DÍLI----Orador Úniversidade Oriental Timor Lorosa’e (UNITAL) Manuel Vong fahe hanoin ba estudante Graduadu sira iha Salaun UNITAL foin Lalais ne’e katak Ohin loron sai Problema boot iha Timor-Leste mak Dezempregu ne’ebe kada tinan sempre aumenta iha Nasaun Timor-Leste.

Dezempregu ne’ebe ohin loron aumenta ba beibeik sei kria problema barak iha rai laran inklui mos sai dezafiu ida ne’ebe todan tebes ba Estadu ida ne’e. Tan ne’e atu hases hosi dezafiu ne’ebe Timor-Leste sei hasoru ho numeru dezempregu ne’ebe aumenta nia husu ba estudante graduadu sira atu oinsa bele hamutuk ho Audensia no Sosiedade sira, hodi hatudu fenomena ekonómia sosiál iha Timor-Leste.

“Hanesan Jerasaun kontinuadór ba nasaun ida ne’e nian, ha’u konvida ita-bót sira hamutuk ho audénsia no sosiedade tomák, haré dadús ne’ebé mak hatudu fenomena sosiál ekonómiku, ne’ebé ejisti iha ita nia rai Timor-Leste,” dehan Oradór no Eis Ministru Turizmu Manuel Vong iha UNITAL Sexta-Feira (20/12/2019)

Eis-Ministru Turismu ne’e hatutan, ekonómia Timor-Leste tuir dadús ne’ebé mak hatudu kuaze populasaun Millaun 1200 la hetan servisu. “Númeru ema ne’ebé la hetan servisu saí nu’udár dezafiu boot ba ekonómia Timor-Leste, tuir dadús ne’ebé mak hatudu katak kuaze ema populasaun Millaun 1200 maizomenus ba númeru ne’ebé mak lahetan servisu boot tebés,” dehan nia

Nia esplika papel intelektuais ho kualidade no karakter lideransa transformadór ba Objetivu Dezenvolvimentu Sustentavél (ODS) ba Timor-Leste tinan 2030. Tanbá ne’e edukasaun forma ema la’os atu saí servidór de’it maibé oinsá atu saí nu’udar servi door sai lider no jestor ida ne’ebe mak ho kualidade iha komunidade sira no sosiedade nia leet hodi nune’e minimiza numeru dezempregu ne’ebe mak iha.

Manuel Vong esplika, grupu idade produtivu ita konsidera hanesan forsa ba traballu, idade 15 to’o 64 55%, tanbá ne’e situasaun no kondisaun sósiu ekonómiku ida ne’e, dejafia ita an rasik no entidade hotu, hosi setór públiku, setór privadu no sosiedade sivil, atu buka solusaun hodi kontribui alkansa objetivu dezenvolvimentu sustentavél.

Nia haktuir tan, prosperiedade ekonómiku atu ita moris saí diak, no prezervasaun ambiental ita nia rai, planu estratejiku dezenvolvimentu nasionál, 1130 fo liasaun ida ba ita, tanba Timor-Leste bele dezenvolve nia ekonómia nasionál hatudu setór tolu, Petroleum no Gás, Agrikultura no Turizmu.

Orador ne’e afirma, Setór tolu ne’e iha nia potensialidade ne’ebé mak boot tebés, atu dezenvolve, maibe ida ne’e hela hanesan rekursu, tanbá ne’e atu transforma rekursu ne’e saí produtu ne’ebé mak prontu atu fa’an iha merkadu, presiza ema rekursu umanu ne’ebe mak iha kualidade no intelektuál.

Alende ne’e mós Marito Lamberto lisensiatura Agro Pekuaria, husi Munisipiu Kovalima Postu Administrativu Fatululik esplika, durante eskola tinan lima iha UNITAL aprende kona-bá oinsá aplika Agrikultura moderna ba komunidade hodi bele diak. “Durante tinan lima nia laran ne’ebé mak ha’u hala’o ha’u nia aprendisajen iha UNITAL ida ne’e, seí tun ba baze seí aplika ha’u nia matenek ne’ebé mak durante ne’e ha’u hatene, hodi implementa iha komunidade no sosiedade nia lét,” nia esplika

Tanbá ne’e iha komunidade dadauk ne’e seí utiliza sistema ida ne’ebé mak tradisionál no antigu, oinsa planu ida, atu dezenvolve fila-fali ba ita nia komunidade sira nia lét, hanesan modernu ida atu implementa ba iha komunidade sira. Nia dehan halai liuba iha area Agrikultura tanba ha’u foti Engenaria Pekuaria, liga liuba Animal, hare ba produksi ba animal hanesan Karau nian, tanba durante hatene mak iha area Saude Animal nian ne’ebe mak hatene.

Ha’u senti kontenti tanbá durante tinan lima nia laran, ne’ebé mak esforsu no luta makás, ne’ebé mak hasoru susár no terus, dalaruma iha finanséiru ladun kompletu, tanba dalaruma inan aman laiha kbit, atu hare. (BT)