DÍLI----Iha tinan 2019 nia laran liu hosi Ministeriu Finansas diresaun Alfándega konsege  rejistu  kazu komérsial illegal iha Frontéira hamutuk 20, kazu sira ne’e akontese tanbá ema tama mai liu hosi Frontéira lori sasan illegál mai iha Rai laran. Tuir Diretor Jerál Alfándega, José António Fatima Abílio Belo hateten katak sasan komersiál illegál tama iha fróntéira ema aproveita iha tempu kalan hodi hatama Sasan illegál sira.

“Por volta 20 kazus, durante ne’e ami halo atuasaun kontróla, ba atividade Ilegais, liu hosi tasi no rai maran, barak liu mak liu hosi tasi tanbá sira aprovéita kalan, tambá kalan hare ba ema laiha, entaun Vero oan sira ne’e mai lori sasan Merkadória sira ne’e mai,” dehan, José António Fatima Abílio Belo ba Jornalista sira iha nia edifisiu, Tersa-Feira (17/12/2019)

Problema refere nia dehan lafasíl atu hapara situsaun ne’e, tanbá ohin loron mundu teknólogía, bele kontaktu ba maluk wainhira atuasaun la’o hela maibé Alfándega kontinua halo atuasaun hodi hapara sasan sira ne’ebe mak tama, tanbá agora dijitál hotu. Nia mos dehan katak sasan illegál tama tanba ema mos monta nia intelijen hodi halo observa ba iha Alfándega sira no bainhira kalan boot funsionariu sira para servisu hafoin sira halo movimentu hodi hatama sasan sein kuinesimentu hosi autoridade hanesan Alfándega no Imigrasaun.

Ho problema refere liu hosi diresaun alfándega mos fahe informasaun ba komunidade oinsa bele konsensializa sira hodi hatama sasan liu hosi dalan legal tanba iha lei balun fó oportunidade ba sidadaun sira hodi buka moris maibe laos ho dalan illegál. “Iha parte seluk mós, ita tenke konsensializa ita-nia komunidde sira katak, imi bele hala’o atividade komersiál  lei fó dalan atu halo maibe labele halo atividades illegál sira ne’e,  illegál sira ne’e nia risku ne’e boot liu,” hateten nia

Diretór husu ba iha komunidade sira atu bele asesu informasaun iha Alfandega kona-bá atividade komersiál livre ne’ebe tuir dalan los. “Mensajem ba komunidade atu halo atividades komersiál, bele livre no vontáde, lei fó-dalan, lei mós protéje sira, inportante mak tuir nia dalan lolos, kuandu laiha konesimentu no laiha informasaun, buka hatene informasaun iha Alfándegas karik iha relasaun inportasaun, bele ba iha komérsiu, ba iha SERVER husu informasaun sira ne’e para atu lao tuir baze legál,” tuir Diretór Alfándega

Tuir Diretór Alfándega katak, iha Timor sidadaun ne’ebé mak selu taxá hanesan kontribuisaun ba dezenvolvimentu Nasaun nian. Tanba iha Timor-Leste implementasaun selu taxa ho persentajen ne’ebe mak ki’ik tebes halo komparasaun ho nasaun sira seluk. “Iha Timor komunidade selu taxa ne’e sei pursentu ne’ebé ki’ik. Atu selu taxa ne’e iha regra, selu taxa ne’e ki’ik liu iha ASEAN, taxa importasaun porsentu 2.5, taxa venda mós pursentu 2.5, hamutuk pursentu 5,” dehan José António Fatima Abílio Belo

Alende ne’e nia mos husu ba iha funsionariu sira atu bele servisu ho profisional hodi halo kontrolu ba iha sasan sira ne’ebe mak tama sai iha fronteira hodi bele fó kontribuisaun ba dezenvolvimentu Nasaun nian. “Inportante mak iha Frónteíra iha komunikasaun ba malu, halo kórdenasaun ho instituisaun sira, labele iha fali egoismu iha instituisionál para iha komflitus entre sira. Dia’ak liu kordena malu atu servisu mantéin unidade, hot-hotu servisu hamutuk unidade liu, tanbá iha ne’ebá servisu hamutuk ne’e di’ak-liu, no halo kontrólo ho rezultadu ne’ebé mak efetadu liu,” informa nia. (BT)