DÍLI----Relasiona ho selébrasaun loron boot proklámasaun Indepensia Timor-Leste, 28 Novembru ba dala-44 VIII governu aloka órsamentu hamutuk $200.000.00 resin hodi uza ba selebrasaun loron importante refere.

Tuir Sekretariu Jerál, Hermes Barros, nu’udar Komisaun Organizadora ba Aniversariu Proklamasaun Independensia ba dála-44, hateten katak Tuir lolos órsamentu aloka ba selébarasaun aniversariu proklamasaun Indepensia hamutuk $300,000, maibé Ministeriu Administrasaun Estatál fahe ona balu ba iha Aniversariu Konsulta Popular ho ida ne’e órsamentu ne’ebé mak ba iha aniversariu proklamasaun indepedensia hamutuk $200 mill tal.

“Órsamentu ne’ebé mak prepara ba iha selebrasaun loron proklamasaun independensia, uluk ne’e Ministru Administrasaun Estatál ho montante $300 mill mais depois hasai tiha órsamentu ne’e balu ba suporta atividade iha 30 de Agostu liuba, entaun órsamentu ba aniversariu proklamasaun indepensia hamutuk $200 mill tal,” hateten Hermes Barros ba BT iha nia kna’ar fatin MAE, Kaikoli, Kinta-Feira (21/11/2019).

Hermes Barros, hateten, órsamentu sira ne’e sei tau prioridade liuba Logistik, no prepara estudante sira ne’ebé mak sei tuir treinamentu atu hasa’e no hatu’un Bandeira Nasional, no hahahn ba iha Militar sira ne’ebé mak sei tuir parade iha eventu refere.

“Órsamentu hirak ne’e ita tau prioridade liuba iha Logistik, ba iha preparasaun hasa’e no hatu’un bandeira liu-liu atu fo treinamentu ba iha ita nia alin eskola-oan sira ne’ebé mak mai husi munisipiu 12 inklui Reziaun Administrativu Oekusse iha parte seluk mak atu preapara hahan ba iha parada ne’ebé mak sei treinu iha dia 23 to’o iha 27 no ekipa ne’ebé mak kada seksaun ne’ebé mak fo sira nia servisu ba iha preparasaun hirak ne’e,” katak nian.

Nia mos hateten katak órsamentu refere sei la sufisiente ho razaun atividade barak mak komisaun sei prepara atu halão ba iha loron importante refere, no ministru administrasaun Estatál mos simu ona informasaun katak Ministru Komersiu Industria sei realiza feira iha Centru Convensões Dili (CCD). Maske nune’e sira sei esforsu makás hodi halão atividade hirak ne’e lao ho diak.

“Órsamentu hirak ne’e tur lolos la sufisiente tanbá iha atividade barak mak ami la konsege halo ami hakarak halo maibé órsamentu la to’o So husi Ministru MCI atu organiza industria ki’ik sira atu halo feira iha Centru Convensaun Díli (CCD), turi lolos ne atividade barak lo’os maibé ita sente katak buat ne’e bo’ot-liu maibé tanbá kestaun órsamentu la to’o atu halo atividade lubuk ida ne’ebé mak presija tebes atu halo bazeia deit ba órsamentu ne’ebé mak iha

Nia dehan maske orsamentu la to’o maibe kontinua esforsu oinsa atividade sira bele lao diak nafatin hodi selebra loron refere. Hermes Barros, hateten, sira sei fahe tan órsamentu hamutuk $22 mill ba iha estudante sira ne’ebé mak mai husi munisipiu 12 inklui RAEOA ne’ebé tuir hela Treinamentu hodi Hasae no Hatun Bandeira iha eventu importante ne’e.

“Órsamentu ne’ebé mak ba iha alin sira ne’ebe mak oras ne’e sira treinu hela iha tasi-tolu ami tau ba iha sira nia han nia hamutuk $22 mill ne’e sira atu han komesa husi Sexta-Feira kotuk ba foti ona sira husi munisipiu mai iha Dili ne’e Sexta-Feira ida kotuk ba sira komesa tama ona iha fatin ne’ebé mak identifika ona para depois sira komesa halo treinu to’o ohin loron,” katak nian.

Ba labarik sira ne’ebe sei lori Bandeira oras ne’e hahu iha Dili hodi tuir formasaun parade oinsa bele dada Bandeira iha loron selebrasaun proklamasaun Indepedensia ne’ebe sei halao iha Palasiu Governu. “Agora daudauk sira treinu hela iha Tasi-Tolu no ami prepara ba sira han, no ba farda ne’ebé mak a’at ona ne’ebé mak sira uja iha tinan kotuk ami tenke hola fali farda foun para troka sira ne’ebé mak a’at ona no iha Ekipamentu ida ne’ebé mak necesita tebes ba sira atu seremonia ne’e bele lao ho diak,” Informa nia. (BT)