DÍLI----Siénsia nu’udar Paradigma ida ne’ebé importante tebes, tan ne’e presiza iha peskiza-ida fundamental hodi bele identifika dadus konkretu atu bele haforsa iha Sientífiku.

Timor-Leste oras ne’e hasoru próblema barak liu-liu próblema Ekonomia, Sosiál, Inovativu no Teknolojia ne’ebé sai preokupasaun bo’ot. Tan ne’e presiza paradigma atu transforma mentalidade hodi bele resolve próblema hirak ne’ebé afetadu. Dekanu Fakuldade Siénsia Exsata Samuel Venáncio de Sousa Freitas hatete atu hadi’a Sosiál, Ekonomia, Inovativu no Teknolokia iha rai laran presiza siénsia ida forte hodi sai matadalan hodi identifika próblema sosiál hirak ne’e.

Se resolve próblema ruma bainhira laiha siénsia no laiha estudu liu husi hala’o peskiza hodi identifika kauza próblema ruma mak labele rezolve próblema ne’ebé mak iha. ‘’Bainhira atu halo investimentu ruma hodi fó tulun ba próblema ekonomia tenke komprende kle’an kona-ba siénsia, téknolojia liu husi dalan inovativu, tan ne’e presiza matadalan atu bele halo peskiza hodi rekolla dadus ne’ebé fundamental hodi bele koñese di’ak liuba dezafiu sira ne’ebé mak komunidade sira enfrenta’’

‘’Peskiza tenke buka tu’ir abut husi próblema ruma, liu husi rekolla dadus no bainhira remata ona koleta dadus mak tenke utiliza dadus hirak ne’e hodi sai referénsia atu bele resolve próblema, Dehan Dekanu Fakuldade Siénsia Exsata Samuel Venáncio De Sousa Freitas ba jornalista sira iha Salaun INFORDEP Matadoru, Kaikoli, Díli, Tersa-Feira (19/11/2019)

Tan ne’e atu hamósu siénsia ida presiza tebes peskiza fundamentál hodi bele halakon paradigma oinsá atu hamósu fontes foun ruma tuir dadus ne’ebé mak identifika liu husi dadus. Nia esplika tan katak dadus konkreta ne’ebé mak identifika ona tenke utiliza hodi resolve próblema atuál atu bele fó benefísiu ba komunidade tomak, liu-liu ba komunidade sira ne’ebé mak hetan risku ba próblema.

‘’Bainhira rezultadu husi peskiza bele rezolve duni próblema kresimentu ekonómia mak ema sei valoriza ba rezultadu peskiza husi peskizadór sira. Iha fatin ne’e mós Oradór Padre Martinho Gusmão hateten katak problema hotu ne’ebe iha TL presiza tebes hadi’a mentalidade joven sira nian atu bele kontribui ba kresimentu ekonomia.

Tan ne’e presiza tebes atu bele tau importante ba próblema sosiál nu’une’e ema bele valoriza peskiza ruma ne’ebé mak peskizadór ida hala’o tenke reflete ba situasaun reál no sei lori benefísiu mak sai referénsia ida atu bele resolve duni próblema ne’ebé komunidade sira hasoru iha nasaun ida. (BT)