DÍLI----Durante tinan 2 nia laran mosu instabilidade politika iha rai laran hodi halo numeru projetu konstrusaun Sivil Menus iha rai laran no empreza sira ne’ebe durante ne’e Rejistu iha Servisu Rejistu Verifikasaun Emprezarial (SERVE) barak mak taka sira nia kompaña iha SERVE.

Tuir Supervisora Senior Do SERVE IP Ana Jeannie Alexandra Corte-Real hatete iha tinan 2019 Serve IP identifika ona iha empreza barak mak taka tanba relasiona ho situasaun ekonomia rai laran ne’ebé mak la’o la Estable iha tinan 2019 maibé iha empreza nasionál balun hakarak atu taka temporariu no sei reativa fali bainhira situasaun ekonomia normal fali.

‘’Maioria empreza ne’ebé mak taka ka suspende temporariu mak empreza ba konstrusaun sivíl, hosi empreza internasionál no mós nasionál. Ho razaun katak iha tinan 2019 empreza konstrusaun sivíl barak ladún hetan oportunidade atu bele manan iha projetu konstrusaun sivíl nia hanesan konstrui Estrada, Ponte, Uma no halo rehabilitasaun mós’’ Dehan Supervisora Senior Do SERVE IP Ana Jeannie Alexandra Corte-Real, ba Business Timor iha Edifísiu SERVE IP Plama Spring Hudi Laran, Dili, Segunda (13/01)

Nia esplika katak ho situasaun ne’ebe durante ne’e lao iha fulan Agostu to’o Setembru 2019 SERVE identifika empreza konstrusaun sivíl nasionál 62 no mós empreza konstrusaun sivíl Internasionál 5 mak taka’’Dehan Ana Jeannie Alexandra. ‘’Hosi númeru empreza nasionál mak boot tanba empregadu sira labele atu selu traballadór no mós selu taxa bainhira empregadu rasik labele hetan rétornu ruma’’ Dehan Nia.

Nia salienta tan katak SERVE tinan 2019 governu realiza polítika nasionál hodi loke projetu konstrusaun sivíl ho númeru natoon de’it no ida ne’e sai fatór ida ba empregu konstrusaun sivíl barak mak taka temporariamente tanba sempre dependente de’it ba projetu governu nian.

Maske SERVE laiha podér atu taka empregadu sira nia kampaña ne’ebé rejistu ona maibé prosesu ida nee simu pedidu rasik hosi empregadu sira tuir sira nia hakarak no SERVE sei nafatin koopera atu bele fó atendementu ba empregadu sira hotu iha kualkér tempu bainhira to’o tempu hakarak atu reativa fali.

‘’Alende husi empreza hosi konstrusaun sivíl barak mak taka iha tinan 2019 iha mós empreza negósiu hosi ki’ik balun mós taka tanba ema menus konsumidora ho razaun komunidade rasik laiha osan atu sosa produtu sira fa’an’’. Informa Nia.

Nia informa katak SERVE nu’udar instituisaun governu nian ne’ebé mak servisu tuir lei orgániku No 16 / 2017 hodi fó atendementu ba empreza públiku sira ne’ebé mak hakarak atu rejista kampaña hodi hala’o atividade emprezariál tuir dalan legal. (BT)