu ne’ebé diak hosi setores hothotu, ho ida ne’e konsege hatun númeru ema kiak ne’ebé uluk tinan 2007 kuaze 49%, maibe iha tinan 2011 tun to 41%.Kontribusaun hosi setor naun petrolíferu 21% ba receitas estado .Total trabalhadores iha setor produtivu primária (agrikultura, pescas, indústria ekstrativas) hamutuk 204,355 .

Bazeia ba scenario simples ida ne’e, bele reprezenta ona figura importansia hosi setor indústria no cooperativas, atu nune bele garante:

 Criasaun setor produtivu, hametin ekonomia baze;

 Criasaun auto-empregu, emprega mos ema seluk;

 Utilizasaun potensia lokal (rekursu naturais);

 Criasaun rendimentu;

 Hanorin ema atu moris organizadu (halo jestaun ba an rasik);

 Hasae kualidade moris; 

 Criasaun kompetisaun nebe saudavel 

Obstaklu ne’ebé Ita Hasoru

Timor-Leste nudar nasaun ida ne’ebé post conflict no atraves hosi situasaun ekonómiku ne’ebé defisil tebtebes no tama ba kategoria nasaun ho rendimentu baixu. Politikas sosiais no ekonómikas, iha tinan sanulu nia laran, laos orienta deit ba redusaun ema kiak no ba konsolidasaun seguransa no estabilidade nasaun nian, maibe fó mós atensaun tomak ba konstrusaun pilares fundamentais Instituisaun Estadu nian.

Dezemvolvimentu edukasaun nudar fator determinante hodi forma karatér humanu presija apoiu máximu hosi komponentes tomak. Ho ida ne’e mak bele muda mentalidade dependensia (tane liman, hein deit), barukten ba mentalidade independensia (buka esforsu ho meius oioin), servisu badinas no buka atu aprende.

Dezefius seluk ne’ebé ita sei enfrenta mak mentalidade Korupsaun, Konlului no Nepotizmu (KKN)hanesan kultura ida iha rai doben ida ne’e. e Moras KKN ne’e laos deit ona iha nivel leten, maibe to’o ona mós iha nivel kraik. Pior liu tan mak balun (benefisiariu) uja fundus ba apoia ne’e ba interese no projeitu privadu. Problema seluk ne’ebé ita bele inventariza mak hanesan tuir mai ne’e: (i) situasaun politiku; political good will, (ii) ekonomiku, sosial-kultural, (iii) kompetisaun ne’ebé la saudavel, no (iv) mercado.

Asaun MCIA iha Tinan 5 (lima) Oin Mai

MCIA aranka ho hanoin simples: Tane Nasaun, Haburas Ekonomia Baze, liu hosi dalan promove setor indústria no cooperativas, hametin ekonomia sustentavel. Hanoin ida ne’e sei realiza kuandu komponentes hotu hamrik iha KONSIENSIA FOUN hodi sai sujeitu (subject) ba dezemvolvimentu nasaun tuir prinsipiu partisipativu ne’ebé ativu.

Saida mak Secretaria de Estado da Indústria e Cooperativas sei halo iha tinan 5 oin mai, tuir mata dalan PLANU ESTRATEJIKU DEZEMVOLVIMENTU NASIONAL (PEDN) no PROGRAMA DEZEMVOLVIMENTU TINAN 5 HOSI V to IV GOVERNO CONSTITUSIONAL:

1. Kria lei ida ba aktividade Industria nebe bele seguru ona ba Companya sira nebe atu halao aktividade nebe revere.

2. Identifika no dezemvolveindústriano cooperativas nebe iha potensia no iha intervensaun ba setores hotu tuir prioridades:

• Potensialidade: enfaze liu ba aspeitu potensialidade dezemvolvimentu indústria no cooperativas.

• Sektoral: enfaze liu ba aspeitu sektoral hanesan agrikultura (pescas, pecuaria (agroindústria), edukasaun, sst.

3. Dezemvolve rekursus humanus; 

• liu hosi programa edukasaun naun formal hodi fo kapasitasaun/formasaun/treinamentu espesializada ba jovens/komunidade nebe rekrutadu bazeia ba kompetensia iha indústria no cooperativas.

• Programa estudu komparativu ba grupos indústria no cooperativas nebe selesionadu hodi haklean no hariku liu tan sira nia kunhesimentu.

4. Dezemvolvimentu infrastrutura hanesan centru ba formasaun no fasilidades, centru produsaun, hadia sede ba indústria kiik/medio no cooperativas.

5. Criasaun zona indústria.

6. Criasaun merkado hodi faan produtos indústria no cooperativas.

7. Produs media no brosura nudar informasaun ba komunidades.

8. Subvensoins publikus hodi apoia indústriais no cooperativas hodi fo estimulasaun ba grupos joven/komunidades.

9. Prepara baze legal ba operasionalidade indústria e Cooperativas (esbosu lei indústria), revizaun ba Decretu Lei Cooperativa no.16/2004.

10. Cria rede servisu no komunikasaun ba indústria no cooperativas.

11. Promove dezemvolvimentu setor indústria no cooperativas liu hosi setores ne’ebé escolhidu ona.

12. Promove indústriais eksportasaun nian.

13. Promove koperasaun bilateral.

Planu no programa sira ne’e hotu presija ita hotu nia kontribusaun iha ninia implementasaun. MCIA sei la lao mesak iha kontestu implementasaun. Koperasaun ho komunidades, sosiedade sivil, autoridades local, igreja no parseiros/doadores mak bele sai sasukat ida hodi bele asegura prosesu ne’e tomak ba to’o iha ninia finalidade. Prosesu ba to iha finalidade ne’e sei liu hosi dalan ne’ebé laos fasil.

Tamba ne’e, impresta lia fuan hosi S.E. Presidente da Repúblika, nudar lia fuan refleksaun ba ita hotu, katak “buat ne’ebé natureza fó ba ita tenke rega ho ita nia kosar-ben no esforsu. Uluk ita nia nasaun ezije ita nia raan no ita nia luta, agora, ita nia nasaun ezije ita nia kosar-been no ita nia serbisu maka’as” . Lia fuan ne’e sai nudar lampra ida ne’ebé sei leno ita hotu nia dalan hodi lao ba to’o iha finalidade mak MORIS DIAK.

Liu Fuan Ikus

Mai ita hoto bolu malu, Joventude ba jerasaun Nasaun Timor Leste ida ne, mai ita hoto hamotuk hase Loro Matan nebe furak ne iha iha Abad 21. Ida ne’e mak Timor loro sae. (BT)