DÍLI----Banco Central de Timor-Leste (BCTL) iha semana liuba realiza konferénsia de imprensa hodi halo lansamentu ba Relatóriu Trimestrál Fundu Mina-Rai bá dala-58 ne’ebé termina iha fin do ano 2019 ho nune’e Fundu Mina-Rai ne’e, aumenta ba Billaun $17,69, iha Fin bá trimestre ne’ebé termina iha 31 Dezembru 2019.

Vice Governador BCTL, Venançio Alves Maria hatete relatóriu trimestral Fundu Mina-Rai ne’ebé determina iha loron 31 fulan Dezembru 2019, BCTL simu total reseitas iha trimestre ida ne’e ho montante millaun U$530,32 no ida ne’e sei hatudu pasu pozitivu ne’ebé mak boot hosi fundu ne’e rasik tanba komesa hosi Janeiru to’o Dezembru BCTL konsege simu reseitas billaun $2 ho balun nune’e, aumenta ba Fundu Mina-Rai hamutuk billaun $17.69 iha fin do ano.

Nia esplika reseitas ne’ebé mak banku sentral simu hatudu katak pasu ida ne’ebé mak pozetivu ba Timor-Leste nia finanseiru tanba hetan kontribuisaun reseitas hosi fundu sira seluk ne’ebé mak estadu prioridades hanesan fundu Investementu ekonomiku sira balun.

“Fundus Mina-Rai nian ne’ebé mak iha relatóriu trimestral BCTL kuaze mai ho pasu ida ne’ebé mak diak tanba ita kobre hosi investementu ekononia sira balun nomos Mina-Rai nian rasik kuaze U$530,32 Millaun.” hateten vice Governador BCTL, Venançio Alves Maria iha konferénsia imprensa ba lansamentu reseitas fundu Mina-Rai trismestre ikus ne’ebe termina iha 31 Dezembru 2019, iha Sala Reuniaun BCTL, Segunda (03/02).

Nia dehan, Informasaun prinsipál hosi relatóriu trimestrál ne’ebé kobre hosi 1 Outubru 2019 to’o loron 31 Dezembru 2019. Tanba ne’e, Totál kapital fundu petrolíferu hamutuk billaun $17,69, i reseitas brutu bá fundu, inklui hosi royalties no taxas milliaun $156,82. Alende, Transferénsia bá OJE 2019 bá trimestre ne’ebé termina iha 31 Dezembru 2019 hamutuk milliaun $549.

Nune’e, “Durante trimestre ne’ebé termina iha 31 Dezembru 2019 fundu petrolíferu hetan retornu millaun $530,32 no Total returnu tinan ne’e, ate a Data to'o 31 Dezembru 2019 hamutuk billaun $2,00,” tenik nia. Nia kontinua haktuir, BCTL konsidera retornu hosi fundu petrόliferu iha 2019 ne’e marka istόria foun tanba sa’e ba billaun $2.1 kompara ho tinan kotuk sira liuba.

“Iha trimestre ida ne’e (termina iha 31 Dezembru) hetan retornu positive millaun U$530,32 ne’e ba trimetre ida ikus nian deit. Nune’e tinan ida tomak (Hahu hosi Janeiru to’o Dezembru) 2019 ita konsege hetan billaun $2.1. Hosi retornu fundu petrόleum iha istόria foun durante tinan 2019 kompara ho tinan kotuk sira liuba tanba hanesan 2017 ita hetan retornu fundu petroleu ne’e billaun $1.6 deit, mais tinan ida ne’e boot tebes,” Esplika Vice-Governador BCTL, Venançio Alves Maria.

Alende ne’e, Relasiona ho Retornu boot, Official Investment BCTL Agustinho Maia haktuir tan, retornu iha tinan 2019 boot tanba kontribui hosi fator rua. Dahuluk, Bancu Central principal sira hanesan Bancu Central Estadus Unidus Amerika (EUA), Bancu Central Uniaun Europeia sira, halo sira-nia politika ne’ebé akomodativu katak politika ne’ebé trasa atu suporta nafatin aktividades ekonomika no liliu hanesan hatun taxa jurus tanba iha involve ikus ne’e Bancu Central EUA nian balun hatun taxa jurus dala ida pursentu 0.25 kompara ho antes entre pursentu 2.25 to’o 2.50.

“Ida ne’e ba dala tolu ba tinan ida ne’e nia laran tanba ne’e mak merkadu halo relasaun positive tebes katak Bancu Central hakarak nafatin suporta aktividades ekonomia global,” tenik Agustinho. Nia haktuir tan, daruak nian mak, eventu akordu negosiu entre EUA ho Xina nian bainhira hare fali ba kotuk katak eventu ida ne’e sempre fó impaktu negativu ba merkadu liliu inserteza molok sira hetan akordu. Maibe iha Dezembru nia-laran sira konsege anunsia katak prontu atu assina akordu ba faze dahuluk ba negosiasaun nian.

Nune’e iha akordu ne’e mos sira reduz tarifa ne’ebé tau ba sira-nia sasan importasaun hosi EUA ba Xina tanba hosi Xina ba Amerika ne’e mόs kontribuisaun tebes ba folin ativu finanseiru sira. Official Investment kontinua dehan, Kona-ba dadus ekonomiku, EUA ne’eba ninia ekonomiku influensia tebes iha mundu i ninia kresimentu positivu mezmu ninia ekonomiku ne’e moderadu. Nune’e ekonomia ne’e ladun forte no Xina mos hanesan ekonomika kontinua positva maibe menus hosi por volta pursentu 6 hosi kresiemntu annual.

“Tanba nemak positivu nafatin hosi sira-nia Bancu Central mos sempre halo politika oi-oin hodi hakarak suporta nafatin aktividade ekonomiku sira,” esplika nia. Ne’e dunik, konferénsia de-imprénsa ida-ne’e hetan partisipasaun hosi reprezentante Ministeriu Finansa, Sosiedade sivíl-sira, Média Nasionál-sira no Internasional. (BT)