DÍLI----Ministérío Solidaridade Sosiál no Inklusaun (MSSI) servisu hamutuk ho Governu Brazíl ho objetivu oinsa mak bele tau matan ba ema ho difisiénsia iha Timor-Leste. Tuir Representante Sekretaría Nasionál Direitu ema difesénsía husi Brazíl, Ana Paula Nedabaska apresia ho Governu Timor-Leste, tanbá kria ona grupu ida atu kopera ho sosiedade no ba ema hotu atu asegura ema ho Difisiente.

“Ha’u sente kontente tanbá hare’e Governo Timor-Leste kria grupu interministriál liu-liu kopera ho sosiedade no sidadaun atu asegura ema ho difisiensia,” dehan sekrtaria Nasionál direitu ema difesensia Brazil, Ana Paula Nedabaska ba jornalista sira iha salaun MSS, Kaikoli, Segunda-Feira (18/11/2019).

Nia dehan Timor iha esperensia di’ak atu kria oinsa atu asegura direitu ema ho Difisiensia atu ema bai-bain labele diskriminasaun ema ho difisiensia. “Timor-Letse mós sei fó esperensia di’ak atu kria lejizalasaun atu asegura direitu ema ho difisiensia atu labele iha diskriminsaun ema sidadaun bai-bain ho ema Difisiensia,” katak nia. Ministra solidaridade social no inklujaun Armanda Berta Dos Santos hateten katak, objetivu Visita governo Brazil nian iha MSS atu apresenta esperensia kona-ba ema ho difisensia iha Timor.

“Obejetivo Vizita Brazil ne’e atu partila esperensia kona-ba ema ho Difisensia ninia,”tenik nia. VIII govenru liu husi Ministerio Solidadaridade social no inklujaun, dadaun ne’e hare’e hela ema ho difisiensia, MSS sei servisu hamutuk ho ministerio hot-hotu. “Governo Timor-Leste liu husi MSS, mós durante ne’e hare’e hela ema ho Difisiénsia, no ministerio la servisu mesak, serviasu hamutuk Ho ministerio Relevante,” dehan nia

Tuir Nia hatutan katak, ema difisénsía ne’e iha mundu importante liu, tenke tau matan ba sira tanbá sira mós iha direitu hanesan ho ema normál. Atu ema labele diskriminasaun ema ho difisiénsía. “Ema ho difisensia importante tebes, tanbá ne’e mak ita mós tau matan ba ema ho Difisensia atu sidadaun hotu La Diskriminasaun Ema ho Difisiénsía,” katak nia

Ministerio Solidaridade Sosial no Inklusaun ba programa 2020 presisa hari’i Konsellu Nasionál ba ema difisensia tuir Lei. No kria komdisaun di’ak ba ema no difisensia iha Timor. “2020 iha presisa hari’i kosellu Nasional ba ema ho difisensia, tanbá tuir lei ne’ebé mak haruka, maibe alende ida ne’e ita kria uluk lai kondisaun favoravel,” katak nia

MSS sei kolabora hamutuk ho liña ministrial iha munisipiu atu tau matan ema ho difisiensia atu asesu ba edukasaun saúde, sira mós asesu hanesan ema normal. “Ita sempre kolabora ho liña ministriál atu tau matan ba ema ho difisiente, iha area edukasaun no saude infraestrutura,” dehan nia. Ministerio Solidadridade Sosial no Inkulsaun Preve orsamentu ba ema ho difisiensia ba iha tinan 2020 hamutuk millaun $69 hodi hare ba programa sira no kria kondisaun ba ema ho difisiénsia iha Timor. (BT)