DÍLI----Governu liu husi Konsellu Ministru (KM), aprova alargamentu bloku A no C, “Oil and Gas Onshore” iha Parte Sul (Suai-Covalima) atu dezenvolve no explora.

Tuir Ministru Petrόleum no Minerais (MPM) in Ezersísiu Agio Pereira hatete Relasaiona ho ohin MPM hamutuk ho Prezidente Autoridade Nasional do Petrόeum no Minireais (ANPM) aprezenta proposta resolusaun Governu nian iha dadauk liuba. Tanba ne’e, ohin Konsellu Ministru aprova ba alargamentu Bloku A no C “Oil and Gas Onshore” nian, iha Parte Sul (Suai-Covalima) atu dezenvolve no explora.

“Husi ANPM ne’ebé tutela iha Ministeriu Petrόleum no Minerais aprezenta proposta husi Prezidente ANPM Gualdinho da Silva ne’e ohin hetan aprovasaun atu halo alargamentu ba area explorasaun Onshore ninian, Bloku A no Bloku C,” lia hirak ne’e hato’o husi Ministeriu Petrόleum no Minerais (MPM) in Ezersísiu Agio Pereira iha Palasiu Governu hafoin remata Reuniaun Konsellu Ministru, Kuarta (26/01).

Nia dehan, Ohin Governu aprova Alargamentu ne’e tanba iha fulan kotuk loron 23 fulan Novembru MPM ha’u (Agio Pereira) Rasik hamutuk ho Prezidente Autoridade Nasional do Petrόeum no Minireais (ANPM) aprezenta proposta resolusaun Governu nu. 2/39/2016 nian. Tanba ne’e, Governu liu husi Konsellu Ministru ohin aprova ne’e. Nia haktuir, Governu aprova nalargamentu ne’e mόs, uluk Timor Resource halo ne’ebé mak la’o diak hela deit Husi alargamentu Bloku A no C ne’e.

“Tanba ne’e mak hare resolusaun Governu ida ne’e aprova hodi fό dalan ba Dezenvolvimentu no explorasaun iha rai tetuk parte sul (Suai-Covalima) ne’ebé mak area rua ne’e besik malu,” tenik nia. Ne’e dunik, Governu mόs aprova alargamentu ne’e tanba area Bloku A no C ne’e besik malu no area ida ne’ebé mak identifika ona indisius husi ezistensia husi formasaun Jeolojiku sira.

Nune’e iha area rua ne’ebé mak identifikadu indisius husi ezistensia formasaun Jeolojiku sira hare dehan katak area rua ne’e potensial duni atu dezenvole no explora. Alende ne’e, Prezidente Autoridade Nasional Do Petroleum no Minerais (ANPM) Gualdinho Da Silva dehan Bazeia ba peskiza durante ne’e halao husi Aero jeo-fisiko iha teritoriu Timor-Leste, husi sistema seismiku no magnetiku kapta katak TL iha potensialidade ba rikusoin Mina ho Gas.

Nune’e Aero jeo-fisiko nia sistema kaptasaun liu husi survey iha territoriu Timor laran tomak hahu husi parte, Oeste Suai, Leste (Lospalos) kuaze identifika potensial ba mina iha Munisipiu hanesan Bobonaro, Mina no Gas Domina iha parte sul hahu husi Munisipiu Covalima (Suai) Munisipiu Betano (Same) Aliambata (Vikeke), inklui munisipiu Lospalos iha nia sentru mina matan.

“Timor-Leste sai hanesan nasaun potensial ba baze petroleum nian tamba ita nia rai ne’e iha no eziste duni mina matan no gas matan iha area barak liliu iha parte fronteira entre TL no Australia nomos Bobonaro to’o Lospalos maibe la’os ba mina deit maibe buat seluk mos seidaukk iknlina iha ne’e hanesan parte geologia ninian kona-ba Marmer,” hateten Prezidente ANPM Gualdinho Da Silva iha Debate jeneralidade proposta da lei, Parlamento Nasional, kuarta (17/07).

Nia dehan, tamba ne’e mak liu husi estudo peskiza ida ne’e, presiza hare didiak Leis ne’ebe mak iha bainhira halo ratifikasaun ba tratadu ka leis ne’ebe mak sempre tama iha aktividades petrolifeiro ninian tamba bainhira kontinua halo perfurasaun ba mina matan ne’ebe mak ejiste tiha ona.

Nia afirma liutan katak, bainhira supervisaun no koordenasaun hodi prosede ba lei Alterasaun husi lei aktividade petrolifeiros forma no hatudu realidade foun ne’e, alende adapta rejime juridiku ne’ebe aplika ba ba aktividades petrolifeiros sira iha Timor-Leste ba ejijensia ne’ebe mak konsekuensia husi atual estado ba industria nia dezenvolvimentu nasaun Timor-Leste.

Tan ne’e, estudos ne’ebe mak iha liu husi Aero jeo-fisiko sira halo suvey iha territoriu Timor laran tomak hetan Mina no Gas inklui fatuk kamada ne’ebe mak iha posibilidade bele akumula petroleum ne’e ho metro kuaze 4000 iha rai maran no tasi laran, iha produsaun kuaze 3000 metros hetan ona.

“Nune’e dadaun ne’e, ita iha kontratu rua ba peskiza seismiku mina matan iha rai okos nomos dadauk ne’e foin finalize peskiza seismiku hanesan iha rai maran nian iha parte oeste Suai, mai Ainaro no maunfahi nomos fulan oin sei kontinua ba perfurasaun, no kontratu rua ne’e hanesan kompana Timor Resource ho Timor GAP,” afirma nia. (BT)