DÍLI----United Nations Development Programme (UNDP) kaer projetu barak kona-ba ekonomia nian no foinsae sira bele kria oportunidade kona-ba mudansa klimatika.

Ho nune’e UNDP hala’o enkontru ho parseiru sira iha UN house Kaikoli atu servisu hamutuk ho parlamentu nasional hodi asegura servisu governu. Tuir UNDP Resident representative Tuya Altangerel, hatete, UNDP hakarak servisu hamutuk ho media iha Timor atu kontinua hare kona-ba informasaun liliu ba korona virus no sek faktus kona-ba notisia ne’ebé lalos.

“UNDP hakark servisu hamutuk ho media iha timor jornalista sira atu kontinua hare kona-ba informasaun liliu ba korona virus nomos ba ami trening ida kona-ba sek faktus kona-ba notisia ne’ebé lalos, UNDP atu halo inserta inklui jornalista sira atu hato’o informasaun sira” dehan Tuya Altangerel ba jornalista Business Timor iha UN House Kaikoli Dili, Tersa (10/03/20).

Nia hatutan, UNDP mos kaer projetu barak liliu ba ekonomia ninia no servisu ho fonsae sira hodi bele kria oportunidade kona-ba mudansa klimatika. “UNDP kaer projetu barak liliu ba ekonomia ninian no servisu ho foinsae sira atu kria oportunidade servisu nomos servisu ho parlamentu nasional atu asegura servisu governu nian ba elisaun nian oinsa sira ne’e lao diak”

Nia afirma, UNDP mos sei servisu hamutuk ho partidu politiku hotu atu ense ona katak buat ne’ebé halo no halo tuir konstituisaun kona-ba mudansa klimatika ne’e iso global ne’ebé hato’o, projetu balun atu asegura povu sira ne’ebé hela iha area rural no prevene husi udan boot.

“Serivsu mos ho partidu politiku hotu atu ense ona katak buat ne’ebé halo no halo tuir konstituisaun nomos kona-ba mudansa klimatika ida ne’e iso global ne’ebé ita hato’o, UNDP nia projetu balun atu asegura povu sira ne’ebé hela iha area rural no bele prevene sira husi udan boot sira ne’ebé sei mai wainhira sira hetan inudasaun nomos dalaruma estraga sira nia uma” Afirma nia

Nia haktuir, UNDP mos servisu ho governu kona-ba projetu eleitoral atu oinsa prosesu elisaun iha Timor laran liliu tinan hirak nia laran konsege ona servisu hamutuk ho sira. (BT)