DÍLI----Bazeia ba Projetu Emerjensia Estrada Lautém Paradu, dada’uk ne’e Administradór Munisípiu Lautém, liu husi planu dezenvolvimentu Munisípiu nian, halo ona proposta ba Ministériu Obras Públiku, maibé to’o ohin loron seidauk responde.

Tuir Administradór Munisípiu Lautém Zeferino Dos Santos Sequeira rekoñese, projetu emerjensia estrada Munisípiu Lautém paradu kuaze tinan 4 ona, maibé dada’uk ne’e Administradór Munisípiu Lautém halo ona Proposta ba MOP, maibe to’o ohin loron seida’uk responde, tanbá difikulta husi Orsamentu Jerál Estadu ne’ebé mak xumba iha Parlamentu Nasionál.

“Hanesan Autoridade Munisípiu Lautém, halo proposta liu husi planu dezenvolvimentu Munisípiu nian, hodi hato’o ba MOP, maibé ate agora seida’uk bele realiza, tanbá depende ba kbit MOP nia Finansas liu husi Governu nian,” dehan Administradór Munisípiu Lautém Zeferino Dos Santos Sequeira ba Jornalista BT iha Hotel Timor (HT), Tersa (25/02).

Administradór Munisípiu Lautém hatutan, MOP tempu iha komisaun revisaun orsamentu iha Ministériu Finansas tinan 2019, dehan tinan 2020 hahú hala’o lansamentu Lautém husi Lospalos Vila no Lospalos Vila ba Vikeke, maibé Orsamentu Jerál Estadu ne’ebé mak xumba iha Parlamentu Nasionál difikulta ba planu sira ne’e.

“Orsamentu foin lalais ne’e mak la xumba iha Parlamentu Nasional bele difikulta tebés ba planu husi MOP, tanbá iha tinan 2019 ami halo komisaun revisaun orsamentu iha Ministériu Finansas tinan 2019, informa 2020 hahú hala’o lansamentu Lautém husi Lospalos Vila no Lospalos Vila ba Vikeke, maibé to’o ohin labele hala’o tanbá difikulta OJE ne’ebé xumba iha Parlamentu Nasionál,” nia dehan

Tanbá ne’e nia esplika, hasai alkatraun iha Lospalos hahú husi Suku Rasa ba to’o iha Lospalos Vila laran sira ne’e kompañia lokál sira ne’ebé organiza malu, karik sira koneksaun husi MOP, maibé ha’u lahatene, tanbá kompañia halo la’os husi kompañia Internasionál mak halo. Administradór Munisípiu Lautém Zeferino Dos Santos Sequeira argumenta, estrada ne’ebé mak iha tinan 2016 molok 28 Novembru iha Lospalos, kompañia no konsorse sira hala’o, ikus mai laselu ne’e, la’os kompeténsia husi Administradór Munuisípiu nian.

Maibe nia relata, aktividade ida ne’e paradu kuaze tinan 4 nia laran to’o ohin loron, hahú iha tinan 2016 to’o ohin loron seida’uk halo, tanbá ne’e foin dada’uk husi komisaun F ne’ebé mak trata asuntu infraestrutura ba mós hala’o investigasaun kona-ba asuntu ida ne’e, maibé ha’u esplika ba Membru Parlamentu sira.

Tanbá konsorse halo sen koñesimentu mai iha Administrasaun, hau lahatene mai fó hatene ba MOP kala’e, maibé ikus mai laselu to’o kompañia sira paradu, tanbá sira iha kontratu la selu, laiha kontratu mak la selu no kualidade projetu mak ladi’ak too ohin loron ha’u lahatene.

Maibé uluk iha konsorse mak hasaí duni alkatraun sira ne’e, iha tempu ne’ebá sira ateiru ho rai mutin, maibé ikus mai la selu, entaun Projetu ne’e agora abandona ida ne’e mak kauza bainhira tempu udan saí tahu no tempu bai loron saí hanesan poeras ba difikulta tebes ba ita nia komunidade sira ne’ebé mak hela besik estrada ibun liu husi rai rahun.

Nia informa, Projetu ida ne’e hahú laiha informasaun ruma husi Administradór Munisípiu Lautém, tanbá projetu hanesan ne’e halo mós aprovizionamentu iha nivel nasionál, la’os iha nivél Munisípiu. Administradór Munisípiu Lautém akresenta liu tan, bainhira kompañia sira halo ha’u haree kontenti, maibé ha’u laiha autoridade ida atu halo intervensaun no halo propoin ba nasionál, oinsá hodi selu.

Tanbá ne’e mak hanesan Autoridade depois estrada ne’e lahalo saí hanesan tahu, no tempu bailoron saí hanesan poeras, ha’u halo proposta liu husi planu dezenvolvimentu Munisípiu Lautém, hodi hato’o ba MOP. Alende ne’e mós Adiministradór Munisípiu Lautém informa Suku iha Munisípiu Lautém hamutuk 34 asesu ona maibé, Aldeia balun seida’uk asesu Eletrisidade, kuaze postu hot-hotu exeptu ba Postu Tutuala kompletu ona, maibé Postu sira seluk Aldeia balun mak seida’uk asesu Liña Eletrisidade. (BT)