DÍLI----Autoridade de Inspesaun e Fiskalizasaun da Atividade Ekonomia Sanitaria Alimentar (AIFAESA), detein empreza hamutuk hitu ne’ebé komete infrasaun iha loron boot Natal bainhira povu selebra no festeza loron importante ne’e.

Diretór Departamentu Operasaun AIFAEZA, Gabriel da Costa hatete durante tama iha tempu Natal AIFAESA hala’o inspesaun konjunta relasiona loron Natal detein empreza nain hitu ne’ebé komete infrasaun, empreza hitu ne’e, kompostu hosi empreza Timoroan na’in tolu no empreza estranjeiru nain 2, nomos empreza ida surat lisensa mate no empreza fa’an sasan liu prazu mos ida.

“Ami servisu konjunta ne’ebé mak lidera hosi AIFAESA rasik durante loron sia nia laran estabelesimentu negosiu inspesionadu hamutuk 95 reazonamentu kompostu hosi Supermekadu, Loja, Bar, Diskote sira hotu, inspesaun loron nian hamutuk 95 no parte kalan nian 37 estabelesimentu tanba ne’e ami konsege detein Empreza 7 Komete Infrasaun” Kestaun ne’e hato’o hosi Diretor Departamentu Operasaun, Gabriel da Costa, ba jornalista sira iha Salaun AIFAESA-Matadouru, Sabadu (28/12/2019).

Tan ne’e empreza hitu komete infrasaun mak hanesan, lisensa mate ida, atividade lisensa latuir regra nain lima, no sasan liu prazu ida. Nia hatutan, Departamentu Operasaun nia servisu iha terenu haree katak operadór komete insfrasaun sei halo auto notisia konfirmasaun ba kompaña.

“Parte ami rasik inspektur auto sei submate ba Ministeriu Publiku (MP), atu nune’e sira bele multa osan rihu $3 to’o $4 hodi sira bele la’o tuir regulamentu ne’ebé hosi Autoridade nian rasik i multa ne’e depende insfrasaun” hateten Direitor ne’e.

Durante hala’o inspesaun konjunta kompostu hosi entidades Inspesaun Jeral Traballu (IGT), Autoridade Tributaria, PNSIK Nomos AIFAESA rasik. “Tanba ne’e, atividade inspesaun durante ne’e la’o preokupasaun ne’ebé ami hasoru ekipa sempre ameasa hosi negosiante ki’ik sira maibe ho kalma servisu nafatin tanba hetan seguransa hosi Polisia,” Informa nia. (BT)