DĺLI----Serimonia Komemorasaun 12 Novembru ba dala-28, ne’e importante tebes iha istoriku akontesimentu 12 Novembru iha tinan 1991, importante tebes atu motiva joven sira lebele komemora de’it, maibé tenki ho refleta ba tempu pasadu.

Tuir Presidente Parlamentu Nasionál (PPN) Arão Noe de Jesus da Costa Amaral, hatete, komemorasaun ne’e importante tebes iha istoriku ho akontesimentu 12 Novembru iha tinan 1991 loke mundu nia matan hodi nune’e ita agora bele hetan liberdade , hein katak komemorasaun ida ne’e bele motiva joven sira hodi refleta ba tempu pasadu.

“Komemorasaun ne’e importante tebes iha istoriku ho akontesimentu 12 Novembru iha tinan 1991, loke mundu nia matan hodi nune’e ita agora bele hetan liberdade, ha’u hein katak komemorasaun ida ne’e bele motiva joven sira hodi refleta ba tempu pasadu”. dehan Presidenti Parlamentu Nasionál (PPN) ba jornalista sira hafoin partisipa serimonia komemorasaun 12 Novembru iha semiteriu Santa Kruz Dili, Tersa-Feira (12/11/2019).

Nia hatutan, akontesimentu 12 Novembru 1991 ne’e tenki sai refleksaun, la’os komemora deit, maibé tenki reflete hodi nune’e implementa iha oin para tau deferensia no ideias individual halo interse nasionál importante ba dezenvolvimentu, hakarak dehan ba juventude sira sein estabilidade dezemvolvimentu sei la iha.

“Tanbá ne’e estabilidade atu iha depende ba ita hotu husi joven sira, tanbá agora ita komesa rona konflitu bar-barak ho akontesimentu balun mate hanoin ba komemorasaun Tanbá mate ba ita hodi hanoin hikas fali ida ne’e katak ita ukun an’’. dehan Arão. Nia afirma, iha tempu ne’ebá, no agora oinsa ita fo liman ba malu liuliu joven sira fo liman ba malu hodi dezenvolve ita nia rai, atu nune’e mehi ida hodi liberta povu husi kiak no mukit ne’e ita bele hatene, selae mak ita sei sai vitima nafatin husi prosesu ne’e rasik.

‘’Iha tempu resistensia Tanbá komitmentu ida oinsa ita atu atinji ukun an liberdade, maibe agora ita objetivu ida atu moris diak, se atu moris diak ita presisa duni ba iha estabilidade atu nune’e atinji ita nia objetivu fundamental, selae ida ne’e hanesan sei sai mehi deit’’. dehan Arão

12 Novembru nu’udar Loron Nasional ba Juventude

Sekretariu Estadu Juventude no Desportu (SEJD) Nelio Isaac Sarmentu, hatete, loron 12 Novembru, estadu foti loron ne’e ba loron nasionál ba juventude.

‘’Ha’u dehan beibeik ba joven sira loron 12 de Novembru ne’e, estadu foti loron ne’e ba dia nasionál da juventude ne’e la’os mehi ida ne’ebé ita atu foti deit ne’e sei prosesu tomak iha kontribuisoen bele barak ba ita nia luta’’. dehan Sekretariu Estadu Juventude no Desportu (SEJD) Nelio Isaac Sarmentu, ba jornalista sira iha salaun Centru Convensional Dili (CCD), Dili Segunda-Feira (11/11/2019).

Nia hatutan, iha loron 12 Novembru to’o mai aktu joven sira ne’ebé voluntariamente oferese sira nia an hodi doko mundu atu fo atensaun ba ita nia prosesu ukun-an ninia, no wainhira sira mobiliza malu voluntariu, la hatene katak sira nia vida ne’e ohin hotu mak ne’e ga aban mak hotu.

Nia afirma, maibé ikus mai sei hetan sofre mate to’o agora ita la hetan, atu fo hanoin ba ita nia jerasun sira tuir mai kona-ba kontribuisaun ema hotu-hotu ninian, liliu ba joven sira ne’ebé ita dehan katak jerasun sira ne’e mak ita foti loron ne’e hanesan loron Nasionál juventude.

‘’Atu fo hanoin ba juventude katak ita labele loko an demais, ita labele hatete ba ema hotu dehan katak ha’u mak matenek demais, maibé ita so iha de’it hanoin ba ita nia laran katak ba o nasaun ne’e ha’u prontu atu servi iha kualker setores ne’ebé mak bolu ha’u atu kontribui’’. dehan Nelio

Nia haktuir, balun iha desportu karik, balun iha agrikultura karik, balun soper karik, balun konjak karik, balun tiga roda karik ne’e hanesan pangilang ida ne’ebé ita atu didika ha’u nia an ba setor ida ne’ebé ha’u halo ba nasaun, halo ba nasaun ne’e saida, katak ita tenki hamutuk nafatin, unidu nafatin atu rezolve ita nia kestoen ne’e ita mak atu rezolve laos bolu ema seluk mak atu rezolve.

‘’Agora kaer ba hanoin sira ne’e mak ha’u dehan hanesan ne’e serake uluk ita nia maluk joven sira ne’ebé oferese an ba nasaun ne’e ukun an, sira laos lagosta, sira laos ema violentiku hadomi paz, sira hakribi violentiku’’. dehan nia. Nia salenta, Tanbá sira la lori kilat no garnada atu ba halao inimigu, maibe lori deit sira nia lian hakilar deit lian hakilar deit dieritu ida ne’e, maibe ema hatan ho saida, ema hatan ho violentiku konsekuensia tenki mate.

‘’Entaun ida ne’e atu fo hanoin ba ita agora katak ho hakribi vilentiku ne’eba ne’e Tanbá sa mak momentu ita nian agora ne’e tenki iha violentu, hakribi ona rama ambon, hakribi ona fatuk tempu agora ne’e ita halo buat ida tenki koalia ba malu deit, Tanbá sa tenki halo ida ne’e tenki halo ida ne’eba, koalia ba malu para ita solusiona ita nia problema’’. Dehan Nelio

Tanbá ne’e mak ba maluk sira no joven hotu-hotu ha’u hakarak uza oprtunidade sira hanesan ne’e hodi hatete katak fo oportunidade no fo tempu ba ita bóot sira nia an ba buat ne’ebé diak no ba kondisoen sira ne’ebé ita nia estadu sira kria buka aprende nafatin sei iha tempu atu eskola nafatin. (BT)