DÍLI----Grupu Agrikultura Haburas Moris la satisfás ho sistema governu sosa Produtu Lokál la benefísiu ba agrikultór sira. Diretóra Organizasaun Haburas Moris RinceNipu hateten grupu agrikultór sira iha baze hasoru dezafiu barak tanba sistema ne’ebé mak iha la benefísiu ba parte agrikultura sira. Bainhira agrikultór koleta sira hare no sinte haksolok tanba governu bele tulun hodi sosa produtu maibé sistema governu nian ne’ebé mak prejudice fali agrikultór sira husi pagamentu atraza durante fulan tolu nia laran.

‘’Husi atraza iha pagamentu tarde mak halo vontade agrikultura atu servisu hodi kontinua dezenvolve hodi hasa’e liu tan produsaun produtu lokál, no hamosu mós desentendementu entre membru iha grupu agrikultura laran hodi hamosu konflitu no mós kontribui ba doméstiku violénsia tanba uma kain ida presiza osan atu bele responde nesesidade baziku’’ Dehan Diretora Haburas Moris RinceNipu.

Diretora RinceNipu hatetenLa presiza agrikultór sira tenke tuun mai Dili hodi prosesu pagamentu ba sira nia produtu ne’ebé mak governu sosa tanba ida ne’e prejudika tebes ba agrikultór sira hodi lakon tempu lakon enerjia no mós inklui lakon osan hodi selu transporta rasik mai iha Dili husi munisípiu.

Agrikultór tenke responde sira nia nesesidade uma laran tan nee bainhira governu hakarak atu sosa produtu lokál tenke lori osan hodi selu direita atu nune’e sira bele utiliza osan ba buat benefísiu ruma, se la selu direita entaun tenke kria sistema ida ne’ebé mak di’ak no benefísiu ba agrikultór sira labele prejudika fali sira nia moris. ’Dehan Diretora Organizasaun Haburas Moris RinceNipu ba jornalista sira iha salaun João Paul II Komoro Dili, Sexta-Feira (22/11/2019)

‘’Sekarik parte governu labele resolve problema liu husi muda sistema pagamentu bainhira sosa produtu lokál husi agrikultór sira mak agrikultór sei lakon fiar’’. Diretor Lojistika Nasional Agustino Junior Trindade hateten, rekoñese duni sistema ne’ebé mak ladún justu maibé husi parte governu nian nafatin buka meus atu bele resolve ba problema hanesan nee.

Parte governu sempre hakru’uk ba lei sistema aprojonamentu nian tanba nee mak prosesu pagamentu ne’ebé mak atraza tebes hodi fo implikasaun la dun satisfás husi parte governu. Ho sistema pagamentu ida ne’ebé mak hakarak atu bele tulun ba pagamentu ba agrikultór sira mak sei buka meius atu sosa produtu lokál husi agrikultór sira hodi selu direita no osan. (BT)