DÍLI----Laureadu Nobel da Páz no eis Prezidente Republika José Dr. Ramos Horta hatete atu halakon ki’ak iha Timor-Leste tenke hahu husi ukun nain sira liu-liu tenke hakribi korrupsaun.

José Ramos Horta hatete ida ne’e hafoin partisipa ba forum annuál ba da tolu, kona-ba Dezenvolvimentu Sustentavél ba Páz Justisa Instituisaun Efikásia, iha Salaaun Ministériu Finansas Ai-Tarak Laran Díli, Segunda-Feira (11/11/2019).

Horta hatete ita tun husi sidade no tun husi sidade presiza hakbesik ba komunidade ne’ebé kbit laek sira iha munisipiu no iha area remota hodi ajuda sira hamrik. Tanbá ne’e funu-nain sira no politiku-nain sira tenki hakribi ba korúpsaun no hakribi hatudu an no labele gasta arbiru osan.

“Ita tun ba sidade ita tun ba foho to’o kraik aldeia iha area rurais, ita tun husi foho mai kapital, ita fo liman ba sira ne’ebé ki’ak, ba sira ne’ebé mak dook husi poder no riku soin, rona sira fo liman ba sira hodi ajuda sira atu hamrik,” dehan Ramos Horta. Nia hatutan ita harikbi korupsaun ita hakribi hatudu an, labele gasta buat arbiru ita hakuak no hanesan kauza nasionál, atu soe kiak iha Timor-Leste, hodi tau tia ba kotuk.

Eís Prezidenti ne’e sujere atu tau osan boot liuba Area Edukasaun, Saude no Agrikultura ita tau osan boot liu tau matan ba labarik oan sira, tau osan boot liu Agrikultura to’os no Natar sira, atu nune’e bele hetan Seguransa Alimentar hodi bele la’o ba oin. Horta fiar bainhira governu bele tau osan boot liuba Ai Laran Mota no Tasi, ne’e fiar tinan 2030 Timor-Leste hanesan rai sira seluk iha mundu no dezenvolvimentu ne’ebé avansadu, ne’ebé mak iha planu estratejia dezenvolvimentu nasionál no hanesan ita rasik planu estratejia dezenvolvimentu nasionál iha mos SDG, ita sei too duni ba objetivu ne’e. (BT)