DÍLI----Intituisaun Servisu Autonomo Medikamentu Ekipa ba Saúde (SAMES), iha ona órsamentu 3.7 Milloens no apoiu husi governo 2 Milloens, hamutuk 5.7 Miloens ba tinan 2020 nian.

Diretora servisu Autonomu Medikamentu no Ekipa Saúde (SAMES) Odete Maria Freitas Belo, hateten órsamentu millaun $5.7 refere atu bele sosa rai hodi tau Armajen hodi rai Ai-Moruk espesial sira ba no sosa Ai-Moruk sira ne’ebé falta.

“Tamba ami hare’e ba órsamentu kompras Ai-Moruk nian no ba órsamentu ba SAMES nian to’o tiha ona 7 miloens,” dehan Diretora servisu Autonomu Medikamentu no Ekipa Saúde (SAMES) Odete Maria Freitas Belo ba jornalista sira hafoin realiza seminario Nasionál KFP ba loron daruak nian iha CCD, Merkadu Lama, Kinta-Feira (21/11/2019).

Tuir diretora SAMES hateten katak kona-ba rai SAMES konsege resolve ona próblema kona-ba rai no Teras Propriedades, no fó ona pagamentu ba komunidade sira atu sira tau Armajem ba hodi rai Ai-Moruk no SAMES hein de’it Ajensia Dezenvolvimentu Nasionál hodi ajuda fundu ruma bele harii kontruksaun ba Armajenamentu Ai-Moruk nian.

“Ami konsege resolve tiha ona ho teras propriedades, ami halo tiha ona pagamentu ba ita nia komunidade ne’ebé mak hela iha fatin ne’e no agora fatin ne’e mamuk ona, ami hein de’it ADN karik sira iha osan ne’ebé mak sufisiente atu bele ajuda ami atu ami bele tau Armajem ida,”katak nia

Antes ne’e SAMES Ho ADN mós promete ona maibé SAMES hein de’it depende ba órsamentu ne’ebé iha. “Ami hetan ajuda husi ADN, ami promete malu hela maibé depénde ba órsamentu, maibé órsamentu ne’e iha duni, entaun ha’u nia hanoin konstrusaun ne’e halo duni tamba ami halo tiha ona disputa ba rai,”dehan nia

Alende ne’e mos kona-ba Ai-Moruk tuir Diretora Odete Maria Freitas Belo afirma tan katak, Ai-Moruk ne’ebé rejista iha lista esensiál nian ne’e iha 12% stock out no órsamentu iha 403 ITM ne’e husi 14% ne’e Ai-Moruk espesialista ne’ebé iha Lista. “Ai-moruk sira ne’ebé rejista ona iha lista esensial Timor-Leste nian, 12% stock out, no mós iha 14% ne’e husi 403 ITM, ida ne’e ba Ai-Moruk espesialista ne’ebé resista iha lista Timor nian,”tenik nia

Alende ida ne’e SAMES mós hetan apoiu órsamentu 2 Milloens husi Fundus Kodusensia, SAMES rai kedas órsamentu ne’e atu sosa Ai-Moruk sira ne’ebé falta iha Hospital. “Ai-Moruk sira iha tamba foin dadauk ami hetan tan 2 Miloens husi fundus kondusensia, ami tau ketak kedas mórsamentu balun hatan ba Ai-Moruk ba Ai-Moruk sira ne’ebé mak falta, liu-liu ba Ai-Moruk sira ne’ebé espesialista ne’ebé falta atu ita bele sosa,”katak nia

14% ne’e iha sentru saúde sira Ai-Moruk la falta tamba sira iha fasilidade no próblema iha sentru saúde laiha. “Fulan ida iha 14% ne’ebé iha sentru saúde sira ba fasilidade sira, ha’u hanoin laiha próblema ba Ai-Moruk sira ne’e, karik konsumuveis tarde entaun hein prossesu lai.

“Ami mós halo kotratu ho kompaña lokál sira atu bele hare’e ba Ai-Moruk sira ne’ebé kuantidade kiik ne’ebé stock out, atu hein Ai-Moruk sira ne’ebé mai”dehan nia. Diretora SAMES heteten katak sira mós halo kontratu ho kompaña lokál sira. Atu bele hare’e ba Ai-Moruk sira ne’e kuantidade kiik. (BT)